-

Zac 1:1

בַּחֹ֨דֶשׁ֙

הַשְּׁמִינִ֔י

בִּשְׁנַ֥ת

שְׁתַּ֖יִם

לְדָרְיָ֑וֶשׁ

הָיָ֣ה

דְבַר־יְהוָ֗ה

אֶל־זְכַרְיָה֙

בֶּן־בֶּ֣רֶכְיָ֔ה

בֶּן־עִדּ֥וֹ

הַנָּבִ֖יא

לֵאמֹֽר׃

Zac 1:2

קָצַ֧ף

יְהוָ֛ה

עַל־אֲבֽוֹתֵיכֶ֖ם

קָֽצֶף׃

Zac 1:3

וְאָמַרְתָּ֣

אֲלֵהֶ֗ם

כֹּ֤ה

אָמַר֙

יְהוָ֣ה

צְבָא֔וֹת

שׁ֣וּבוּ

אֵלַ֔י

נְאֻ֖ם

יְהוָ֣ה

צְבָא֑וֹת

וְאָשׁ֣וּב

אֲלֵיכֶ֔ם

אָמַ֖ר

יְהוָ֥ה

צְבָאֽוֹת׃

Zac 1:4

אַל־תִּהְי֣וּ

כַאֲבֹֽתֵיכֶ֡ם

אֲשֶׁ֣ר

קָרְאֽוּ־אֲלֵיהֶם֩

הַנְּבִיאִ֨ים

הָרִֽאשֹׁנִ֜ים

לֵאמֹ֗ר

כֹּ֤ה

אָמַר֙

יְהוָ֣ה

צְבָא֔וֹת

שׁ֤וּבוּ

נָא֙

מִדַּרְכֵיכֶ֣ם

הָרָעִ֔ים

וּמַעֲלִילֵיכֶם

[וּ][מַֽעַלְלֵיכֶ֖ם]

הָֽרָעִ֑ים

וְלֹ֥א

שָׁמְע֛וּ

וְלֹֽא־הִקְשִׁ֥יבוּ

אֵלַ֖י

נְאֻם־יְהוָֽה׃

Zac 1:5

אֲבֽוֹתֵיכֶ֖ם

אַיֵּה־הֵ֑ם

וְהַ֨נְּבִאִ֔ים

הַלְעוֹלָ֖ם

יִֽחְיֽוּ׃

Zac 1:6

אַ֣ךְ׀

דְּבָרַ֣י

וְחֻקַּ֗י

אֲשֶׁ֤ר

צִוִּ֙יתִי֙

אֶת־עֲבָדַ֣י

הַנְּבִיאִ֔ים

הֲל֥וֹא

הִשִּׂ֖יגוּ

אֲבֹתֵיכֶ֑ם

וַיָּשׁ֣וּבוּ

וַיֹּאמְר֗וּ

כַּאֲשֶׁ֨ר

זָמַ֜ם

יְהוָ֤ה

צְבָאוֹת֙

לַעֲשׂ֣וֹת

לָ֔נוּ

כִּדְרָכֵ֙ינוּ֙

וּכְמַ֣עֲלָלֵ֔ינוּ

כֵּ֖ן

עָשָׂ֥ה

אִתָּֽנוּ׃

ס

Zac 1:7

בְּיוֹם֩

עֶשְׂרִ֨ים

וְאַרְבָּעָ֜ה

לְעַשְׁתֵּֽי־עָשָׂ֥ר

חֹ֨דֶשׁ֙

הוּא־חֹ֣דֶשׁ

שְׁבָ֔ט

בִּשְׁנַ֥ת

שְׁתַּ֖יִם

לְדָרְיָ֑וֶשׁ

הָיָ֣ה

דְבַר־יְהוָ֗ה

אֶל־זְכַרְיָה֙

בֶּן־בֶּ֣רֶכְיָ֔הוּ

בֶּן־עִדּ֥וֹא

הַנָּבִ֖יא

לֵאמֹֽר׃

Zac 1:8

רָאִ֣יתִי׀

הַלַּ֗יְלָה

וְהִנֵּה־אִישׁ֙

רֹכֵב֙

עַל־ס֣וּס

אָדֹ֔ם

וְה֣וּא

עֹמֵ֔ד

בֵּ֥ין

הַהֲדַסִּ֖ים

אֲשֶׁ֣ר

בַּמְּצֻלָ֑ה

וְאַחֲרָיו֙

סוּסִ֣ים

אֲדֻמִּ֔ים

שְׂרֻקִּ֖ים

וּלְבָנִֽים׃

Zac 1:9

וָאֹמַ֖ר

מָה־אֵ֣לֶּה

אֲדֹנִ֑י

וַיֹּ֣אמֶר

אֵלַ֗י

הַמַּלְאָךְ֙

הַדֹּבֵ֣ר

בִּ֔י

אֲנִ֥י

אַרְאֶ֖ךָּ

מָה־הֵ֥מָּה

אֵֽלֶּה׃

Zac 1:10

וַיַּ֗עַן

הָאִ֛ישׁ

הָעֹמֵ֥ד

בֵּין־הַהֲדַסִּ֖ים

וַיֹּאמַ֑ר

אֵ֚לֶּה

אֲשֶׁ֣ר

שָׁלַ֣ח

יְהוָ֔ה

לְהִתְהַלֵּ֖ךְ

בָּאָֽרֶץ׃

Zac 1:11

וַֽיַּעֲנ֞וּ

אֶת־מַלְאַ֣ךְ

יְהוָ֗ה

הָֽעֹמֵד֙

בֵּ֣ין

הַהֲדַסִּ֔ים

וַיֹּאמְר֖וּ

הִתְהַלַּ֣כְנוּ

בָאָ֑רֶץ

וְהִנֵּ֥ה

כָל־הָאָ֖רֶץ

יֹשֶׁ֥בֶת

וְשֹׁקָֽטֶת׃

Zac 1:12

וַיַּ֣עַן

מַלְאַךְ־יְהוָה֮

וַיֹּאמַר֒

יְהוָ֣ה

צְבָא֔וֹת

עַד־מָתַ֗י

אַתָּה֙

לֹֽא־תְרַחֵ֣ם

אֶת־יְרוּשָׁלִַ֔ם

וְאֵ֖ת

עָרֵ֣י

יְהוּדָ֑ה

אֲשֶׁ֣ר

זָעַ֔מְתָּה

זֶ֖ה

שִׁבְעִ֥ים

שָׁנָֽה׃

Zac 1:13

וַיַּ֣עַן

יְהוָ֗ה

אֶת־הַמַּלְאָ֛ךְ

הַדֹּבֵ֥ר

בִּ֖י

דְּבָרִ֣ים

טוֹבִ֑ים

דְּבָרִ֖ים

נִחֻמִֽים׃

Zac 1:14

וַיֹּ֣אמֶר

אֵלַ֗י

הַמַּלְאָךְ֙

הַדֹּבֵ֣ר

בִּ֔י

קְרָ֣א

לֵאמֹ֔ר

כֹּ֥ה

אָמַ֖ר

יְהוָ֣ה

צְבָא֑וֹת

קִנֵּ֧אתִי

לִירוּשָׁלִַ֛ם

וּלְצִיּ֖וֹן

קִנְאָ֥ה

גְדוֹלָֽה׃

Zac 1:15

וְקֶ֤צֶף

גָּדוֹל֙

אֲנִ֣י

קֹצֵ֔ף

עַל־הַגּוֹיִ֖ם

הַשַּֽׁאֲנַנִּ֑ים

אֲשֶׁ֤ר

אֲנִי֙

קָצַ֣פְתִּי

מְּעָ֔ט

וְהֵ֖מָּה

עָזְר֥וּ

לְרָעָֽה׃

Zac 1:16

לָכֵ֞ן

כֹּֽה־אָמַ֣ר

יְהוָ֗ה

שַׁ֤בְתִּי

לִירוּשָׁלִַ֙ם֙

בְּֽרַחֲמִ֔ים

בֵּיתִי֙

יִבָּ֣נֶה

בָּ֔הּ

נְאֻ֖ם

יְהוָ֣ה

צְבָא֑וֹת

וְקָוָה

[וְ][קָ֥ו]

יִנָּטֶ֖ה

עַל־יְרוּשָׁלִָֽם׃

Zac 1:17

ע֣וֹד׀

קְרָ֣א

לֵאמֹ֗ר

כֹּ֤ה

אָמַר֙

יְהוָ֣ה

צְבָא֔וֹת

ע֛וֹד

תְּפוּצֶ֥ינָה

עָרַ֖י

מִטּ֑וֹב

וְנִחַ֨ם

יְהוָ֥ה

עוֹד֙

אֶת־צִיּ֔וֹן

וּבָחַ֥ר

ע֖וֹד

בִּירוּשָׁלִָֽם׃

ס

Zac 2:1

וָאֶשָּׂ֥א

אֶת־עֵינַ֖י

וָאֵ֑רֶא

וְהִנֵּ֖ה

אַרְבַּ֥ע

קְרָנֽוֹת׃

Zac 2:2

וָאֹמַ֗ר

אֶל־הַמַּלְאָ֛ךְ

הַדֹּבֵ֥ר

בִּ֖י

מָה־אֵ֑לֶּה

וַיֹּ֣אמֶר

אֵלַ֔י

אֵ֤לֶּה

הַקְּרָנוֹת֙

אֲשֶׁ֣ר

זֵר֣וּ

אֶת־יְהוּדָ֔ה

אֶת־יִשְׂרָאֵ֖ל

וִירוּשָׁלָֽם׃

ס

Zac 2:3

וַיַּרְאֵ֣נִי

יְהוָ֔ה

אַרְבָּעָ֖ה

חָרָשִֽׁים׃

Zac 2:4

וָאֹמַ֕ר

מָ֛ה

אֵ֥לֶּה

בָאִ֖ים

לַֽעֲשׂ֑וֹת

וַיֹּ֣אמֶר

לֵאמֹ֗ר

אֵ֣לֶּה

הַקְּרָנ֞וֹת

אֲשֶׁר־זֵ֣רוּ

אֶת־יְהוּדָ֗ה

כְּפִי־אִישׁ֙

לֹא־נָשָׂ֣א

רֹאשׁ֔וֹ

וַיָּבֹ֤אוּ

אֵ֙לֶּה֙

לְהַחֲרִ֣יד

אֹתָ֔ם

לְיַדּ֞וֹת

אֶת־קַרְנ֣וֹת

הַגּוֹיִ֗ם

הַנֹּשְׂאִ֥ים

קֶ֛רֶן

אֶל־אֶ֥רֶץ

יְהוּדָ֖ה

לְזָרוֹתָֽהּ׃

ס

Zac 2:5

וָאֶשָּׂ֥א

עֵינַ֛י

וָאֵ֖רֶא

וְהִנֵּה־אִ֑ישׁ

וּבְיָד֖וֹ

חֶ֥בֶל

מִדָּֽה׃

Zac 2:6

וָאֹמַ֕ר

אָ֖נָה

אַתָּ֣ה

הֹלֵ֑ךְ

וַיֹּ֣אמֶר

אֵלַ֗י

לָמֹד֙

אֶת־יְר֣וּשָׁלִַ֔ם

לִרְא֥וֹת

כַּמָּֽה־רָחְבָּ֖הּ

וְכַמָּ֥ה

אָרְכָּֽהּ׃

Zac 2:7

וְהִנֵּ֗ה

הַמַּלְאָ֛ךְ

הַדֹּבֵ֥ר

בִּ֖י

יֹצֵ֑א

וּמַלְאָ֣ךְ

אַחֵ֔ר

יֹצֵ֖א

לִקְרָאתֽוֹ׃

Zac 2:8

וַיֹּ֣אמֶר

אֵלָ֔ו

רֻ֗ץ

דַּבֵּ֛ר

אֶל־הַנַּ֥עַר

הַלָּ֖ז

לֵאמֹ֑ר

פְּרָזוֹת֙

תֵּשֵׁ֣ב

יְרוּשָׁלִַ֔ם

מֵרֹ֥ב

אָדָ֛ם

וּבְהֵמָ֖ה

בְּתוֹכָֽהּ׃

Zac 2:9

וַאֲנִ֤י

אֶֽהְיֶה־לָּהּ֙

נְאֻם־יְהוָ֔ה

ח֥וֹמַת

אֵ֖שׁ

סָבִ֑יב

וּלְכָב֖וֹד

אֶֽהְיֶ֥ה

בְתוֹכָֽהּ׃

פ

Zac 2:10

ה֣וֹי

ה֗וֹי

וְנֻ֛סוּ

מֵאֶ֥רֶץ

צָפ֖וֹן

נְאֻם־יְהוָ֑ה

כִּ֠י

כְּאַרְבַּ֞ע

רוּח֧וֹת

הַשָּׁמַ֛יִם

פֵּרַ֥שְׂתִּי

אֶתְכֶ֖ם

נְאֻם־יְהוָֽה׃

Zac 2:11

ה֥וֹי

צִיּ֖וֹן

הִמָּלְטִ֑י

יוֹשֶׁ֖בֶת

בַּת־בָּבֶֽל׃

ס

Zac 2:12

כִּ֣י

כֹ֣ה

אָמַר֮

יְהוָ֣ה

צְבָאוֹת֒

אַחַ֣ר

כָּב֔וֹד

שְׁלָחַ֕נִי

אֶל־הַגּוֹיִ֖ם

הַשֹּׁלְלִ֣ים

אֶתְכֶ֑ם

כִּ֚י

הַנֹּגֵ֣עַ

בָּכֶ֔ם

נֹגֵ֖עַ

בְּבָבַ֥ת

עֵינֽוֹ׃

Zac 2:13

כִּ֠י

הִנְנִ֨י

מֵנִ֤יף

אֶת־יָדִי֙

עֲלֵיהֶ֔ם

וְהָי֥וּ

שָׁלָ֖ל

לְעַבְדֵיהֶ֑ם

וִֽידַעְתֶּ֕ם

כִּֽי־יְהוָ֥ה

צְבָא֖וֹת

שְׁלָחָֽנִי׃

ס

Zac 2:14

רָנִּ֥י

וְשִׂמְחִ֖י

בַּת־צִיּ֑וֹן

כִּ֧י

הִנְנִי־בָ֛א

וְשָׁכַנְתִּ֥י

בְתוֹכֵ֖ךְ

נְאֻם־יְהוָֽה׃

Zac 2:15

וְנִלְווּ֩

גוֹיִ֨ם

רַבִּ֤ים

אֶל־יְהוָה֙

בַּיּ֣וֹם

הַה֔וּא

וְהָ֥יוּ

לִ֖י

לְעָ֑ם

וְשָׁכַנְתִּ֣י

בְתוֹכֵ֔ךְ

וְיָדַ֕עַתְּ

כִּי־יְהוָ֥ה

צְבָא֖וֹת

שְׁלָחַ֥נִי

אֵלָֽיִךְ׃

Zac 2:16

וְנָחַ֨ל

יְהוָ֤ה

אֶת־יְהוּדָה֙

חֶלְק֔וֹ

עַ֖ל

אַדְמַ֣ת

הַקֹּ֑דֶשׁ

וּבָחַ֥ר

ע֖וֹד

בִּירוּשָׁלִָֽם׃

Zac 2:17

הַ֥ס

כָּל־בָּשָׂ֖ר

מִפְּנֵ֣י

יְהוָ֑ה

כִּ֥י

נֵע֖וֹר

מִמְּע֥וֹן

קָדְשֽׁוֹ׃

ס

Zac 3:1

וַיַּרְאֵ֗נִי

אֶת־יְהוֹשֻׁ֙עַ֙

הַכֹּהֵ֣ן

הַגָּד֔וֹל

עֹמֵ֕ד

לִפְנֵ֖י

מַלְאַ֣ךְ

יְהוָ֑ה

וְהַשָּׂטָ֛ן

עֹמֵ֥ד

עַל־יְמִינ֖וֹ

לְשִׂטְנֽוֹ׃

Zac 3:2

וַיֹּ֨אמֶר

יְהוָ֜ה

אֶל־הַשָּׂטָ֗ן

יִגְעַ֨ר

יְהוָ֤ה

בְּךָ֙

הַשָּׂטָ֔ן

וְיִגְעַ֤ר

יְהוָה֙

בְּךָ֔

הַבֹּחֵ֖ר

בִּירֽוּשָׁלִָ֑ם

הֲל֧וֹא

זֶ֦ה

א֖וּד

מֻצָּ֥ל

מֵאֵֽשׁ׃

Zac 3:3

וִיהוֹשֻׁ֕עַ

הָיָ֥ה

לָבֻ֖שׁ

בְּגָדִ֣ים

צוֹאִ֑ים

וְעֹמֵ֖ד

לִפְנֵ֥י

הַמַּלְאָֽךְ׃

Zac 3:4

וַיַּ֣עַן

וַיֹּ֗אמֶר

אֶל־הָעֹמְדִ֤ים

לְפָנָיו֙

לֵאמֹ֔ר

הָסִ֛ירוּ

הַבְּגָדִ֥ים

הַצֹּאִ֖ים

מֵעָלָ֑יו

וַיֹּ֣אמֶר

אֵלָ֗יו

רְאֵ֨ה

הֶעֱבַ֤רְתִּי

מֵעָלֶ֙יךָ֙

עֲוֹנֶ֔ךָ

וְהַלְבֵּ֥שׁ

אֹתְךָ֖

מַחֲלָצֽוֹת׃

Zac 3:5

וָאֹמַ֕ר

יָשִׂ֛ימוּ

צָנִ֥יף

טָה֖וֹר

עַל־רֹאשׁ֑וֹ

וַיָּשִׂימוּ֩

הַצָּנִ֨יף

הַטָּה֜וֹר

עַל־רֹאשׁ֗וֹ

וַיַּלְבִּשֻׁ֙הוּ֙

בְּגָדִ֔ים

וּמַלְאַ֥ךְ

יְהוָ֖ה

עֹמֵֽד׃

Zac 3:6

וַיָּ֙עַד֙

מַלְאַ֣ךְ

יְהוָ֔ה

בִּיהוֹשֻׁ֖עַ

לֵאמֹֽר׃

Zac 3:7

כֹּה־אָמַ֞ר

יְהוָ֣ה

צְבָא֗וֹת

אִם־בִּדְרָכַ֤י

תֵּלֵךְ֙

וְאִ֣ם

אֶת־מִשְׁמַרְתִּ֣י

תִשְׁמֹ֔ר

וְגַם־אַתָּה֙

תָּדִ֣ין

אֶת־בֵּיתִ֔י

וְגַ֖ם

תִּשְׁמֹ֣ר

אֶת־חֲצֵרָ֑י

וְנָתַתִּ֤י

לְךָ֙

מַהְלְכִ֔ים

בֵּ֥ין

הָעֹמְדִ֖ים

הָאֵֽלֶּה׃

Zac 3:8

שְֽׁמַֽע־נָ֞א

יְהוֹשֻׁ֣עַ׀

הַכֹּהֵ֣ן

הַגָּד֗וֹל

אַתָּה֙

וְרֵעֶ֙יךָ֙

הַיֹּשְׁבִ֣ים

לְפָנֶ֔יךָ

כִּֽי־אַנְשֵׁ֥י

מוֹפֵ֖ת

הֵ֑מָּה

כִּֽי־הִנְנִ֥י

מֵבִ֛יא

אֶת־עַבְדִּ֖י

צֶֽמַח׃

Zac 3:9

כִּ֣י׀

הִנֵּ֣ה

הָאֶ֗בֶן

אֲשֶׁ֤ר

נָתַ֙תִּי֙

לִפְנֵ֣י

יְהוֹשֻׁ֔עַ

עַל־אֶ֥בֶן

אַחַ֖ת

שִׁבְעָ֣ה

עֵינָ֑יִם

הִנְנִ֧י

מְפַתֵּ֣חַ

פִּתֻּחָ֗הּ

נְאֻם֙

יְהוָ֣ה

צְבָא֔וֹת

וּמַשְׁתִּ֛י

אֶת־עֲוֹ֥ן

הָאָֽרֶץ־הַהִ֖יא

בְּי֥וֹם

אֶחָֽד׃

Zac 3:10

בַּיּ֣וֹם

הַה֗וּא

נְאֻם֙

יְהוָ֣ה

צְבָא֔וֹת

תִּקְרְא֖וּ

אִ֣ישׁ

לְרֵעֵ֑הוּ

אֶל־תַּ֥חַת

גֶּ֖פֶן

וְאֶל־תַּ֥חַת

תְּאֵנָֽה׃

Zac 4:1

וַיָּ֕שָׁב

הַמַּלְאָ֖ךְ

הַדֹּבֵ֣ר

בִּ֑י

וַיְעִירֵ֕נִי

כְּאִ֖ישׁ

אֲשֶׁר־יֵע֥וֹר

מִשְּׁנָתֽוֹ׃

Zac 4:2

וַיֹּ֣אמֶר

אֵלַ֔י

מָ֥ה

אַתָּ֖ה

רֹאֶ֑ה

וַיֹּאמֶר

[וָ][אֹמַ֡ר]

רָאִ֣יתִי׀

וְהִנֵּ֣ה

מְנוֹרַת֩

זָהָ֨ב

כֻּלָּ֜הּ

וְגֻלָּ֣הּ

עַל־רֹאשָׁ֗הּ

וְשִׁבְעָ֤ה

נֵרֹתֶ֙יהָ֙

עָלֶ֔יהָ

שִׁבְעָ֤ה

וְשִׁבְעָה֙

מֽוּצָק֔וֹת

לַנֵּר֖וֹת

אֲשֶׁ֥ר

עַל־רֹאשָֽׁהּ׃

Zac 4:3

וּשְׁנַ֥יִם

זֵיתִ֖ים

עָלֶ֑יהָ

אֶחָד֙

מִימִ֣ין

הַגֻּלָּ֔ה

וְאֶחָ֖ד

עַל־שְׂמֹאלָֽהּ׃

Zac 4:4

וָאַ֙עַן֙

וָֽאֹמַ֔ר

אֶל־הַמַּלְאָ֛ךְ

הַדֹּבֵ֥ר

בִּ֖י

לֵאמֹ֑ר

מָה־אֵ֖לֶּה

אֲדֹנִֽי׃

Zac 4:5

וַ֠יַּעַן

הַמַּלְאָ֞ךְ

הַדֹּבֵ֥ר

בִּי֙

וַיֹּ֣אמֶר

אֵלַ֔י

הֲל֥וֹא

יָדַ֖עְתָּ

מָה־הֵ֣מָּה

אֵ֑לֶּה

וָאֹמַ֖ר

לֹ֥א

אֲדֹנִֽי׃

Zac 4:6

וַיַּ֜עַן

וַיֹּ֤אמֶר

אֵלַי֙

לֵאמֹ֔ר

זֶ֚ה

דְּבַר־יְהוָ֔ה

אֶל־זְרֻבָּבֶ֖ל

לֵאמֹ֑ר

לֹ֤א

בְחַ֙יִל֙

וְלֹ֣א

בְכֹ֔חַ

כִּ֣י

אִם־בְּרוּחִ֔י

אָמַ֖ר

יְהוָ֥ה

צְבָאֽוֹת׃

Zac 4:7

מִֽי־אַתָּ֧ה

הַֽר־הַגָּד֛וֹל

לִפְנֵ֥י

זְרֻבָּבֶ֖ל

לְמִישֹׁ֑ר

וְהוֹצִיא֙

אֶת־הָאֶ֣בֶן

הָרֹאשָׁ֔ה

תְּשֻׁא֕וֹת

חֵ֥ן

חֵ֖ן

לָֽהּ׃

פ

Zac 4:8

וַיְהִ֥י

דְבַר־יְהוָ֖ה

אֵלַ֥י

לֵאמֹֽר׃

Zac 4:9

יְדֵ֣י

זְרֻבָּבֶ֗ל

יִסְּד֛וּ

הַבַּ֥יִת

הַזֶּ֖ה

וְיָדָ֣יו

תְּבַצַּ֑עְנָה

וְיָ֣דַעְתָּ֔

כִּֽי־יְהוָ֥ה

צְבָא֖וֹת

שְׁלָחַ֥נִי

אֲלֵיכֶֽם׃

Zac 4:10

כִּ֣י

מִ֣י

בַז֮

לְי֣וֹם

קְטַנּוֹת֒

וְשָׂמְח֗וּ

וְרָא֞וּ

אֶת־הָאֶ֧בֶן

הַבְּדִ֛יל

בְּיַ֥ד

זְרֻבָּבֶ֖ל

שִׁבְעָה־אֵ֑לֶּה

עֵינֵ֣י

יְהוָ֔ה

הֵ֥מָּה

מְשׁוֹטְטִ֖ים

בְּכָל־הָאָֽרֶץ׃

Zac 4:11

וָאַ֖עַן

וָאֹמַ֣ר

אֵלָ֑יו

מַה־שְּׁנֵ֤י

הַזֵּיתִים֙

הָאֵ֔לֶה

עַל־יְמִ֥ין

הַמְּנוֹרָ֖ה

וְעַל־שְׂמֹאולָֽהּ׃

Zac 4:12

וָאַ֣עַן

שֵׁנִ֔ית

וָאֹמַ֖ר

אֵלָ֑יו

מַה־שְׁתֵּ֞י

שִׁבֲּלֵ֣י

הַזֵּיתִ֗ים

אֲשֶׁר֙

בְּיַ֗ד

שְׁנֵי֙

צַנְתְּר֣וֹת

הַזָּהָ֔ב

הַֽמְרִיקִ֥ים

מֵעֲלֵיהֶ֖ם

הַזָּהָֽב׃

Zac 4:13

וַיֹּ֤אמֶר

אֵלַי֙

לֵאמֹ֔ר

הֲל֥וֹא

יָדַ֖עְתָּ

מָה־אֵ֑לֶּה

וָאֹמַ֖ר

לֹ֥א

אֲדֹנִֽי׃

Zac 4:14

וַיֹּ֕אמֶר

אֵ֖לֶּה

שְׁנֵ֣י

בְנֵֽי־הַיִּצְהָ֑ר

הָעֹמְדִ֖ים

עַל־אֲד֥וֹן

כָּל־הָאָֽרֶץ׃

Zac 5:1

וָאָשׁ֕וּב

וָאֶשָּׂ֥א

עֵינַ֖י

וָֽאֶרְאֶ֑ה

וְהִנֵּ֖ה

מְגִלָּ֥ה

עָפָֽה׃

Zac 5:2

וַיֹּ֣אמֶר

אֵלַ֔י

מָ֥ה

אַתָּ֖ה

רֹאֶ֑ה

וָאֹמַ֗ר

אֲנִ֤י

רֹאֶה֙

מְגִלָּ֣ה

עָפָ֔ה

אָרְכָּהּ֙

עֶשְׂרִ֣ים

בָּֽאַמָּ֔ה

וְרָחְבָּ֖הּ

עֶ֥שֶׂר

בָּאַמָּֽה׃

Zac 5:3

וַיֹּ֣אמֶר

אֵלַ֔י

זֹ֚את

הָֽאָלָ֔ה

הַיּוֹצֵ֖את

עַל־פְּנֵ֣י

כָל־הָאָ֑רֶץ

כִּ֣י

כָל־הַגֹּנֵ֗ב

מִזֶּה֙

כָּמ֣וֹהָ

נִקָּ֔ה

וְכָל־הַנִּ֨שְׁבָּ֔ע

מִזֶּ֖ה

כָּמ֥וֹהָ

נִקָּֽה׃

Zac 5:4

הוֹצֵאתִ֗יהָ

נְאֻם֙

יְהוָ֣ה

צְבָא֔וֹת

וּבָ֙אָה֙

אֶל־בֵּ֣ית

הַגַּנָּ֔ב

וְאֶל־בֵּ֛ית

הַנִּשְׁבָּ֥ע

בִּשְׁמִ֖י

לַשָּׁ֑קֶר

וְלָ֙נֶה֙

בְּת֣וֹךְ

בֵּית֔וֹ

וְכִלַּ֖תּוּ

וְאֶת־עֵצָ֥יו

וְאֶת־אֲבָנָֽיו׃

Zac 5:5

וַיֵּצֵ֕א

הַמַּלְאָ֖ךְ

הַדֹּבֵ֣ר

בִּ֑י

וַיֹּ֣אמֶר

אֵלַ֔י

שָׂ֣א

נָ֤א

עֵינֶ֙יךָ֙

וּרְאֵ֔ה

מָ֖ה

הַיּוֹצֵ֥את

הַזֹּֽאת׃

Zac 5:6

וָאֹמַ֖ר

מַה־הִ֑יא

וַיֹּ֗אמֶר

זֹ֤את

הָֽאֵיפָה֙

הַיּוֹצֵ֔את

וַיֹּ֕אמֶר

זֹ֥את

עֵינָ֖ם

בְּכָל־הָאָֽרֶץ׃

Zac 5:7

וְהִנֵּ֛ה

כִּכַּ֥ר

עֹפֶ֖רֶת

נִשֵּׂ֑את

וְזֹאת֙

אִשָּׁ֣ה

אַחַ֔ת

יוֹשֶׁ֖בֶת

בְּת֥וֹךְ

הָאֵיפָֽה׃

Zac 5:8

וַיֹּ֙אמֶר֙

זֹ֣את

הָרִשְׁעָ֔ה

וַיַּשְׁלֵ֥ךְ

אֹתָ֖הּ

אֶל־תּ֣וֹךְ

הָֽאֵיפָ֑ה

וַיַּשְׁלֵ֛ךְ

אֶת־אֶ֥בֶן

הָעֹפֶ֖רֶת

אֶל־פִּֽיהָ׃

ס

Zac 5:9

וָאֶשָּׂ֨א

עֵינַ֜י

וָאֵ֗רֶא

וְהִנֵּה֩

שְׁתַּ֨יִם

נָשִׁ֤ים

יֽוֹצְאוֹת֙

וְר֣וּחַ

בְּכַנְפֵיהֶ֔ם

וְלָהֵ֥נָּה

כְנָפַ֖יִם

כְּכַנְפֵ֣י

הַחֲסִידָ֑ה

וַתִּשֶּׂ֙אנָה֙

אֶת־הָ֣אֵיפָ֔ה

בֵּ֥ין

הָאָ֖רֶץ

וּבֵ֥ין

הַשָּׁמָֽיִם׃

Zac 5:10

וָאֹמַ֕ר

אֶל־הַמַּלְאָ֖ךְ

הַדֹּבֵ֣ר

בִּ֑י

אָ֛נָה

הֵ֥מָּה

מֽוֹלִכ֖וֹת

אֶת־הָאֵיפָֽה׃

Zac 5:11

וַיֹּ֣אמֶר

אֵלַ֔י

לִבְנֽוֹת־לָ֥הֿ

בַ֖יִת

בְּאֶ֣רֶץ

שִׁנְעָ֑ר

וְהוּכַ֛ן

וְהֻנִּ֥יחָה

שָּׁ֖ם

עַל־מְכֻנָתָֽהּ׃

ס

Zac 6:1

וָאָשֻׁ֗ב

וָאֶשָּׂ֤א

עֵינַי֙

וָֽאֶרְאֶ֔ה

וְהִנֵּ֨ה

אַרְבַּ֤ע

מַרְכָּבוֹת֙

יֹֽצְא֔וֹת

מִבֵּ֖ין

שְׁנֵ֣י

הֶֽהָרִ֑ים

וְהֶהָרִ֖ים

הָרֵ֥י

נְחֹֽשֶׁת׃

Zac 6:2

בַּמֶּרְכָּבָ֥ה

הָרִֽאשֹׁנָ֖ה

סוּסִ֣ים

אֲדֻמִּ֑ים

וּבַמֶּרְכָּבָ֥ה

הַשֵּׁנִ֖ית

סוּסִ֥ים

שְׁחֹרִֽים׃

Zac 6:3

וּבַמֶּרְכָּבָ֥ה

הַשְּׁלִשִׁ֖ית

סוּסִ֣ים

לְבָנִ֑ים

וּבַמֶּרְכָּבָה֙

הָרְבִעִ֔ית

סוּסִ֥ים

בְּרֻדִּ֖ים

אֲמֻצִּֽים׃

Zac 6:4

וָאַ֙עַן֙

וָֽאֹמַ֔ר

אֶל־הַמַּלְאָ֖ךְ

הַדֹּבֵ֣ר

בִּ֑י

מָה־אֵ֖לֶּה

אֲדֹנִֽי׃

Zac 6:5

וַיַּ֥עַן

הַמַּלְאָ֖ךְ

וַיֹּ֣אמֶר

אֵלָ֑י

אֵ֗לֶּה

אַרְבַּע֙

רֻח֣וֹת

הַשָּׁמַ֔יִם

יוֹצְא֕וֹת

מֵֽהִתְיַצֵּ֖ב

עַל־אֲד֥וֹן

כָּל־הָאָֽרֶץ׃

Zac 6:6

אֲשֶׁר־בָּ֞הּ

הַסּוּסִ֣ים

הַשְּׁחֹרִ֗ים

יֹֽצְאִים֙

אֶל־אֶ֣רֶץ

צָפ֔וֹן

וְהַלְּבָנִ֔ים

יָצְא֖וּ

אֶל־אַֽחֲרֵיהֶ֑ם

וְהַ֨בְּרֻדִּ֔ים

יָצְא֖וּ

אֶל־אֶ֥רֶץ

הַתֵּימָֽן׃

Zac 6:7

וְהָאֲמֻצִּ֣ים

יָצְא֗וּ

וַיְבַקְשׁוּ֙

לָלֶ֙כֶת֙

לְהִתְהַלֵּ֣ך

בָּאָ֔רֶץ

וַיֹּ֕אמֶר

לְכ֖וּ

הִתְהַלְּכ֣וּ

בָאָ֑רֶץ

וַתִּתְהַלַּ֖כְנָה

בָּאָֽרֶץ׃

Zac 6:8

וַיַּזְעֵ֣ק

אֹתִ֔י

וַיְדַבֵּ֥ר

אֵלַ֖י

לֵאמֹ֑ר

רְאֵ֗ה

הַיּֽוֹצְאִים֙

אֶל־אֶ֣רֶץ

צָפ֔וֹן

הֵנִ֥יחוּ

אֶת־רוּחִ֖י

בְּאֶ֥רֶץ

צָפֽוֹן׃

ס

Zac 6:9

וַיְהִ֥י

דְבַר־יְהוָ֖ה

אֵלַ֥י

לֵאמֹֽר׃

Zac 6:10

לָק֙וֹחַ֙

מֵאֵ֣ת

הַגּוֹלָ֔ה

מֵחֶלְדַּ֕י

וּמֵאֵ֥ת

טוֹבִיָּ֖ה

וּמֵאֵ֣ת

יְדַֽעְיָ֑ה

וּבָאתָ֤

אַתָּה֙

בַּיּ֣וֹם

הַה֔וּא

וּבָ֗אתָ

בֵּ֚ית

יֹאשִׁיָּ֣ה

בֶן־צְפַנְיָ֔ה

אֲשֶׁר־בָּ֖אוּ

מִבָּבֶֽל׃

Zac 6:11

וְלָקַחְתָּ֥

כֶֽסֶף־וְזָהָ֖ב

וְעָשִׂ֣יתָ

עֲטָר֑וֹת

וְשַׂמְתָּ֗

בְּרֹ֛אשׁ

יְהוֹשֻׁ֥עַ

בֶּן־יְהוֹצָדָ֖ק

הַכֹּהֵ֥ן

הַגָּדֽוֹל׃

Zac 6:12

וְאָמַרְתָּ֤

אֵלָיו֙

לֵאמֹ֔ר

כֹּ֥ה

אָמַ֛ר

יְהוָ֥ה

צְבָא֖וֹת

לֵאמֹ֑ר

הִנֵּה־אִ֞ישׁ

צֶ֤מַח

שְׁמוֹ֙

וּמִתַּחְתָּ֣יו

יִצְמָ֔ח

וּבָנָ֖ה

אֶת־הֵיכַ֥ל

יְהוָֽה׃

Zac 6:13

וְ֠הוּא

יִבְנֶ֞ה

אֶת־הֵיכַ֤ל

יְהוָה֙

וְהֽוּא־יִשָּׂ֣א

ה֔וֹד

וְיָשַׁ֥ב

וּמָשַׁ֖ל

עַל־כִּסְא֑וֹ

וְהָיָ֤ה

כֹהֵן֙

עַל־כִּסְא֔וֹ

וַעֲצַ֣ת

שָׁל֔וֹם

תִּהְיֶ֖ה

בֵּ֥ין

שְׁנֵיהֶֽם׃

Zac 6:14

וְהָעֲטָרֹ֗ת

תִּֽהְיֶה֙

לְחֵ֙לֶם֙

וּלְטוֹבִיָּ֣ה

וְלִידַֽעְיָ֔ה

וּלְחֵ֖ן

בֶּן־צְפַנְיָ֑ה

לְזִכָּר֖וֹן

בְּהֵיכַ֥ל

יְהוָֽה׃

Zac 6:15

וּרְחוֹקִ֣ים׀

יָבֹ֗אוּ

וּבָנוּ֙

בְּהֵיכַ֣ל

יְהוָ֔ה

וִידַעְתֶּ֕ם

כִּֽי־יְהוָ֥ה

צְבָא֖וֹת

שְׁלָחַ֣נִי

אֲלֵיכֶ֑ם

וְהָיָה֙

אִם־שָׁמ֣וֹעַ

תִּשְׁמְע֔וּן

בְּק֖וֹל

יְהוָ֥ה

אֱלֹהֵיכֶֽם׃

ס

Zac 7:1

וַֽיְהִי֙

בִּשְׁנַ֣ת

אַרְבַּ֔ע

לְדָרְיָ֖וֶשׁ

הַמֶּ֑לֶךְ

הָיָ֨ה

דְבַר־יְהוָ֜ה

אֶל־זְכַרְיָ֗ה

בְּאַרְבָּעָ֛ה

לַחֹ֥דֶשׁ

הַתְּשִׁעִ֖י

בְּכִסְלֵֽו׃

Zac 7:2

וַיִּשְׁלַח֙

בֵּֽית־אֵ֔ל

שַׂר־אֶ֕צֶר

וְרֶ֥גֶם

מֶ֖לֶךְ

וַֽאֲנָשָׁ֑יו

לְחַלּ֖וֹת

אֶת־פְּנֵ֥י

יְהוָֽה׃

Zac 7:3

לֵאמֹ֗ר

אֶל־הַכֹּֽהֲנִים֙

אֲשֶׁר֙

לְבֵית־יְהוָ֣ה

צְבָא֔וֹת

וְאֶל־הַנְּבִיאִ֖ים

לֵאמֹ֑ר

הַֽאֶבְכֶּה֙

בַּחֹ֣דֶשׁ

הַחֲמִשִׁ֔י

הִנָּזֵ֕ר

כַּאֲשֶׁ֣ר

עָשִׂ֔יתִי

זֶ֖ה

כַּמֶּ֥ה

שָׁנִֽים׃

פ

Zac 7:4

וַיְהִ֛י

דְּבַר־יְהוָ֥ה

צְבָא֖וֹת

אֵלַ֥י

לֵאמֹֽר׃

Zac 7:5

אֱמֹר֙

אֶל־כָּל־עַ֣ם

הָאָ֔רֶץ

וְאֶל־הַכֹּהֲנִ֖ים

לֵאמֹ֑ר

כִּֽי־צַמְתֶּ֨ם

וְסָפ֜וֹד

בַּחֲמִישִׁ֣י

וּבַשְּׁבִיעִ֗י

וְזֶה֙

שִׁבְעִ֣ים

שָׁנָ֔ה

הֲצ֥וֹם

צַמְתֻּ֖נִי

אָֽנִי׃

Zac 7:6

וְכִ֥י

תֹאכְל֖וּ

וְכִ֣י

תִשְׁתּ֑וּ

הֲל֤וֹא

אַתֶּם֙

הָאֹ֣כְלִ֔ים

וְאַתֶּ֖ם

הַשֹּׁתִֽים׃

Zac 7:7

הֲל֣וֹא

אֶת־הַדְּבָרִ֗ים

אֲשֶׁ֨ר

קָרָ֤א

יְהוָה֙

בְּיַד֙

הַנְּבִיאִ֣ים

הָרִֽאשֹׁנִ֔ים

בִּהְי֤וֹת

יְרוּשָׁלִַ֙ם֙

יֹשֶׁ֣בֶת

וּשְׁלֵוָ֔ה

וְעָרֶ֖יהָ

סְבִיבֹתֶ֑יהָ

וְהַנֶּ֥גֶב

וְהַשְּׁפֵלָ֖ה

יֹשֵֽׁב׃

פ

Zac 7:8

וַֽיְהִי֙

דְּבַר־יְהוָ֔ה

אֶל־זְכַרְיָ֖ה

לֵאמֹֽר׃

Zac 7:9

כֹּ֥ה

אָמַ֛ר

יְהוָ֥ה

צְבָא֖וֹת

לֵאמֹ֑ר

מִשְׁפַּ֤ט

אֱמֶת֙

שְׁפֹ֔טוּ

וְחֶ֣סֶד

וְרַֽחֲמִ֔ים

עֲשׂ֖וּ

אִ֥ישׁ

אֶת־אָחִֽיו׃

Zac 7:10

וְאַלְמָנָ֧ה

וְיָת֛וֹם

גֵּ֥ר

וְעָנִ֖י

אַֽל־תַּעֲשֹׁ֑קוּ

וְרָעַת֙

אִ֣ישׁ

אָחִ֔יו

אַֽל־תַּחְשְׁב֖וּ

בִּלְבַבְכֶֽם׃

Zac 7:11

וַיְמָאֲנ֣וּ

לְהַקְשִׁ֔יב

וַיִּתְּנ֥וּ

כָתֵ֖ף

סֹרָ֑רֶת

וְאָזְנֵיהֶ֖ם

הִכְבִּ֥ידוּ

מִשְּׁמֽוֹעַ׃

Zac 7:12

וְלִבָּ֞ם

שָׂ֣מוּ

שָׁמִ֗יר

מִ֠שְּׁמוֹעַ

אֶת־הַתּוֹרָ֤ה

וְאֶת־הַדְּבָרִים֙

אֲשֶׁ֨ר

שָׁלַ֜ח

יְהוָ֤ה

צְבָאוֹת֙

בְּרוּח֔וֹ

בְּיַ֖ד

הַנְּבִיאִ֣ים

הָרִֽאשֹׁנִ֑ים

וַֽיְהִי֙

קֶ֣צֶף

גָּד֔וֹל

מֵאֵ֖ת

יְהוָ֥ה

צְבָאֽוֹת׃

Zac 7:13

וַיְהִ֥י

כַאֲשֶׁר־קָרָ֖א

וְלֹ֣א

שָׁמֵ֑עוּ

כֵּ֤ן

יִקְרְאוּ֙

וְלֹ֣א

אֶשְׁמָ֔ע

אָמַ֖ר

יְהוָ֥ה

צְבָאֽוֹת׃

Zac 7:14

וְאֵ֣סָעֲרֵ֗ם

עַ֤ל

כָּל־הַגּוֹיִם֙

אֲשֶׁ֣ר

לֹֽא־יְדָע֔וּם

וְהָאָ֙רֶץ֙

נָשַׁ֣מָּה

אַֽחֲרֵיהֶ֔ם

מֵֽעֹבֵ֖ר

וּמִשָּׁ֑ב

וַיָּשִׂ֥ימוּ

אֶֽרֶץ־חֶמְדָּ֖ה

לְשַׁמָּֽה׃

פ

Zac 8:1

וַיְהִ֛י

דְּבַר־יְהוָ֥ה

צְבָא֖וֹת

לֵאמֹֽר׃

Zac 8:2

כֹּ֤ה

אָמַר֙

יְהוָ֣ה

צְבָא֔וֹת

קִנֵּ֥אתִי

לְצִיּ֖וֹן

קִנְאָ֣ה

גְדוֹלָ֑ה

וְחֵמָ֥ה

גְדוֹלָ֖ה

קִנֵּ֥אתִי

לָֽהּ׃

Zac 8:3

כֹּ֚ה

אָמַ֣ר

יְהוָ֔ה

שַׁ֚בְתִּי

אֶל־צִיּ֔וֹן

וְשָׁכַנְתִּ֖י

בְּת֣וֹךְ

יְרֽוּשָׁלִָ֑ם

וְנִקְרְאָ֤ה

יְרוּשָׁלִַ֙ם֙

עִ֣יר־הָֽאֱמֶ֔ת

וְהַר־יְהוָ֥ה

צְבָא֖וֹת

הַ֥ר

הַקֹּֽדֶשׁ׃

ס

Zac 8:4

כֹּ֤ה

אָמַר֙

יְהוָ֣ה

צְבָא֔וֹת

עֹ֤ד

יֵֽשְׁבוּ֙

זְקֵנִ֣ים

וּזְקֵנ֔וֹת

בִּרְחֹב֖וֹת

יְרוּשָׁלִָ֑ם

וְאִ֧ישׁ

מִשְׁעַנְתּ֛וֹ

בְּיָד֖וֹ

מֵרֹ֥ב

יָמִֽים׃

Zac 8:5

וּרְחֹב֤וֹת

הָעִיר֙

יִמָּ֣לְא֔וּ

יְלָדִ֖ים

וִֽילָד֑וֹת

מְשַׂחֲקִ֖ים

בִּרְחֹֽבֹתֶֽיהָ׃

ס

Zac 8:6

כֹּ֤ה

אָמַר֙

יְהוָ֣ה

צְבָא֔וֹת

כִּ֣י

יִפָּלֵ֗א

בְּעֵינֵי֙

שְׁאֵרִית֙

הָעָ֣ם

הַזֶּ֔ה

בַּיָּמִ֖ים

הָהֵ֑ם

גַּם־בְּעֵינַי֙

יִפָּלֵ֔א

נְאֻ֖ם

יְהוָ֥ה

צְבָאֽוֹת׃

פ

Zac 8:7

כֹּ֤ה

אָמַר֙

יְהוָ֣ה

צְבָא֔וֹת

הִנְנִ֥י

מוֹשִׁ֛יעַ

אֶת־עַמִּ֖י

מֵאֶ֣רֶץ

מִזְרָ֑ח

וּמֵאֶ֖רֶץ

מְב֥וֹא

הַשָּֽׁמֶשׁ׃

Zac 8:8

וְהֵבֵאתִ֣י

אֹתָ֔ם

וְשָׁכְנ֖וּ

בְּת֣וֹךְ

יְרוּשָׁלִָ֑ם

וְהָיוּ־לִ֣י

לְעָ֗ם

וַֽאֲנִי֙

אֶהְיֶ֤ה

לָהֶם֙

לֵֽאלֹהִ֔ים

בֶּאֱמֶ֖ת

וּבִצְדָקָֽה׃

ס

Zac 8:9

כֹּֽה־אָמַר֮

יְהוָ֣ה

צְבָאוֹת֒

תֶּחֱזַ֣קְנָה

יְדֵיכֶ֔ם

הַשֹּֽׁמְעִים֙

בַּיָּמִ֣ים

הָאֵ֔לֶּה

אֵ֖ת

הַדְּבָרִ֣ים

הָאֵ֑לֶּה

מִפִּי֙

הַנְּבִיאִ֔ים

אֲ֠שֶׁר

בְּי֞וֹם

יֻסַּ֨ד

בֵּית־יְהוָ֧ה

צְבָא֛וֹת

הַהֵיכָ֖ל

לְהִבָּנֽוֹת׃

Zac 8:10

כִּ֗י

לִפְנֵי֙

הַיָּמִ֣ים

הָהֵ֔ם

שְׂכַ֤ר

הָֽאָדָם֙

לֹ֣א

נִֽהְיָ֔ה

וּשְׂכַ֥ר

הַבְּהֵמָ֖ה

אֵינֶ֑נָּה

וְלַיּוֹצֵ֨א

וְלַבָּ֤א

אֵין־שָׁלוֹם֙

מִן־הַצָּ֔ר

וַאֲשַׁלַּ֥ח

אֶת־כָּל־הָאָדָ֖ם

אִ֥ישׁ

בְּרֵעֵֽהוּ׃

Zac 8:11

וְעַתָּ֗ה

לֹ֣א

כַיָּמִ֤ים

הָרִֽאשֹׁנִים֙

אֲנִ֔י

לִשְׁאֵרִ֖ית

הָעָ֣ם

הַזֶּ֑ה

נְאֻ֖ם

יְהוָ֥ה

צְבָאֽוֹת׃

Zac 8:12

כִּֽי־זֶ֣רַע

הַשָּׁל֗וֹם

הַגֶּ֜פֶן

תִּתֵּ֤ן

פִּרְיָהּ֙

וְהָאָ֙רֶץ֙

תִּתֵּ֣ן

אֶת־יְבוּלָ֔הּ

וְהַשָּׁמַ֖יִם

יִתְּנ֣וּ

טַלָּ֑ם

וְהִנְחַלְתִּ֗י

אֶת־שְׁאֵרִ֛ית

הָעָ֥ם

הַזֶּ֖ה

אֶת־כָּל־אֵֽלֶּה׃

Zac 8:13

וְהָיָ֡ה

כַּאֲשֶׁר֩

הֱיִיתֶ֨ם

קְלָלָ֜ה

בַּגּוֹיִ֗ם

בֵּ֤ית

יְהוּדָה֙

וּבֵ֣ית

יִשְׂרָאֵ֔ל

כֵּ֚ן

אוֹשִׁ֣יעַ

אֶתְכֶ֔ם

וִהְיִיתֶ֖ם

בְּרָכָ֑ה

אַל־תִּירָ֖אוּ

תֶּחֱזַ֥קְנָה

יְדֵיכֶֽם׃

ס

Zac 8:14

כִּ֣י

כֹ֣ה

אָמַר֮

יְהוָ֣ה

צְבָאוֹת֒

כַּאֲשֶׁ֨ר

זָמַמְ֜תִּי

לְהָרַ֣ע

לָכֶ֗ם

בְּהַקְצִ֤יף

אֲבֹֽתֵיכֶם֙

אֹתִ֔י

אָמַ֖ר

יְהוָ֣ה

צְבָא֑וֹת

וְלֹ֖א

נִחָֽמְתִּי׃

Zac 8:15

כֵּ֣ן

שַׁ֤בְתִּי

זָמַ֙מְתִּי֙

בַּיָּמִ֣ים

הָאֵ֔לֶּה

לְהֵיטִ֥יב

אֶת־יְרוּשָׁלִַ֖ם

וְאֶת־בֵּ֣ית

יְהוּדָ֑ה

אַל־תִּירָֽאוּ׃

Zac 8:16

אֵ֥לֶּה

הַדְּבָרִ֖ים

אֲשֶׁ֣ר

תַּֽעֲשׂ֑וּ

דַּבְּר֤וּ

אֱמֶת֙

אִ֣ישׁ

אֶת־רֵעֵ֔הוּ

אֱמֶת֙

וּמִשְׁפַּ֣ט

שָׁל֔וֹם

שִׁפְט֖וּ

בְּשַׁעֲרֵיכֶֽם׃

Zac 8:17

וְאִ֣ישׁ׀

אֶת־רָעַ֣ת

רֵעֵ֗הוּ

אַֽל־תַּחְשְׁבוּ֙

בִּלְבַבְכֶ֔ם

וּשְׁבֻ֥עַת

שֶׁ֖קֶר

אַֽל־תֶּאֱהָ֑בוּ

כִּ֧י

אֶת־כָּל־אֵ֛לֶּה

אֲשֶׁ֥ר

שָׂנֵ֖אתִי

נְאֻם־יְהוָֽה׃

ס

Zac 8:18

וַיְהִ֛י

דְּבַר־יְהוָ֥ה

צְבָא֖וֹת

אֵלַ֥י

לֵאמֹֽר׃

Zac 8:19

כֹּֽה־אָמַ֞ר

יְהוָ֣ה

צְבָא֗וֹת

צ֣וֹם

הָרְבִיעִ֡י

וְצ֣וֹם

הַחֲמִישִׁי֩

וְצ֨וֹם

הַשְּׁבִיעִ֜י

וְצ֣וֹם

הָעֲשִׂירִ֗י

יִהְיֶ֤ה

לְבֵית־יְהוּדָה֙

לְשָׂשׂ֣וֹן

וּלְשִׂמְחָ֔ה

וּֽלְמֹעֲדִ֖ים

טוֹבִ֑ים

וְהָאֱמֶ֥ת

וְהַשָּׁל֖וֹם

אֱהָֽבוּ׃

פ

Zac 8:20

כֹּ֥ה

אָמַ֖ר

יְהוָ֣ה

צְבָא֑וֹת

עֹ֚ד

אֲשֶׁ֣ר

יָבֹ֣אוּ

עַמִּ֔ים

וְיֹשְׁבֵ֖י

עָרִ֥ים

רַבּֽוֹת׃

Zac 8:21

וְֽהָלְכ֡וּ

יֹשְׁבֵי֩

אַחַ֨ת

אֶל־אַחַ֜ת

לֵאמֹ֗ר

נֵלְכָ֤ה

הָלוֹךְ֙

לְחַלּוֹת֙

אֶת־פְּנֵ֣י

יְהוָ֔ה

וּלְבַקֵּ֖שׁ

אֶת־יְהוָ֣ה

צְבָא֑וֹת

אֵלְכָ֖ה

גַּם־אָֽנִי׃

Zac 8:22

וּבָ֨אוּ

עַמִּ֤ים

רַבִּים֙

וְגוֹיִ֣ם

עֲצוּמִ֔ים

לְבַקֵּ֛שׁ

אֶת־יְהוָ֥ה

צְבָא֖וֹת

בִּירוּשָׁלִָ֑ם

וּלְחַלּ֖וֹת

אֶת־פְּנֵ֥י

יְהוָֽה׃

ס

Zac 8:23

כֹּ֥ה

אָמַר֮

יְהוָ֣ה

צְבָאוֹת֒

בַּיָּמִ֣ים

הָהֵ֔מָּה

אֲשֶׁ֤ר

יַחֲזִ֙יקוּ֙

עֲשָׂרָ֣ה

אֲנָשִׁ֔ים

מִכֹּ֖ל

לְשֹׁנ֣וֹת

הַגּוֹיִ֑ם

וְֽהֶחֱזִ֡יקוּ

בִּכְנַף֩

אִ֨ישׁ

יְהוּדִ֜י

לֵאמֹ֗ר

נֵֽלְכָה֙

עִמָּכֶ֔ם

כִּ֥י

שָׁמַ֖עְנוּ

אֱלֹהִ֥ים

עִמָּכֶֽם׃

ס

Zac 9:1

מַשָּׂ֤א

דְבַר־יְהוָה֙

בְּאֶ֣רֶץ

חַדְרָ֔ךְ

וְדַמֶּ֖שֶׂק

מְנֻחָת֑וֹ

כִּ֤י

לַֽיהוָה֙

עֵ֣ין

אָדָ֔ם

וְכֹ֖ל

שִׁבְטֵ֥י

יִשְׂרָאֵֽל׃

Zac 9:2

וְגַם־חֲמָ֖ת

תִּגְבָּל־בָּ֑הּ

צֹ֣ר

וְצִיד֔וֹן

כִּ֥י

חָֽכְמָ֖ה

מְאֹֽד׃

Zac 9:3

וַתִּ֥בֶן

צֹ֛ר

מָצ֖וֹר

לָ֑הּ

וַתִּצְבָּר־כֶּ֙סֶף֙

כֶּֽעָפָ֔ר

וְחָר֖וּץ

כְּטִ֥יט

חוּצֽוֹת׃

Zac 9:4

הִנֵּ֤ה

אֲדֹנָי֙

יֽוֹרִשֶׁ֔נָּה

וְהִכָּ֥ה

בַיָּ֖ם

חֵילָ֑הּ

וְהִ֖יא

בָּאֵ֥שׁ

תֵּאָכֵֽל׃

Zac 9:5

תֵּרֶ֨א

אַשְׁקְל֜וֹן

וְתִירָ֗א

וְעַזָּה֙

וְתָחִ֣יל

מְאֹ֔ד

וְעֶקְר֖וֹן

כִּֽי־הֹבִ֣ישׁ

מֶבָּטָ֑הּ

וְאָ֤בַד

מֶ֙לֶךְ֙

מֵֽעַזָּ֔ה

וְאַשְׁקְל֖וֹן

לֹ֥א

תֵשֵֽׁב׃

Zac 9:6

וְיָשַׁ֥ב

מַמְזֵ֖ר

בְּאַשְׁדּ֑וֹד

וְהִכְרַתִּ֖י

גְּא֥וֹן

פְּלִשְׁתִּֽים׃

Zac 9:7

וַהֲסִרֹתִ֨י

דָמָ֜יו

מִפִּ֗יו

וְשִׁקֻּצָיו֙

מִבֵּ֣ין

שִׁנָּ֔יו

וְנִשְׁאַ֥ר

גַּם־ה֖וּא

לֵֽאלֹהֵ֑ינוּ

וְהָיָה֙

כְּאַלֻּ֣ף

בִּֽיהוּדָ֔ה

וְעֶקְר֖וֹן

כִּיבוּסִֽי׃

Zac 9:8

וְחָנִ֨יתִי

לְבֵיתִ֤י

מִצָּבָה֙

מֵעֹבֵ֣ר

וּמִשָּׁ֔ב

וְלֹֽא־יַעֲבֹ֧ר

עֲלֵיהֶ֛ם

ע֖וֹד

נֹגֵ֑שׂ

כִּ֥י

עַתָּ֖ה

רָאִ֥יתִי

בְעֵינָֽי׃

ס

Zac 9:9

גִּילִ֨י

מְאֹ֜ד

בַּת־צִיּ֗וֹן

הָרִ֙יעִי֙

בַּ֣ת

יְרוּשָׁלִַ֔ם

הִנֵּ֤ה

מַלְכֵּךְ֙

יָ֣בוֹא

לָ֔ךְ

צַדִּ֥יק

וְנוֹשָׁ֖ע

ה֑וּא

עָנִי֙

וְרֹכֵ֣ב

עַל־חֲמ֔וֹר

וְעַל־עַ֖יִר

בֶּן־אֲתֹנֽוֹת׃

Zac 9:10

וְהִכְרַתִּי־רֶ֣כֶב

מֵאֶפְרַ֗יִם

וְסוּס֙

מִיר֣וּשָׁלִַ֔ם

וְנִכְרְתָה֙

קֶ֣שֶׁת

מִלְחָמָ֔ה

וְדִבֶּ֥ר

שָׁל֖וֹם

לַגּוֹיִ֑ם

וּמָשְׁלוֹ֙

מִיָּ֣ם

עַד־יָ֔ם

וּמִנָּהָ֖ר

עַד־אַפְסֵי־אָֽרֶץ׃

Zac 9:11

גַּם־אַ֣תְּ

בְּדַם־בְּרִיתֵ֗ךְ

שִׁלַּ֤חְתִּי

אֲסִירַ֙יִךְ֙

מִבּ֔וֹר

אֵ֥ין

מַ֖יִם

בּֽוֹ׃

Zac 9:12

שׁ֚וּבוּ

לְבִצָּר֔וֹן

אֲסִירֵ֖י

הַתִּקְוָ֑ה

גַּם־הַיּ֕וֹם

מַגִּ֥יד

מִשְׁנֶ֖ה

אָשִׁ֥יב

לָֽךְ׃

Zac 9:13

כִּֽי־דָרַ֨כְתִּי

לִ֜י

יְהוּדָ֗ה

קֶ֚שֶׁת

מִלֵּ֣אתִי

אֶפְרַ֔יִם

וְעוֹרַרְתִּ֤י

בָנַ֙יִךְ֙

צִיּ֔וֹן

עַל־בָּנַ֖יִךְ

יָוָ֑ן

וְשַׂמְתִּ֖יךְ

כְּחֶ֥רֶב

גִּבּֽוֹר׃

Zac 9:14

וַֽיהוָה֙

עֲלֵיהֶ֣ם

יֵֽרָאֶ֔ה

וְיָצָ֥א

כַבָּרָ֖ק

חִצּ֑וֹ

וַֽאדֹנָ֤י

יְהוִֹה֙

בַּשּׁוֹפָ֣ר

יִתְקָ֔ע

וְהָלַ֖ךְ

בְּסַעֲר֥וֹת

תֵּימָֽן׃

Zac 9:15

יְהוָ֣ה

צְבָאוֹת֮

יָגֵ֣ן

עֲלֵיהֶם֒

וְאָכְל֗וּ

וְכָֽבְשׁוּ֙

אַבְנֵי־קֶ֔לַע

וְשָׁת֥וּ

הָמ֖וּ

כְּמוֹ־יָ֑יִן

וּמָֽלְאוּ֙

כַּמִּזְרָ֔ק

כְּזָוִיּ֖וֹת

מִזְבֵּֽחַ׃

Zac 9:16

וְֽהוֹשִׁיעָ֞ם

יְהוָ֧ה

אֱלֹהֵיהֶ֛ם

בַּיּ֥וֹם

הַה֖וּא

כְּצֹ֣אן

עַמּ֑וֹ

כִּ֚י

אַבְנֵי־נֵ֔זֶר

מִֽתְנוֹסְס֖וֹת

עַל־אַדְמָתֽוֹ׃

Zac 9:17

כִּ֥י

מַה־טּוּב֖וֹ

וּמַה־יָפְי֑וֹ

דָּגָן֙

בַּֽחוּרִ֔ים

וְתִיר֖וֹשׁ

יְנוֹבֵ֥ב

בְּתֻלֽוֹת׃

Zac 10:1

שַׁאֲל֨וּ

מֵיְהוָ֤ה

מָטָר֙

בְּעֵ֣ת

מַלְק֔וֹשׁ

יְהוָ֖ה

עֹשֶׂ֣ה

חֲזִיזִ֑ים

וּמְטַר־גֶּ֙שֶׁם֙

יִתֵּ֣ן

לָהֶ֔ם

לְאִ֖ישׁ

עֵ֥שֶׂב

בַּשָּׂדֶֽה׃

Zac 10:2

כִּ֧י

הַתְּרָפִ֣ים

דִּבְּרוּ־אָ֗וֶן

וְהַקּֽוֹסְמִים֙

חָ֣זוּ

שֶׁ֔קֶר

וַֽחֲלֹמוֹת֙

הַשָּׁ֣וא

יְדַבֵּ֔רוּ

הֶ֖בֶל

יְנַֽחֵמ֑וּן

עַל־כֵּן֙

נָסְע֣וּ

כְמוֹ־צֹ֔אן

יַעֲנ֖וּ

כִּֽי־אֵ֥ין

רֹעֶֽה׃

פ

Zac 10:3

עַל־הָֽרֹעִים֙

חָרָ֣ה

אַפִּ֔י

וְעַל־הָעַתּוּדִ֖ים

אֶפְק֑וֹד

כִּֽי־פָקַד֩

יְהוָ֨ה

צְבָא֤וֹת

אֶת־עֶדְרוֹ֙

אֶת־בֵּ֣ית

יְהוּדָ֔ה

וְשָׂ֣ם

אוֹתָ֔ם

כְּס֥וּס

הוֹד֖וֹ

בַּמִּלְחָמָֽה׃

Zac 10:4

מִמֶּ֤נּוּ

פִנָּה֙

מִמֶּ֣נּוּ

יָתֵ֔ד

מִמֶּ֖נּוּ

קֶ֣שֶׁת

מִלְחָמָ֑ה

מִמֶּ֛נּוּ

יֵצֵ֥א

כָל־נוֹגֵ֖שׂ

יַחְדָּֽו׃

Zac 10:5

וְהָי֨וּ

כְגִבֹּרִ֜ים

בּוֹסִ֨ים

בְּטִ֤יט

חוּצוֹת֙

בַּמִּלְחָמָ֔ה

וְנִ֨לְחֲמ֔וּ

כִּ֥י

יְהוָ֖ה

עִמָּ֑ם

וְהֹבִ֖ישׁוּ

רֹכְבֵ֥י

סוּסִֽים׃

Zac 10:6

וְגִבַּרְתִּ֣י׀

אֶת־בֵּ֣ית

יְהוּדָ֗ה

וְאֶת־בֵּ֤ית

יוֹסֵף֙

אוֹשִׁ֔יעַ

וְהֽוֹשְׁבוֹתִים֙

כִּ֣י

רִֽחַמְתִּ֔ים

וְהָי֖וּ

כַּאֲשֶׁ֣ר

לֹֽא־זְנַחְתִּ֑ים

כִּ֗י

אֲנִ֛י

יְהוָ֥ה

אֱלֹהֵיהֶ֖ם

וְאֶעֱנֵֽם׃

Zac 10:7

וְהָי֤וּ

כְגִבּוֹר֙

אֶפְרַ֔יִם

וְשָׂמַ֥ח

לִבָּ֖ם

כְּמוֹ־יָ֑יִן

וּבְנֵיהֶם֙

יִרְא֣וּ

וְשָׂמֵ֔חוּ

יָגֵ֥ל

לִבָּ֖ם

בַּיהוָֽה׃

Zac 10:8

אֶשְׁרְקָ֥ה

לָהֶ֛ם

וַאֲקַבְּצֵ֖ם

כִּ֣י

פְדִיתִ֑ים

וְרָב֖וּ

כְּמ֥וֹ

רָבֽוּ׃

Zac 10:9

וְאֶזְרָעֵם֙

בָּֽעַמִּ֔ים

וּבַמֶּרְחַקִּ֖ים

יִזְכְּר֑וּנִי

וְחָי֥וּ

אֶת־בְּנֵיהֶ֖ם

וָשָֽׁבוּ׃

Zac 10:10

וַהֲשִֽׁיבוֹתִים֙

מֵאֶ֣רֶץ

מִצְרַ֔יִם

וּמֵֽאַשּׁ֖וּר

אֲקַבְּצֵ֑ם

וְאֶל־אֶ֨רֶץ

גִּלְעָ֤ד

וּלְבָנוֹן֙

אֲבִיאֵ֔ם

וְלֹ֥א

יִמָּצֵ֖א

לָהֶֽם׃

Zac 10:11

וְעָבַ֨ר

בַּיָּ֜ם

צָרָ֗ה

וְהִכָּ֤ה

בַיָּם֙

גַּלִּ֔ים

וְהֹבִ֕ישׁוּ

כֹּ֖ל

מְצוּל֣וֹת

יְאֹ֑ר

וְהוּרַד֙

גְּא֣וֹן

אַשּׁ֔וּר

וְשֵׁ֥בֶט

מִצְרַ֖יִם

יָסֽוּר׃

Zac 10:12

וְגִבַּרְתִּים֙

בַּֽיהוָ֔ה

וּבִשְׁמ֖וֹ

יִתְהַלָּ֑כוּ

נְאֻ֖ם

יְהוָֽה׃

ס

Zac 11:1

פְּתַ֥ח

לְבָנ֖וֹן

דְּלָתֶ֑יךָ

וְתֹאכַ֥ל

אֵ֖שׁ

בַּאֲרָזֶֽיךָ׃

Zac 11:2

הֵילֵ֤ל

בְּרוֹשׁ֙

כִּֽי־נָ֣פַל

אֶ֔רֶז

אֲשֶׁ֥ר

אַדִּרִ֖ים

שֻׁדָּ֑דוּ

הֵילִ֙ילוּ֙

אַלּוֹנֵ֣י

בָשָׁ֔ן

כִּ֥י

יָרַ֖ד

יַ֥עַר

הַבָּצוּר

[הַ][בָּצִֽיר׃]

Zac 11:3

ק֚וֹל

יִֽלְלַ֣ת

הָרֹעִ֔ים

כִּ֥י

שֻׁדְּדָ֖ה

אַדַּרְתָּ֑ם

ק֚וֹל

שַׁאֲגַ֣ת

כְּפִירִ֔ים

כִּ֥י

שֻׁדַּ֖ד

גְּא֥וֹן

הַיַּרְדֵּֽן׃

ס

Zac 11:4

כֹּ֥ה

אָמַ֖ר

יְהוָ֣ה

אֱלֹהָ֑י

רְעֵ֖ה

אֶת־צֹ֥אן

הַהֲרֵגָֽה׃

Zac 11:5

אֲשֶׁ֨ר

קֹנֵיהֶ֤ן

יַֽהֲרְגֻן֙

וְלֹ֣א

יֶאְשָׁ֔מוּ

וּמֹכְרֵיהֶ֣ן

יֹאמַ֔ר

בָּר֥וּךְ

יְהוָ֖ה

וַאעְשִׁ֑ר

וְרֹ֣עֵיהֶ֔ם

לֹ֥א

יַחְמ֖וֹל

עֲלֵיהֶֽן׃

Zac 11:6

כִּ֠י

לֹ֣א

אֶחְמ֥וֹל

ע֛וֹד

עַל־יֹשְׁבֵ֥י

הָאָ֖רֶץ

נְאֻם־יְהוָ֑ה

וְהִנֵּ֨ה

אָנֹכִ֜י

מַמְצִ֣יא

אֶת־הָאָדָ֗ם

אִ֤ישׁ

בְּיַד־רֵעֵ֙הוּ֙

וּבְיַ֣ד

מַלְכּ֔וֹ

וְכִתְּתוּ֙

אֶת־הָאָ֔רֶץ

וְלֹ֥א

אַצִּ֖יל

מִיָּדָֽם׃

Zac 11:7

וָֽאֶרְעֶה֙

אֶת־צֹ֣אן

הַֽהֲרֵגָ֔ה

לָכֵ֖ן

עֲנִיֵּ֣י

הַצֹּ֑אן

וָאֶקַּֽח־לִ֞י

שְׁנֵ֣י

מַקְל֗וֹת

לְאַחַ֞ד

קָרָ֤אתִי

נֹ֨עַם֙

וּלְאַחַד֙

קָרָ֣אתִי

חֹֽבְלִ֔ים

וָאֶרְעֶ֖ה

אֶת־הַצֹּֽאן׃

Zac 11:8

וָאַכְחִ֛ד

אֶת־שְׁלֹ֥שֶׁת

הָרֹעִ֖ים

בְּיֶ֣רַח

אֶחָ֑ד

וַתִּקְצַ֤ר

נַפְשִׁי֙

בָּהֶ֔ם

וְגַם־נַפְשָׁ֖ם

בָּחֲלָ֥ה

בִֽי׃

Zac 11:9

וָאֹמַ֕ר

לֹ֥א

אֶרְעֶ֖ה

אֶתְכֶ֑ם

הַמֵּתָ֣ה

תָמ֗וּת

וְהַנִּכְחֶ֙דֶת֙

תִּכָּחֵ֔ד

וְהַ֨נִּשְׁאָר֔וֹת

תֹּאכַ֕לְנָה

אִשָּׁ֖ה

אֶת־בְּשַׂ֥ר

רְעוּתָֽהּ׃

Zac 11:10

וָאֶקַּ֤ח

אֶת־מַקְלִי֙

אֶת־נֹ֔עַם

וָאֶגְדַּ֖ע

אֹת֑וֹ

לְהָפֵיר֙

אֶת־בְּרִיתִ֔י

אֲשֶׁ֥ר

כָּרַ֖תִּי

אֶת־כָּל־הָעַמִּֽים׃

Zac 11:11

וַתֻּפַ֖ר

בַּיּ֣וֹם

הַה֑וּא

וַיֵּדְע֨וּ

כֵ֜ן

עֲנִיֵּ֤י

הַצֹּאן֙

הַשֹּׁמְרִ֣ים

אֹתִ֔י

כִּ֥י

דְבַר־יְהוָ֖ה

הֽוּא׃

Zac 11:12

וָאֹמַ֣ר

אֲלֵיהֶ֗ם

אִם־ט֧וֹב

בְּעֵינֵיכֶ֛ם

הָב֥וּ

שְׂכָרִ֖י

וְאִם־לֹ֣א׀

חֲדָ֑לוּ

וַיִּשְׁקְל֥וּ

אֶת־שְׂכָרִ֖י

שְׁלֹשִׁ֥ים

כָּֽסֶף׃

Zac 11:13

וַיֹּ֨אמֶר

יְהוָ֜ה

אֵלַ֗י

הַשְׁלִיכֵ֙הוּ֙

אֶל־הַיּוֹצֵ֔ר

אֶ֣דֶר

הַיְקָ֔ר

אֲשֶׁ֥ר

יָקַ֖רְתִּי

מֵֽעֲלֵיהֶ֑ם

וָֽאֶקְחָה֙

שְׁלֹשִׁ֣ים

הַכֶּ֔סֶף

וָאַשְׁלִ֥יךְ

אֹת֛וֹ

בֵּ֥ית

יְהוָ֖ה

אֶל־הַיּוֹצֵֽר׃

Zac 11:14

וָֽאֶגְדַּע֙

אֶת־מַקְלִ֣י

הַשֵּׁנִ֔י

אֵ֖ת

הַחֹֽבְלִ֑ים

לְהָפֵר֙

אֶת־הָֽאַחֲוָ֔ה

בֵּ֥ין

יְהוּדָ֖ה

וּבֵ֥ין

יִשְׂרָאֵֽל׃

ס

Zac 11:15

וַיֹּ֥אמֶר

יְהוָ֖ה

אֵלָ֑י

ע֣וֹד

קַח־לְךָ֔

כְּלִ֖י

רֹעֶ֥ה

אֱוִלִֽי׃

Zac 11:16

כִּ֣י

הִנֵּֽה־אָנֹכִי֩

מֵקִ֨ים

רֹעֶ֜ה

בָּאָ֗רֶץ

הַנִּכְחָד֤וֹת

לֹֽא־יִפְקֹד֙

הַנַּ֣עַר

לֹֽא־יְבַקֵּ֔שׁ

וְהַנִּשְׁבֶּ֖רֶת

לֹ֣א

יְרַפֵּ֑א

הַנִּצָּבָה֙

לֹ֣א

יְכַלְכֵּ֔ל

וּבְשַׂ֤ר

הַבְּרִיאָה֙

יֹאכַ֔ל

וּפַרְסֵיהֶ֖ן

יְפָרֵֽק׃

ס

Zac 11:17

ה֣וֹי

רֹעִ֤י

הָֽאֱלִיל֙

עֹזְבִ֣י

הַצֹּ֔אן

חֶ֥רֶב

עַל־זְרוֹע֖וֹ

וְעַל־עֵ֣ין

יְמִינ֑וֹ

זְרֹעוֹ֙

יָב֣וֹשׁ

תִּיבָ֔שׁ

וְעֵ֥ין

יְמִינ֖וֹ

כָּהֹ֥ה

תִכְהֶֽה׃

ס

Zac 12:1

מַשָּׂ֥א

דְבַר־יְהוָ֖ה

עַל־יִשְׂרָאֵ֑ל

נְאֻם־יְהוָ֗ה

נֹטֶ֤ה

שָׁמַ֙יִם֙

וְיֹסֵ֣ד

אָ֔רֶץ

וְיֹצֵ֥ר

רֽוּחַ־אָדָ֖ם

בְּקִרְבּֽוֹ׃

פ

Zac 12:2

הִנֵּ֣ה

אָ֠נֹכִי

שָׂ֣ם

אֶת־יְרוּשָׁלִַ֧ם

סַף־רַ֛עַל

לְכָל־הָעַמִּ֖ים

סָבִ֑יב

וְגַ֧ם

עַל־יְהוּדָ֛ה

יִֽהְיֶ֥ה

בַמָּצ֖וֹר

עַל־יְרוּשָׁלִָֽם׃

Zac 12:3

וְהָיָ֣ה

בַיּוֹם־הַ֠הוּא

אָשִׂ֨ים

אֶת־יְרוּשָׁלִַ֜ם

אֶ֤בֶן

מַֽעֲמָסָה֙

לְכָל־הָ֣עַמִּ֔ים

כָּל־עֹמְסֶ֖יהָ

שָׂר֣וֹט

יִשָּׂרֵ֑טוּ

וְנֶאֶסְפ֣וּ

עָלֶ֔יהָ

כֹּ֖ל

גּוֹיֵ֥י

הָאָֽרֶץ׃

Zac 12:4

בַּיּ֨וֹם

הַה֜וּא

נְאֻם־יְהוָ֗ה

אַכֶּ֤ה

כָל־סוּס֙

בַּתִּמָּה֔וֹן

וְרֹכְב֖וֹ

בַּשִּׁגָּע֑וֹן

וְעַל־בֵּ֤ית

יְהוּדָה֙

אֶפְקַ֣ח

אֶת־עֵינַ֔י

וְכֹל֙

ס֣וּס

הָֽעַמִּ֔ים

אַכֶּ֖ה

בַּֽעִוָּרֽוֹן׃

Zac 12:5

וְאָֽמְר֛וּ

אַלֻּפֵ֥י

יְהוּדָ֖ה

בְּלִבָּ֑ם

אַמְצָ֥ה

לִי֙

יֹשְׁבֵ֣י

יְרוּשָׁלִַ֔ם

בַּיהוָ֥ה

צְבָא֖וֹת

אֱלֹהֵיהֶֽם׃

Zac 12:6

בַּיּ֣וֹם

הַה֡וּא

אָשִׂים֩

אֶת־אַלֻּפֵ֨י

יְהוּדָ֜ה

כְּֽכִיּ֧וֹר

אֵ֣שׁ

בְּעֵצִ֗ים

וּכְלַפִּ֥יד

אֵשׁ֙

בְּעָמִ֔יר

וְאָ֨כְל֜וּ

עַל־יָמִ֧ין

וְעַל־שְׂמֹ֛אול

אֶת־כָּל־הָעַמִּ֖ים

סָבִ֑יב

וְיָשְׁבָ֨ה

יְרוּשָׁלִַ֥ם

ע֛וֹד

תַּחְתֶּ֖יהָ

בִּירוּשָׁלִָֽם׃

פ

Zac 12:7

וְהוֹשִׁ֧יעַ

יְהוָ֛ה

אֶת־אָהֳלֵ֥י

יְהוּדָ֖ה

בָּרִֽאשֹׁנָ֑ה

לְמַ֨עַן

לֹֽא־תִגְדַּ֜ל

תִּפְאֶ֣רֶת

בֵּית־דָּוִ֗יד

וְתִפְאֶ֛רֶת

יֹשֵׁ֥ב

יְרוּשָׁלִַ֖ם

עַל־יְהוּדָֽה׃

Zac 12:8

בַּיּ֣וֹם

הַה֗וּא

יָגֵ֤ן

יְהוָה֙

בְּעַד֙

יוֹשֵׁ֣ב

יְרוּשָׁלִַ֔ם

וְהָיָ֞ה

הַנִּכְשָׁ֥ל

בָּהֶ֛ם

בַּיּ֥וֹם

הַה֖וּא

כְּדָוִ֑יד

וּבֵ֤ית

דָּוִיד֙

כֵּֽאלֹהִ֔ים

כְּמַלְאַ֥ךְ

יְהוָ֖ה

לִפְנֵיהֶֽם׃

Zac 12:9

וְהָיָ֖ה

בַּיּ֣וֹם

הַה֑וּא

אֲבַקֵּ֗שׁ

לְהַשְׁמִיד֙

אֶת־כָּל־הַגּוֹיִ֔ם

הַבָּאִ֖ים

עַל־יְרוּשָׁלִָֽם׃

Zac 12:10

וְשָׁפַכְתִּי֩

עַל־בֵּ֨ית

דָּוִ֜יד

וְעַ֣ל׀

יוֹשֵׁ֣ב

יְרוּשָׁלִַ֗ם

ר֤וּחַ

חֵן֙

וְתַ֣חֲנוּנִ֔ים

וְהִבִּ֥יטוּ

אֵלַ֖י

אֵ֣ת

אֲשֶׁר־דָּקָ֑רוּ

וְסָפְד֣וּ

עָלָ֗יו

כְּמִסְפֵּד֙

עַל־הַיָּחִ֔יד

וְהָמֵ֥ר

עָלָ֖יו

כְּהָמֵ֥ר

עַֽל־הַבְּכֽוֹר׃

Zac 12:11

בַּיּ֣וֹם

הַה֗וּא

יִגְדַּ֤ל

הַמִּסְפֵּד֙

בִּיר֣וּשָׁלִַ֔ם

כְּמִסְפַּ֥ד

הֲדַדְ־רִמּ֖וֹן

בְּבִקְעַ֥ת

מְגִדּֽוֹן׃

Zac 12:12

וְסָפְדָ֣ה

הָאָ֔רֶץ

מִשְׁפָּח֥וֹת

מִשְׁפָּח֖וֹת

לְבָ֑ד

מִשְׁפַּ֨חַת

בֵּית־דָּוִ֤יד

לְבָד֙

וּנְשֵׁיהֶ֣ם

לְבָ֔ד

מִשְׁפַּ֤חַת

בֵּית־נָתָן֙

לְבָ֔ד

וּנְשֵׁיהֶ֖ם

לְבָֽד׃

Zac 12:13

מִשְׁפַּ֤חַת

בֵּית־לֵוִי֙

לְבָ֔ד

וּנְשֵׁיהֶ֖ם

לְבָ֑ד

מִשְׁפַּ֤חַת

הַשִּׁמְעִי֙

לְבָ֔ד

וּנְשֵׁיהֶ֖ם

לְבָֽד׃

Zac 12:14

כֹּ֗ל

הַמִּשְׁפָּחוֹת֙

הַנִּשְׁאָר֔וֹת

מִשְׁפָּחֹ֥ת

מִשְׁפָּחֹ֖ת

לְבָ֑ד

וּנְשֵׁיהֶ֖ם

לְבָֽד׃

ס

Zac 13:1

בַּיּ֣וֹם

הַה֗וּא

יִֽהְיֶה֙

מָק֣וֹר

נִפְתָּ֔ח

לְבֵ֥ית

דָּוִ֖יד

וּלְיֹשְׁבֵ֣י

יְרֽוּשָׁלִָ֑ם

לְחַטַּ֖את

וּלְנִדָּֽה׃

Zac 13:2

וְהָיָה֩

בַיּ֨וֹם

הַה֜וּא

נְאֻ֣ם׀

יְהוָ֣ה

צְבָא֗וֹת

אַכְרִ֞ית

אֶת־שְׁמ֤וֹת

הָֽעֲצַבִּים֙

מִן־הָאָ֔רֶץ

וְלֹ֥א

יִזָּכְר֖וּ

ע֑וֹד

וְגַ֧ם

אֶת־הַנְּבִיאִ֛ים

וְאֶת־ר֥וּחַ

הַטֻּמְאָ֖ה

אַעֲבִ֥יר

מִן־הָאָֽרֶץ׃

Zac 13:3

וְהָיָ֗ה

כִּֽי־יִנָּבֵ֣א

אִישׁ֮

עוֹד֒

וְאָמְר֣וּ

אֵ֠לָיו

אָבִ֨יו

וְאִמּ֤וֹ

יֹֽלְדָיו֙

לֹ֣א

תִֽחְיֶ֔ה

כִּ֛י

שֶׁ֥קֶר

דִּבַּ֖רְתָּ

בְּשֵׁ֣ם

יְהוָ֑ה

וּדְקָרֻ֜הוּ

אָבִ֧יהוּ

וְאִמּ֛וֹ

יֹלְדָ֖יו

בְּהִנָּבְאֽוֹ׃

Zac 13:4

וְהָיָ֣ה׀

בַּיּ֣וֹם

הַה֗וּא

יֵבֹ֧שׁוּ

הַנְּבִיאִ֛ים

אִ֥ישׁ

מֵחֶזְיֹנ֖וֹ

בְּהִנָּֽבְאֹת֑וֹ

וְלֹ֧א

יִלְבְּשׁ֛וּ

אַדֶּ֥רֶת

שֵׂעָ֖ר

לְמַ֥עַן

כַּחֵֽשׁ׃

Zac 13:5

וְאָמַ֕ר

לֹ֥א

נָבִ֖יא

אָנֹ֑כִי

אִישׁ־עֹבֵ֤ד

אֲדָמָה֙

אָנֹ֔כִי

כִּ֥י

אָדָ֖ם

הִקְנַ֥נִי

מִנְּעוּרָֽי׃

Zac 13:6

וְאָמַ֣ר

אֵלָ֔יו

מָ֧ה

הַמַּכּ֛וֹת

הָאֵ֖לֶּה

בֵּ֣ין

יָדֶ֑יךָ

וְאָמַ֕ר

אֲשֶׁ֥ר

הֻכֵּ֖יתִי

בֵּ֥ית

מְאַהֲבָֽי׃

ס

Zac 13:7

חֶ֗רֶב

עוּרִ֤י

עַל־רֹעִי֙

וְעַל־גֶּ֣בֶר

עֲמִיתִ֔י

נְאֻ֖ם

יְהוָ֣ה

צְבָא֑וֹת

הַ֤ךְ

אֶת־הָֽרֹעֶה֙

וּתְפוּצֶ֣יןָ

הַצֹּ֔אן

וַהֲשִׁבֹתִ֥י

יָדִ֖י

עַל־הַצֹּעֲרִֽים׃

Zac 13:8

וְהָיָ֤ה

בְכָל־הָאָ֙רֶץ֙

נְאֻם־יְהוָ֔ה

פִּֽי־שְׁנַ֣יִם

בָּ֔הּ

יִכָּרְת֖וּ

יִגְוָ֑עוּ

וְהַשְּׁלִשִׁ֖ית

יִוָּ֥תֶר

בָּֽהּ׃

Zac 13:9

וְהֵבֵאתִ֤י

אֶת־הַשְּׁלִשִׁית֙

בָּאֵ֔שׁ

וּצְרַפְתִּים֙

כִּצְרֹ֣ף

אֶת־הַכֶּ֔סֶף

וּבְחַנְתִּ֖ים

כִּבְחֹ֣ן

אֶת־הַזָּהָ֑ב

ה֣וּא׀

יִקְרָ֣א

בִשְׁמִ֗י

וַֽאֲנִי

אֶעֱנֶ֣ה

אֹת֔וֹ

אָמַ֙רְתִּי֙

עַמִּ֣י

ה֔וּא

וְה֥וּא

יֹאמַ֖ר

יְהוָ֥ה

אֱלֹהָֽי׃

ס

Zac 14:1

הִנֵּ֥ה

יֽוֹם־בָּ֖א

לַֽיהוָ֑ה

וְחֻלַּ֥ק

שְׁלָלֵ֖ךְ

בְּקִרְבֵּֽךְ׃

Zac 14:2

וְאָסַפְתִּ֨י

אֶת־כָּל־הַגּוֹיִ֥ם׀

אֶֽל־יְרוּשָׁלִַם֮

לַמִּלְחָמָה֒

וְנִלְכְּדָ֣ה

הָעִ֗יר

וְנָשַׁ֙סּוּ֙

הַבָּ֣תִּ֔ים

וְהַנָּשִׁ֖ים

תִּשָּׁגַלְנָה

[תִּשָּׁכַ֑בְנָה]

וְיָצָ֞א

חֲצִ֤י

הָעִיר֙

בַּגּוֹלָ֔ה

וְיֶ֣תֶר

הָעָ֔ם

לֹ֥א