Gn 1:1
וַֽיְהִי֙
דְּבַר־יְהוָ֔ה
אֶל־יוֹנָ֥ה
בֶן־אֲמִתַּ֖י
לֵאמֹֽר׃
Gn 1:2
ק֠וּם
לֵ֧ךְ
אֶל־נִֽינְוֵ֛ה
הָעִ֥יר
הַגְּדוֹלָ֖ה
וּקְרָ֣א
עָלֶ֑יהָ
כִּֽי־עָלְתָ֥ה
רָעָתָ֖ם
לְפָנָֽי׃
Gn 1:3
וַיָּ֤קָם
יוֹנָה֙
לִבְרֹ֣חַ
תַּרְשִׁ֔ישָׁה
מִלִּפְנֵ֖י
יְהוָ֑ה
וַיֵּ֨רֶד
יָפ֜וֹ
וַיִּמְצָ֥א
אָנִיָּ֣ה׀
בָּאָ֣ה
תַרְשִׁ֗ישׁ
וַיִּתֵּ֨ן
שְׂכָרָ֜הּ
וַיֵּ֤רֶד
בָּהּ֙
לָב֤וֹא
עִמָּהֶם֙
תַּרְשִׁ֔ישָׁה
מִלִּפְנֵ֖י
יְהוָֽה׃
Gn 1:4
וַֽיהוָ֗ה
הֵטִ֤יל
רֽוּחַ־גְּדוֹלָה֙
אֶל־הַיָּ֔ם
וַיְהִ֥י
סַֽעַר־גָּד֖וֹל
בַּיָּ֑ם
וְהָ֣אֳנִיָּ֔ה
חִשְּׁבָ֖ה
לְהִשָּׁבֵֽר׃
Gn 1:5
וַיִּֽירְא֣וּ
הַמַּלָּחִ֗ים
וַֽיִּזְעֲקוּ֮
אִ֣ישׁ
אֶל־אֱלֹהָיו֒
וַיָּטִ֨לוּ
אֶת־הַכֵּלִ֜ים
אֲשֶׁ֤ר
בָּֽאֳנִיָּה֙
אֶל־הַיָּ֔ם
לְהָקֵ֖ל
מֵֽעֲלֵיהֶ֑ם
וְיוֹנָ֗ה
יָרַד֙
אֶל־יַרְכְּתֵ֣י
הַסְּפִינָ֔ה
וַיִּשְׁכַּ֖ב
וַיֵּרָדַֽם׃
Gn 1:6
וַיִּקְרַ֤ב
אֵלָיו֙
רַ֣ב
הַחֹבֵ֔ל
וַיֹּ֥אמֶר
ל֖וֹ
מַה־לְּךָ֣
נִרְדָּ֑ם
ק֚וּם
קְרָ֣א
אֶל־אֱלֹהֶ֔יךָ
אוּלַ֞י
יִתְעַשֵּׁ֧ת
הָאֱלֹהִ֛ים
לָ֖נוּ
וְלֹ֥א
נֹאבֵֽד׃
Gn 1:7
וַיֹּאמְר֞וּ
אִ֣ישׁ
אֶל־רֵעֵ֗הוּ
לְכוּ֙
וְנַפִּ֣ילָה
גֽוֹרָל֔וֹת
וְנֵ֣דְעָ֔ה
בְּשֶׁלְּמִ֛י
הָרָעָ֥ה
הַזֹּ֖את
לָ֑נוּ
וַיַּפִּ֙לוּ֙
גּֽוֹרָל֔וֹת
וַיִּפֹּ֥ל
הַגּוֹרָ֖ל
עַל־יוֹנָֽה׃
Gn 1:8
וַיֹּאמְר֣וּ
אֵלָ֔יו
הַגִּידָה־נָּ֣א
לָ֔נוּ
בַּאֲשֶׁ֛ר
לְמִי־הָרָעָ֥ה
הַזֹּ֖את
לָ֑נוּ
מַה־מְּלַאכְתְּךָ֙
וּמֵאַ֣יִן
תָּב֔וֹא
מָ֣ה
אַרְצֶ֔ךָ
וְאֵֽי־מִזֶּ֥ה
עַ֖ם
אָֽתָּה׃
Gn 1:9
וַיֹּ֥אמֶר
אֲלֵיהֶ֖ם
עִבְרִ֣י
אָנֹ֑כִי
וְאֶת־יְהוָ֞ה
אֱלֹהֵ֤י
הַשָּׁמַ֙יִם֙
אֲנִ֣י
יָרֵ֔א
אֲשֶׁר־עָשָׂ֥ה
אֶת־הַיָּ֖ם
וְאֶת־הַיַּבָּשָֽׁה׃
Gn 1:10
וַיִּֽירְא֤וּ
הָֽאֲנָשִׁים֙
יִרְאָ֣ה
גְדוֹלָ֔ה
וַיֹּאמְר֥וּ
אֵלָ֖יו
מַה־זֹּ֣את
עָשִׂ֑יתָ
כִּֽי־יָדְע֣וּ
הָאֲנָשִׁ֗ים
כִּֽי־מִלִּפְנֵ֤י
יְהוָה֙
ה֣וּא
בֹרֵ֔חַ
כִּ֥י
הִגִּ֖יד
לָהֶֽם׃
Gn 1:11
וַיֹּאמְר֤וּ
אֵלָיו֙
מַה־נַּ֣עֲשֶׂה
לָּ֔ךְ
וְיִשְׁתֹּ֥ק
הַיָּ֖ם
מֵֽעָלֵ֑ינוּ
כִּ֥י
הַיָּ֖ם
הוֹלֵ֥ךְ
וְסֹעֵֽר׃
Gn 1:12
וַיֹּ֣אמֶר
אֲלֵיהֶ֗ם
שָׂא֙וּנִי֙
וַהֲטִילֻ֣נִי
אֶל־הַיָּ֔ם
וְיִשְׁתֹּ֥ק
הַיָּ֖ם
מֵֽעֲלֵיכֶ֑ם
כִּ֚י
יוֹדֵ֣עַ
אָ֔נִי
כִּ֣י
בְשֶׁלִּ֔י
הַסַּ֧עַר
הַגָּד֛וֹל
הַזֶּ֖ה
עֲלֵיכֶֽם׃
Gn 1:13
וַיַּחְתְּר֣וּ
הָאֲנָשִׁ֗ים
לְהָשִׁ֛יב
אֶל־הַיַּבָּשָׁ֖ה
וְלֹ֣א
יָכֹ֑לוּ
כִּ֣י
הַיָּ֔ם
הוֹלֵ֥ךְ
וְסֹעֵ֖ר
עֲלֵיהֶֽם׃
Gn 1:14
וַיִּקְרְא֨וּ
אֶל־יְהוָ֜ה
וַיֹּאמְר֗וּ
אָנָּ֤ה
יְהוָה֙
אַל־נָ֣א
נֹאבְדָ֗ה
בְּנֶ֙פֶשׁ֙
הָאִ֣ישׁ
הַזֶּ֔ה
וְאַל־תִּתֵּ֥ן
עָלֵ֖ינוּ
דָּ֣ם
נָקִ֑יא
כִּֽי־אַתָּ֣ה
יְהוָ֔ה
כַּאֲשֶׁ֥ר
חָפַ֖צְתָּ
עָשִֽׂיתָ׃
Gn 1:15
וַיִּשְׂאוּ֙
אֶת־יוֹנָ֔ה
וַיְטִלֻ֖הוּ
אֶל־הַיָּ֑ם
וַיַּעֲמֹ֥ד
הַיָּ֖ם
מִזַּעְפּֽוֹ׃
Gn 1:16
וַיִּֽירְא֧וּ
הָאֲנָשִׁ֛ים
יִרְאָ֥ה
גְדוֹלָ֖ה
אֶת־יְהוָ֑ה
וַיִּֽזְבְּחוּ־זֶ֙בַח֙
לַֽיהוָ֔ה
וַֽיִּדְּר֖וּ
נְדָרִֽים׃
Gn 2:1
וַיְמַ֤ן
יְהוָה֙
דָּ֣ג
גָּד֔וֹל
לִבְלֹ֖עַ
אֶת־יוֹנָ֑ה
וַיְהִ֤י
יוֹנָה֙
בִּמְעֵ֣י
הַדָּ֔ג
שְׁלֹשָׁ֥ה
יָמִ֖ים
וּשְׁלֹשָׁ֥ה
לֵילֽוֹת׃
Gn 2:2
וַיִּתְפַּלֵּ֣ל
יוֹנָ֔ה
אֶל־יְהוָ֖ה
אֱלֹהָ֑יו
מִמְּעֵ֖י
הַדָּגָֽה׃
Gn 2:3
וַיֹּ֗אמֶר
קָ֠רָאתִי
מִצָּ֥רָה
לִ֛י
אֶל־יְהוָ֖ה
וַֽיַּעֲנֵ֑נִי
מִבֶּ֧טֶן
שְׁא֛וֹל
שִׁוַּ֖עְתִּי
שָׁמַ֥עְתָּ
קוֹלִֽי׃
Gn 2:4
וַתַּשְׁלִיכֵ֤נִי
מְצוּלָה֙
בִּלְבַ֣ב
יַמִּ֔ים
וְנָהָ֖ר
יְסֹבְבֵ֑נִי
כָּל־מִשְׁבָּרֶ֥יךָ
וְגַלֶּ֖יךָ
עָלַ֥י
עָבָֽרוּ׃
Gn 2:5
וַאֲנִ֣י
אָמַ֔רְתִּי
נִגְרַ֖שְׁתִּי
מִנֶּ֣גֶד
עֵינֶ֑יךָ
אַ֚ךְ
אוֹסִ֣יף
לְהַבִּ֔יט
אֶל־הֵיכַ֖ל
קָדְשֶֽׁךָ׃
Gn 2:6
אֲפָפ֤וּנִי
מַ֙יִם֙
עַד־נֶ֔פֶשׁ
תְּה֖וֹם
יְסֹבְבֵ֑נִי
ס֖וּף
חָב֥וּשׁ
לְרֹאשִֽׁי׃
Gn 2:7
לְקִצְבֵ֤י
הָרִים֙
יָרַ֔דְתִּי
הָאָ֛רֶץ
בְּרִחֶ֥יהָ
בַעֲדִ֖י
לְעוֹלָ֑ם
וַתַּ֧עַל
מִשַּׁ֛חַת
חַיַּ֖י
יְהוָ֥ה
אֱלֹהָֽי׃
Gn 2:8
בְּהִתְעַטֵּ֤ף
עָלַי֙
נַפְשִׁ֔י
אֶת־יְהוָ֖ה
זָכָ֑רְתִּי
וַתָּב֤וֹא
אֵלֶ֙יךָ֙
תְּפִלָּתִ֔י
אֶל־הֵיכַ֖ל
קָדְשֶֽׁךָ׃
Gn 2:9
מְשַׁמְּרִ֖ים
הַבְלֵי־שָׁ֑וְא
חַסְדָּ֖ם
יַעֲזֹֽבוּ׃
Gn 2:10
וַאֲנִ֗י
בְּק֤וֹל
תּוֹדָה֙
אֶזְבְּחָה־לָּ֔ךְ
אֲשֶׁ֥ר
נָדַ֖רְתִּי
אֲשַׁלֵּ֑מָה
יְשׁוּעָ֖תָה
לַיהוָֽה׃
ס
Gn 2:11
וַיֹּ֥אמֶר
יְהוָ֖ה
לַדָּ֑ג
וַיָּקֵ֥א
אֶת־יוֹנָ֖ה
אֶל־הַיַּבָּשָֽׁה׃
פ
Gn 3:1
וַיְהִ֧י
דְבַר־יְהוָ֛ה
אֶל־יוֹנָ֖ה
שֵׁנִ֥ית
לֵאמֹֽר׃
Gn 3:2
ק֛וּם
לֵ֥ךְ
אֶל־נִֽינְוֵ֖ה
הָעִ֣יר
הַגְּדוֹלָ֑ה
וִּקְרָ֤א
אֵלֶ֙יהָ֙
אֶת־הַקְּרִיאָ֔ה
אֲשֶׁ֥ר
אָנֹכִ֖י
דֹּבֵ֥ר
אֵלֶֽיךָ׃
Gn 3:3
וַיָּ֣קָם
יוֹנָ֗ה
וַיֵּ֛לֶךְ
אֶל־נִֽינְוֶ֖ה
כִּדְבַ֣ר
יְהוָ֑ה
וְנִֽינְוֵ֗ה
הָיְתָ֤ה
עִיר־גְּדוֹלָה֙
לֵֽאלֹהִ֔ים
מַהֲלַ֖ךְ
שְׁלֹ֥שֶׁת
יָמִֽים׃
Gn 3:4
וַיָּ֤חֶל
יוֹנָה֙
לָב֣וֹא
בָעִ֔יר
מַהֲלַ֖ךְ
י֣וֹם
אֶחָ֑ד
וַיִּקְרָא֙
וַיֹּאמַ֔ר
ע֚וֹד
אַרְבָּעִ֣ים
י֔וֹם
וְנִֽינְוֵ֖ה
נֶהְפָּֽכֶת׃
Gn 3:5
וַֽיַּאֲמִ֛ינוּ
אַנְשֵׁ֥י
נִֽינְוֵ֖ה
בֵּֽאלֹהִ֑ים
וַיִּקְרְאוּ־צוֹם֙
וַיִּלְבְּשׁ֣וּ
שַׂקִּ֔ים
מִגְּדוֹלָ֖ם
וְעַד־קְטַנָּֽם׃
Gn 3:6
וַיִּגַּ֤ע
הַדָּבָר֙
אֶל־מֶ֣לֶך
נִֽינְוֵ֔ה
וַיָּ֙קָם֙
מִכִּסְא֔וֹ
וַיַּעֲבֵ֥ר
אַדַּרְתּ֖וֹ
מֵֽעָלָ֑יו
וַיְכַ֣ס
שַׂ֔ק
וַיֵּ֖שֶׁב
עַל־הָאֵֽפֶר׃
Gn 3:7
וַיַּזְעֵ֗ק
וַיֹּ֙אמֶר֙
בְּנִֽינְוֵ֔ה
מִטַּ֧עַם
הַמֶּ֛לֶךְ
וּגְדֹלָ֖יו
לֵאמֹ֑ר
הָאָדָ֨ם
וְהַבְּהֵמָ֜ה
הַבָּקָ֣ר
וְהַצֹּ֗אן
אַֽל־יִטְעֲמוּ֙
מְא֔וּמָה
אַ֨ל־יִרְע֔וּ
וּמַ֖יִם
אַל־יִשְׁתּֽוּ׃
Gn 3:8
וְיִתְכַּסּ֣וּ
שַׂקִּ֗ים
הָֽאָדָם֙
וְהַבְּהֵמָ֔ה
וְיִקְרְא֥וּ
אֶל־אֱלֹהִ֖ים
בְּחָזְקָ֑ה
וְיָשֻׁ֗בוּ
אִ֚ישׁ
מִדַּרְכּ֣וֹ
הָֽרָעָ֔ה
וּמִן־הֶחָמָ֖ס
אֲשֶׁ֥ר
בְּכַפֵּיהֶֽם׃
Gn 3:9
מִֽי־יוֹדֵ֣עַ
יָשׁ֔וּב
וְנִחַ֖ם
הָאֱלֹהִ֑ים
וְשָׁ֛ב
מֵחֲר֥וֹן
אַפּ֖וֹ
וְלֹ֥א
נֹאבֵֽד׃
Gn 3:10
וַיַּ֤רְא
הָֽאֱלֹהִים֙
אֶֽת־מַ֣עֲשֵׂיהֶ֔ם
כִּי־שָׁ֖בוּ
מִדַּרְכָּ֣ם
הָרָעָ֑ה
וַיִּנָּ֣חֶם
הָאֱלֹהִ֗ים
עַל־הָרָעָ֛ה
אֲשֶׁר־דִּבֶּ֥ר
לַעֲשׂוֹת־לָהֶ֖ם
וְלֹ֥א
עָשָֽׂה׃
Gn 4:1
וַיֵּ֥רַע
אֶל־יוֹנָ֖ה
רָעָ֣ה
גְדוֹלָ֑ה
וַיִּ֖חַר
לֽוֹ׃
Gn 4:2
וַיִּתְפַּלֵּ֨ל
אֶל־יְהוָ֜ה
וַיֹּאמַ֗ר
אָנָּ֤ה
יְהוָה֙
הֲלוֹא־זֶ֣ה
דְבָרִ֗י
עַד־הֱיוֹתִי֙
עַל־אַדְמָתִ֔י
עַל־כֵּ֥ן
קִדַּ֖מְתִּי
לִבְרֹ֣חַ
תַּרְשִׁ֑ישָׁה
כִּ֣י
יָדַ֗עְתִּי
כִּ֤י
אַתָּה֙
אֵֽל־חַנּ֣וּן
וְרַח֔וּם
אֶ֤רֶךְ
אַפַּ֙יִם֙
וְרַב־חֶ֔סֶד
וְנִחָ֖ם
עַל־הָרָעָֽה׃
Gn 4:3
וְעַתָּ֣ה
יְהוָ֔ה
קַח־נָ֥א
אֶת־נַפְשִׁ֖י
מִמֶּ֑נִּי
כִּ֛י
ט֥וֹב
מוֹתִ֖י
מֵחַיָּֽי׃
ס
Gn 4:4
וַיֹּ֣אמֶר
יְהוָ֔ה
הַהֵיטֵ֖ב
חָ֥רָה
לָֽךְ׃
Gn 4:5
וַיֵּצֵ֤א
יוֹנָה֙
מִן־הָעִ֔יר
וַיֵּ֖שֶׁב
מִקֶּ֣דֶם
לָעִ֑יר
וַיַּעַשׂ֩
ל֨וֹ
שָׁ֜ם
סֻכָּ֗ה
וַיֵּ֤שֶׁב
תַּחְתֶּ֙יהָ֙
בַּצֵּ֔ל
עַ֚ד
אֲשֶׁ֣ר
יִרְאֶ֔ה
מַה־יִּהְיֶ֖ה
בָּעִֽיר׃
Gn 4:6
וַיְמַ֣ן
יְהוָֽה־אֱ֠לֹהִים
קִיקָי֞וֹן
וַיַּ֣עַל׀
מֵעַ֣ל
לְיוֹנָ֗ה
לִֽהְי֥וֹת
צֵל֙
עַל־רֹאשׁ֔וֹ
לְהַצִּ֥יל
ל֖וֹ
מֵרָֽעָת֑וֹ
וַיִּשְׂמַ֥ח
יוֹנָ֛ה
עַל־הַקִּֽיקָי֖וֹן
שִׂמְחָ֥ה
גְדוֹלָֽה׃
Gn 4:7
וַיְמַ֤ן
הָֽאֱלֹהִים֙
תּוֹלַ֔עַת
בַּעֲל֥וֹת
הַשַּׁ֖חַר
לַֽמָּחֳרָ֑ת
וַתַּ֥ךְ
אֶת־הַקִּֽיקָי֖וֹן
וַיִּיבָֽשׁ׃
Gn 4:8
וַיְהִ֣י׀
כִּזְרֹ֣חַ
הַשֶּׁ֗מֶשׁ
וַיְמַ֨ן
אֱלֹהִ֜ים
ר֤וּחַ
קָדִים֙
חֲרִישִׁ֔ית
וַתַּ֥ךְ
הַשֶּׁ֛מֶשׁ
עַל־רֹ֥אשׁ
יוֹנָ֖ה
וַיִּתְעַלָּ֑ף
וַיִּשְׁאַ֤ל
אֶת־נַפְשׁוֹ֙
לָמ֔וּת
וַיֹּ֕אמֶר
ט֥וֹב
מוֹתִ֖י
מֵחַיָּֽי׃
Gn 4:9
וַיֹּ֤אמֶר
אֱלֹהִים֙
אֶל־יוֹנָ֔ה
הַהֵיטֵ֥ב
חָרָֽה־לְךָ֖
עַל־הַקִּֽיקָי֑וֹן
וַיֹּ֕אמֶר
הֵיטֵ֥ב
חָֽרָה־לִ֖י
עַד־מָֽוֶת׃
Gn 4:10
וַיֹּ֣אמֶר
יְהוָ֔ה
אַתָּ֥ה
חַ֙סְתָּ֙
עַל־הַקִּ֣יקָי֔וֹן
אֲשֶׁ֛ר
לֹא־עָמַ֥לְתָּ
בּ֖וֹ
וְלֹ֣א
גִדַּלְתּ֑וֹ
שֶׁבִּן־לַ֥יְלָה
הָיָ֖ה
וּבִן־לַ֥יְלָה
אָבָֽד׃
Gn 4:11
וַֽאֲנִי֙
לֹ֣א
אָח֔וּס
עַל־נִינְוֵ֖ה
הָעִ֣יר
הַגְּדוֹלָ֑ה
אֲשֶׁ֣ר
יֶשׁ־בָּ֡הּ
הַרְבֵּה֩
מִֽשְׁתֵּים־עֶשְׂרֵ֨ה
רִבּ֜וֹ
אָדָ֗ם
אֲשֶׁ֤ר
לֹֽא־יָדַע֙
בֵּין־יְמִינ֣וֹ
לִשְׂמֹאל֔וֹ
וּבְהֵמָ֖ה
רַבָּֽה׃