Profeti posteriori

Is. 1:1

חֲזוֹן֙

יְשַֽׁעְיָ֣הוּ

בֶן־אָמ֔וֹץ

אֲשֶׁ֣ר

חָזָ֔ה

עַל־יְהוּדָ֖ה

וִירוּשָׁלִָ֑ם

בִּימֵ֨י

עֻזִּיָּ֧הוּ

יוֹתָ֛ם

אָחָ֥ז

יְחִזְקִיָּ֖הוּ

מַלְכֵ֥י

יְהוּדָֽה׃

Is. 1:2

שִׁמְע֤וּ

שָׁמַ֙יִם֙

וְהַאֲזִ֣ינִי

אֶ֔רֶץ

כִּ֥י

יְהוָ֖ה

דִּבֵּ֑ר

בָּנִים֙

גִּדַּ֣לְתִּי

וְרוֹמַ֔מְתִּי

וְהֵ֖ם

פָּ֥שְׁעוּ

בִֽי׃

Is. 1:3

יָדַ֥ע

שׁוֹר֙

קֹנֵ֔הוּ

וַחֲמ֖וֹר

אֵב֣וּס

בְּעָלָ֑יו

יִשְׂרָאֵל֙

לֹ֣א

יָדַ֔ע

עַמִּ֖י

לֹ֥א

הִתְבּוֹנָֽן׃

Is. 1:4

ה֣וֹי׀

גּ֣וֹי

חֹטֵ֗א

עַ֚ם

כֶּ֣בֶד

עָוֹ֔ן

זֶ֣רַע

מְרֵעִ֔ים

בָּנִ֖ים

מַשְׁחִיתִ֑ים

עָזְב֣וּ

אֶת־יְהוָ֗ה

נִֽאֲצ֛וּ

אֶת־קְד֥וֹשׁ

יִשְׂרָאֵ֖ל

נָזֹ֥רוּ

אָחֽוֹר׃

Is. 1:5

עַ֣ל

מֶ֥ה

תֻכּ֛וּ

ע֖וֹד

תּוֹסִ֣יפוּ

סָרָ֑ה

כָּל־רֹ֣אשׁ

לָחֳלִ֔י

וְכָל־לֵבָ֖ב

דַּוָּֽי׃

Is. 1:6

מִכַּף־רֶ֤גֶל

וְעַד־רֹאשׁ֙

אֵֽין־בּ֣וֹ

מְתֹ֔ם

פֶּ֥צַע

וְחַבּוּרָ֖ה

וּמַכָּ֣ה

טְרִיָּ֑ה

לֹא־זֹ֨רוּ֙

וְלֹ֣א

חֻבָּ֔שׁוּ

וְלֹ֥א

רֻכְּכָ֖ה

בַּשָּֽׁמֶן׃

Is. 1:7

אַרְצְכֶ֣ם

שְׁמָמָ֔ה

עָרֵיכֶ֖ם

שְׂרֻפ֣וֹת

אֵ֑שׁ

אַדְמַתְכֶ֗ם

לְנֶגְדְּכֶם֙

זָרִים֙

אֹכְלִ֣ים

אֹתָ֔הּ

וּשְׁמָמָ֖ה

כְּמַהְפֵּכַ֥ת

זָרִֽים׃

Is. 1:8

וְנוֹתְרָ֥ה

בַת־צִיּ֖וֹן

כְּסֻכָּ֣ה

בְכָ֑רֶם

כִּמְלוּנָ֥ה

בְמִקְשָׁ֖ה

כְּעִ֥יר

נְצוּרָֽה׃

Is. 1:9

לוּלֵי֙

יְהוָ֣ה

צְבָא֔וֹת

הוֹתִ֥יר

לָ֛נוּ

שָׂרִ֖יד

כִּמְעָ֑ט

כִּסְדֹ֣ם

הָיִ֔ינוּ

לַעֲמֹרָ֖ה

דָּמִֽינוּ׃

ס

Is. 1:10

שִׁמְע֥וּ

דְבַר־יְהוָ֖ה

קְצִינֵ֣י

סְדֹ֑ם

הַאֲזִ֛ינוּ

תּוֹרַ֥ת

אֱלֹהֵ֖ינוּ

עַ֥ם

עֲמֹרָֽה׃

Is. 1:11

לָמָּה־לִּ֤י

רֹב־זִבְחֵיכֶם֙

יֹאמַ֣ר

יְהוָ֔ה

שָׂבַ֛עְתִּי

עֹל֥וֹת

אֵילִ֖ים

וְחֵ֣לֶב

מְרִיאִ֑ים

וְדַ֨ם

פָּרִ֧ים

וּכְבָשִׂ֛ים

וְעַתּוּדִ֖ים

לֹ֥א

חָפָֽצְתִּי׃

Is. 1:12

כִּ֣י

תָבֹ֔אוּ

לֵרָא֖וֹת

פָּנָ֑י

מִי־בִקֵּ֥שׁ

זֹ֛את

מִיֶּדְכֶ֖ם

רְמֹ֥ס

חֲצֵרָֽי׃

Is. 1:13

לֹ֣א

תוֹסִ֗יפוּ

הָבִיא֙

מִנְחַת־שָׁ֔וְא

קְטֹ֧רֶת

תּוֹעֵבָ֛ה

הִ֖יא

לִ֑י

חֹ֤דֶשׁ

וְשַׁבָּת֙

קְרֹ֣א

מִקְרָ֔א

לֹא־אוּכַ֥ל

אָ֖וֶן

וַעֲצָרָֽה׃

Is. 1:14

חָדְשֵׁיכֶ֤ם

וּמוֹעֲדֵיכֶם֙

שָׂנְאָ֣ה

נַפְשִׁ֔י

הָי֥וּ

עָלַ֖י

לָטֹ֑רַח

נִלְאֵ֖יתִי

נְשֹֽׂא׃

Is. 1:15

וּבְפָרִשְׂכֶ֣ם

כַּפֵּיכֶ֗ם

אַעְלִ֤ים

עֵינַי֙

מִכֶּ֔ם

גַּ֛ם

כִּֽי־תַרְבּ֥וּ

תְפִלָּ֖ה

אֵינֶ֣נִּי

שֹׁמֵ֑עַ

יְדֵיכֶ֖ם

דָּמִ֥ים

מָלֵֽאוּ׃

Is. 1:16

רַחֲצוּ֙

הִזַּכּ֔וּ

הָסִ֛ירוּ

רֹ֥עַ

מַעַלְלֵיכֶ֖ם

מִנֶּ֣גֶד

עֵינָ֑י

חִדְל֖וּ

הָרֵֽעַ׃

Is. 1:17

לִמְד֥וּ

הֵיטֵ֛ב

דִּרְשׁ֥וּ

מִשְׁפָּ֖ט

אַשְּׁר֣וּ

חָמ֑וֹץ

שִׁפְט֣וּ

יָת֔וֹם

רִ֖יבוּ

אַלְמָנָֽה׃

ס

Is. 1:18

לְכוּ־נָ֛א

וְנִוָּֽכְחָ֖ה

יֹאמַ֣ר

יְהוָ֑ה

אִם־יִֽהְי֨וּ

חֲטָאֵיכֶ֤ם

כַּשָּׁנִים֙

כַּשֶּׁ֣לֶג

יַלְבִּ֔ינוּ

אִם־יַאְדִּ֥ימוּ

כַתּוֹלָ֖ע

כַּצֶּ֥מֶר

יִהְיֽוּ׃

Is. 1:19

אִם־תֹּאב֖וּ

וּשְׁמַעְתֶּ֑ם

ט֥וּב

הָאָ֖רֶץ

תֹּאכֵֽלוּ׃

Is. 1:20

וְאִם־תְּמָאֲנ֖וּ

וּמְרִיתֶ֑ם

חֶ֣רֶב

תְּאֻכְּל֔וּ

כִּ֛י

פִּ֥י

יְהוָ֖ה

דִּבֵּֽר׃

ס

Is. 1:21

אֵיכָה֙

הָיְתָ֣ה

לְזוֹנָ֔ה

קִרְיָ֖ה

נֶאֱמָנָ֑ה

מְלֵאֲתִ֣י

מִשְׁפָּ֗ט

צֶ֛דֶק

יָלִ֥ין

בָּ֖הּ

וְעַתָּ֥ה

מְרַצְּחִֽים׃

Is. 1:22

כַּסְפֵּ֖ךְ

הָיָ֣ה

לְסִיגִ֑ים

סָבְאֵ֖ךְ

מָה֥וּל

בַּמָּֽיִם׃

Is. 1:23

שָׂרַ֣יִךְ

סוֹרְרִ֗ים

וְחַבְרֵי֙

גַּנָּבִ֔ים

כֻּלּוֹ֙

אֹהֵ֣ב

שֹׁ֔חַד

וְרֹדֵ֖ף

שַׁלְמֹנִ֑ים

יָתוֹם֙

לֹ֣א

יִשְׁפֹּ֔טוּ

וְרִ֥יב

אַלְמָנָ֖ה

לֹֽא־יָב֥וֹא

אֲלֵיהֶֽם׃

פ

Is. 1:24

לָכֵ֗ן

נְאֻ֤ם

הָֽאָדוֹן֙

יְהוָ֣ה

צְבָא֔וֹת

אֲבִ֖יר

יִשְׂרָאֵ֑ל

ה֚וֹי

אֶנָּחֵ֣ם

מִצָּרַ֔י

וְאִנָּקְמָ֖ה

מֵאוֹיְבָֽי׃

Is. 1:25

וְאָשִׁ֤יבָה

יָדִי֙

עָלַ֔יִךְ

וְאֶצְרֹ֥ף

כַּבֹּ֖ר

סִיגָ֑יִךְ

וְאָסִ֖ירָה

כָּל־בְּדִילָֽיִךְ׃

Is. 1:26

וְאָשִׁ֤יבָה

שֹׁפְטַ֙יִךְ֙

כְּבָרִ֣אשֹׁנָ֔ה

וְיֹעֲצַ֖יִךְ

כְּבַתְּחִלָּ֑ה

אַחֲרֵי־כֵ֗ן

יִקָּ֤רֵא

לָךְ֙

עִ֣יר

הַצֶּ֔דֶק

קִרְיָ֖ה

נֶאֱמָנָֽה׃

Is. 1:27

צִיּ֖וֹן

בְּמִשְׁפָּ֣ט

תִּפָּדֶ֑ה

וְשָׁבֶ֖יהָ

בִּצְדָקָֽה׃

Is. 1:28

וְשֶׁ֧בֶר

פֹּשְׁעִ֛ים

וְחַטָּאִ֖ים

יַחְדָּ֑ו

וְעֹזְבֵ֥י

יְהוָ֖ה

יִכְלֽוּ׃

Is. 1:29

כִּ֣י

יֵבֹ֔שׁוּ

מֵאֵילִ֖ים

אֲשֶׁ֣ר

חֲמַדְתֶּ֑ם

וְתַ֨חְפְּר֔וּ

מֵהַגַּנּ֖וֹת

אֲשֶׁ֥ר

בְּחַרְתֶּֽם׃

Is. 1:30

כִּ֣י

תִֽהְי֔וּ

כְּאֵלָ֖ה

נֹבֶ֣לֶת

עָלֶ֑הָ

וּֽכְגַנָּ֔ה

אֲשֶׁר־מַ֖יִם

אֵ֥ין

לָֽהּ׃

Is. 1:31

וְהָיָ֤ה

הֶחָסֹן֙

לִנְעֹ֔רֶת

וּפֹעֲל֖וֹ

לְנִיצ֑וֹץ

וּבָעֲר֧וּ

שְׁנֵיהֶ֛ם

יַחְדָּ֖ו

וְאֵ֥ין

מְכַבֶּֽה׃

ס

Is. 2:1

הַדָּבָר֙

אֲשֶׁ֣ר

חָזָ֔ה

יְשַֽׁעְיָ֖הוּ

בֶּן־אָמ֑וֹץ

עַל־יְהוּדָ֖ה

וִירוּשָׁלִָֽם׃

Is. 2:2

וְהָיָ֣ה׀

בְּאַחֲרִ֣ית

הַיָּמִ֗ים

נָכ֨וֹן

יִֽהְיֶ֜ה

הַ֤ר

בֵּית־יְהוָה֙

בְּרֹ֣אשׁ

הֶהָרִ֔ים

וְנִשָּׂ֖א

מִגְּבָע֑וֹת

וְנָהֲר֥וּ

אֵלָ֖יו

כָּל־הַגּוֹיִֽם׃

Is. 2:3

וְֽהָלְכ֞וּ

עַמִּ֣ים

רַבִּ֗ים

וְאָמְרוּ֙

לְכ֣וּ׀

וְנַעֲלֶ֣ה

אֶל־הַר־יְהוָ֗ה

אֶל־בֵּית֙

אֱלֹהֵ֣י

יַעֲקֹ֔ב

וְיֹרֵ֙נוּ֙

מִדְּרָכָ֔יו

וְנֵלְכָ֖ה

בְּאֹרְחֹתָ֑יו

כִּ֤י

מִצִּיּוֹן֙

תֵּצֵ֣א

תוֹרָ֔ה

וּדְבַר־יְהוָ֖ה

מִירוּשָׁלִָֽם׃

Is. 2:4

וְשָׁפַט֙

בֵּ֣ין

הַגּוֹיִ֔ם

וְהוֹכִ֖יחַ

לְעַמִּ֣ים

רַבִּ֑ים

וְכִתְּת֨וּ

חַרְבוֹתָ֜ם

לְאִתִּ֗ים

וַחֲנִיתֽוֹתֵיהֶם֙

לְמַזְמֵר֔וֹת

לֹא־יִשָּׂ֨א

ג֤וֹי

אֶל־גּוֹי֙

חֶ֔רֶב

וְלֹא־יִלְמְד֥וּ

ע֖וֹד

מִלְחָמָֽה׃

פ

Is. 2:5

בֵּ֖ית

יַעֲקֹ֑ב

לְכ֥וּ

וְנֵלְכָ֖ה

בְּא֥וֹר

יְהוָֽה׃

Is. 2:6

כִּ֣י

נָטַ֗שְׁתָּה

עַמְּךָ֙

בֵּ֣ית

יַעֲקֹ֔ב

כִּ֤י

מָלְאוּ֙

מִקֶּ֔דֶם

וְעֹֽנְנִ֖ים

כַּפְּלִשְׁתִּ֑ים

וּבְיַלְדֵ֥י

נָכְרִ֖ים

יַשְׂפִּֽיקוּ׃

Is. 2:7

וַתִּמָּלֵ֤א

אַרְצוֹ֙

כֶּ֣סֶף

וְזָהָ֔ב

וְאֵ֥ין

קֵ֖צֶה

לְאֹצְרֹתָ֑יו

וַתִּמָּלֵ֤א

אַרְצוֹ֙

סוּסִ֔ים

וְאֵ֥ין

קֵ֖צֶה

לְמַרְכְּבֹתָֽיו׃

Is. 2:8

וַתִּמָּלֵ֥א

אַרְצ֖וֹ

אֱלִילִ֑ים

לְמַעֲשֵׂ֤ה

יָדָיו֙

יִֽשְׁתַּחֲו֔וּ

לַאֲשֶׁ֥ר

עָשׂ֖וּ

אֶצְבְּעֹתָֽיו׃

Is. 2:9

וַיִּשַּׁ֥ח

אָדָ֖ם

וַיִּשְׁפַּל־אִ֑ישׁ

וְאַל־תִּשָּׂ֖א

לָהֶֽם׃

Is. 2:10

בּ֣וֹא

בַצּ֔וּר

וְהִטָּמֵ֖ן

בֶּֽעָפָ֑ר

מִפְּנֵי֙

פַּ֣חַד

יְהוָ֔ה

וּמֵהֲדַ֖ר

גְּאֹנֽוֹ׃

Is. 2:11

עֵינֵ֞י

גַּבְה֤וּת

אָדָם֙

שָׁפֵ֔ל

וְשַׁ֖ח

ר֣וּם

אֲנָשִׁ֑ים

וְנִשְׂגַּ֧ב

יְהוָ֛ה

לְבַדּ֖וֹ

בַּיּ֥וֹם

הַהֽוּא׃

ס

Is. 2:12

כִּ֣י

י֞וֹם

לַיהוָ֧ה

צְבָא֛וֹת

עַ֥ל

כָּל־גֵּאֶ֖ה

וָרָ֑ם

וְעַ֖ל

כָּל־נִשָּׂ֥א

וְשָׁפֵֽל׃

Is. 2:13

וְעַל֙

כָּל־אַרְזֵ֣י

הַלְּבָנ֔וֹן

הָרָמִ֖ים

וְהַנִּשָּׂאִ֑ים

וְעַ֖ל

כָּל־אַלּוֹנֵ֥י

הַבָּשָֽׁן׃

Is. 2:14

וְעַ֖ל

כָּל־הֶהָרִ֣ים

הָרָמִ֑ים

וְעַ֖ל

כָּל־הַגְּבָע֥וֹת

הַנִּשָּׂאֽוֹת׃

Is. 2:15

וְעַ֖ל

כָּל־מִגְדָּ֣ל

גָּבֹ֑הַ

וְעַ֖ל

כָּל־חוֹמָ֥ה

בְצוּרָֽה׃

Is. 2:16

וְעַ֖ל

כָּל־אֳנִיּ֣וֹת

תַּרְשִׁ֑ישׁ

וְעַ֖ל

כָּל־שְׂכִיּ֥וֹת

הַחֶמְדָּֽה׃

Is. 2:17

וְשַׁח֙

גַּבְה֣וּת

הָאָדָ֔ם

וְשָׁפֵ֖ל

ר֣וּם

אֲנָשִׁ֑ים

וְנִשְׂגַּ֧ב

יְהוָ֛ה

לְבַדּ֖וֹ

בַּיּ֥וֹם

הַהֽוּא׃

Is. 2:18

וְהָאֱלִילִ֖ים

כָּלִ֥יל

יַחֲלֹֽף׃

Is. 2:19

וּבָ֙אוּ֙

בִּמְעָר֣וֹת

צֻרִ֔ים

וּבִמְחִלּ֖וֹת

עָפָ֑ר

מִפְּנֵ֞י

פַּ֤חַד

יְהוָה֙

וּמֵהֲדַ֣ר

גְּאוֹנ֔וֹ

בְּקוּמ֖וֹ

לַעֲרֹ֥ץ

הָאָֽרֶץ׃

Is. 2:20

בַּיּ֤וֹם

הַהוּא֙

יַשְׁלִ֣יךְ

הָאָדָ֔ם

אֵ֚ת

אֱלִילֵ֣י

כַסְפּ֔וֹ

וְאֵ֖ת

אֱלִילֵ֣י

זְהָב֑וֹ

אֲשֶׁ֤ר

עָֽשׂוּ־לוֹ֙

לְהִֽשְׁתַּחֲוֹ֔ת

לַחְפֹּ֥ר

פֵּר֖וֹת

וְלָעֲטַלֵּפִֽים׃

Is. 2:21

לָבוֹא֙

בְּנִקְר֣וֹת

הַצֻּרִ֔ים

וּבִסְעִפֵ֖י

הַסְּלָעִ֑ים

מִפְּנֵ֞י

פַּ֤חַד

יְהוָה֙

וּמֵהֲדַ֣ר

גְּאוֹנ֔וֹ

בְּקוּמ֖וֹ

לַעֲרֹ֥ץ

הָאָֽרֶץ׃

Is. 2:22

חִדְל֤וּ

לָכֶם֙

מִן־הָ֣אָדָ֔ם

אֲשֶׁ֥ר

נְשָׁמָ֖ה

בְּאַפּ֑וֹ

כִּֽי־בַמֶּ֥ה

נֶחְשָׁ֖ב

הֽוּא׃

פ

Is. 3:1

כִּי֩

הִנֵּ֨ה

הָאָד֜וֹן

יְהוָ֣ה

צְבָא֗וֹת

מֵסִ֤יר

מִירוּשָׁלִַ֙ם֙

וּמִ֣יהוּדָ֔ה

מַשְׁעֵ֖ן

וּמַשְׁעֵנָ֑ה

כֹּ֚ל

מִשְׁעַן־לֶ֔חֶם

וְכֹ֖ל

מִשְׁעַן־מָֽיִם׃

Is. 3:2

גִּבּ֖וֹר

וְאִ֣ישׁ

מִלְחָמָ֑ה

שׁוֹפֵ֥ט

וְנָבִ֖יא

וְקֹסֵ֥ם

וְזָקֵֽן׃

Is. 3:3

שַׂר־חֲמִשִּׁ֖ים

וּנְשׂ֣וּא

פָנִ֑ים

וְיוֹעֵ֛ץ

וַחֲכַ֥ם

חֲרָשִׁ֖ים

וּנְב֥וֹן

לָֽחַשׁ׃

Is. 3:4

וְנָתַתִּ֥י

נְעָרִ֖ים

שָׂרֵיהֶ֑ם

וְתַעֲלוּלִ֖ים

יִמְשְׁלוּ־בָֽם׃

Is. 3:5

וְנִגַּ֣שׂ

הָעָ֔ם

אִ֥ישׁ

בְּאִ֖ישׁ

וְאִ֣ישׁ

בְּרֵעֵ֑הוּ

יִרְהֲב֗וּ

הַנַּ֙עַר֙

בַּזָּקֵ֔ן

וְהַנִּקְלֶ֖ה

בַּנִּכְבָּֽד׃

Is. 3:6

כִּֽי־יִתְפֹּ֨שׂ

אִ֤ישׁ

בְּאָחִיו֙

בֵּ֣ית

אָבִ֔יו

שִׂמְלָ֣ה

לְכָ֔ה

קָצִ֖ין

תִּֽהְיֶה־לָּ֑נוּ

וְהַמַּכְשֵׁלָ֥ה

הַזֹּ֖את

תַּ֥חַת

יָדֶֽךָ׃

Is. 3:7

יִשָּׂא֩

בַיּ֨וֹם

הַה֤וּא׀

לֵאמֹר֙

לֹא־אֶהְיֶ֣ה

חֹבֵ֔שׁ

וּבְבֵיתִ֕י

אֵ֥ין

לֶ֖חֶם

וְאֵ֣ין

שִׂמְלָ֑ה

לֹ֥א

תְשִׂימֻ֖נִי

קְצִ֥ין

עָֽם׃

Is. 3:8

כִּ֤י

כָשְׁלָה֙

יְר֣וּשָׁלִַ֔ם

וִיהוּדָ֖ה

נָפָ֑ל

כִּֽי־לְשׁוֹנָ֤ם

וּמַֽעַלְלֵיהֶם֙

אֶל־יְהוָ֔ה

לַמְר֖וֹת

עֵנֵ֥י

כְבוֹדֽוֹ׃

Is. 3:9

הַכָּרַ֤ת

פְּנֵיהֶם֙

עָ֣נְתָה

בָּ֔ם

וְחַטָּאתָ֛ם

כִּסְדֹ֥ם

הִגִּ֖ידוּ

לֹ֣א

כִחֵ֑דוּ

א֣וֹי

לְנַפְשָׁ֔ם

כִּֽי־גָמְל֥וּ

לָהֶ֖ם

רָעָֽה׃

Is. 3:10

אִמְר֥וּ

צַדִּ֖יק

כִּי־ט֑וֹב

כִּֽי־פְרִ֥י

מַעַלְלֵיהֶ֖ם

יֹאכֵֽלוּ׃

Is. 3:11

א֖וֹי

לְרָשָׁ֣ע

רָ֑ע

כִּֽי־גְמ֥וּל

יָדָ֖יו

יֵעָ֥שֶׂה

לּֽוֹ׃

Is. 3:12

עַמִּי֙

נֹגְשָׂ֣יו

מְעוֹלֵ֔ל

וְנָשִׁ֖ים

מָ֣שְׁלוּ

ב֑וֹ

עַמִּי֙

מְאַשְּׁרֶ֣יךָ

מַתְעִ֔ים

וְדֶ֥רֶךְ

אֹֽרְחֹתֶ֖יךָ

בִּלֵּֽעוּ׃

ס

Is. 3:13

נִצָּ֥ב

לָרִ֖יב

יְהוָ֑ה

וְעֹמֵ֖ד

לָדִ֥ין

עַמִּֽים׃

Is. 3:14

יְהוָה֙

בְּמִשְׁפָּ֣ט

יָב֔וֹא

עִם־זִקְנֵ֥י

עַמּ֖וֹ

וְשָׂרָ֑יו

וְאַתֶּם֙

בִּֽעַרְתֶּ֣ם

הַכֶּ֔רֶם

גְּזֵלַ֥ת

הֶֽעָנִ֖י

בְּבָתֵּיכֶֽם׃

Is. 3:15

מַלָּכֶם

[מַה]־[לָּכֶם֙]

תְּדַכְּא֣וּ

עַמִּ֔י

וּפְנֵ֥י

עֲנִיִּ֖ים

תִּטְחָ֑נוּ

נְאֻם־אֲדֹנָ֥י

יְהוִ֖ה

צְבָאֽוֹת׃

ס

Is. 3:16

וַיֹּ֣אמֶר

יְהוָ֗ה

יַ֚עַן

כִּ֤י

גָֽבְהוּ֙

בְּנ֣וֹת

צִיּ֔וֹן

וַתֵּלַ֙כְנָה֙

נְטוּוֹת

[נְטוּי֣וֹת]

גָּר֔וֹן

וּֽמְשַׂקְּר֖וֹת

עֵינָ֑יִם

הָל֤וֹךְ

וְטָפֹף֙

תֵּלַ֔כְנָה

וּבְרַגְלֵיהֶ֖ם

תְּעַכַּֽסְנָה׃

Is. 3:17

וְשִׂפַּ֣ח

אֲדֹנָ֔י

קָדְקֹ֖ד

בְּנ֣וֹת

צִיּ֑וֹן

וַיהוָ֖ה

פָּתְהֵ֥ן

יְעָרֶֽה׃

ס

Is. 3:18

בַּיּ֨וֹם

הַה֜וּא

יָסִ֣יר

אֲדֹנָ֗י

אֵ֣ת

תִּפְאֶ֧רֶת

הָעֲכָסִ֛ים

וְהַשְּׁבִיסִ֖ים

וְהַשַּׂהֲרֹנִֽים׃

Is. 3:19

הַנְּטִיפ֥וֹת

וְהַשֵּׁיר֖וֹת

וְהָֽרְעָלֽוֹת׃

Is. 3:20

הַפְּאֵרִ֤ים

וְהַצְּעָדוֹת֙

וְהַקִּשֻּׁרִ֔ים

וּבָתֵּ֥י

הַנֶּ֖פֶשׁ

וְהַלְּחָשִֽׁים׃

Is. 3:21

הַטַּבָּע֖וֹת

וְנִזְמֵ֥י

הָאָֽף׃

Is. 3:22

הַמַּֽחֲלָצוֹת֙

וְהַמַּ֣עֲטָפ֔וֹת

וְהַמִּטְפָּח֖וֹת

וְהָחֲרִיטִֽים׃

Is. 3:23

וְהַגִּלְיֹנִים֙

וְהַסְּדִינִ֔ים

וְהַצְּנִיפ֖וֹת

וְהָרְדִידִֽים׃

Is. 3:24

וְהָיָה֩

תַ֨חַת

בֹּ֜שֶׂם

מַ֣ק

יִֽהְיֶ֗ה

וְתַ֨חַת

חֲגוֹרָ֤ה

נִקְפָּה֙

וְתַ֨חַת

מַעֲשֶׂ֤ה

מִקְשֶׁה֙

קָרְחָ֔ה

וְתַ֥חַת

פְּתִיגִ֖יל

מַחֲגֹ֣רֶת

שָׂ֑ק

כִּי־תַ֖חַת

יֹֽפִי׃

Is. 3:25

מְתַ֖יִךְ

בַּחֶ֣רֶב

יִפֹּ֑לוּ

וּגְבוּרָתֵ֖ךְ

בַּמִּלְחָמָֽה׃

Is. 3:26

וְאָנ֥וּ

וְאָבְל֖וּ

פְּתָחֶ֑יהָ

וְנִקָּ֖תָה

לָאָ֥רֶץ

תֵּשֵֽׁב׃

Is. 4:1

וְהֶחֱזִיקוּ֩

שֶׁ֨בַע

נָשִׁ֜ים

בְּאִ֣ישׁ

אֶחָ֗ד

בַּיּ֤וֹם

הַהוּא֙

לֵאמֹ֔ר

לַחְמֵ֣נוּ

נֹאכֵ֔ל

וְשִׂמְלָתֵ֖נוּ

נִלְבָּ֑שׁ

רַ֗ק

יִקָּרֵ֤א

שִׁמְךָ֙

עָלֵ֔ינוּ

אֱסֹ֖ף

חֶרְפָּתֵֽנוּ׃

ס

Is. 4:2

בַּיּ֣וֹם

הַה֗וּא

יִֽהְיֶה֙

צֶ֣מַח

יְהוָ֔ה

לִצְבִ֖י

וּלְכָב֑וֹד

וּפְרִ֤י

הָאָ֙רֶץ֙

לְגָא֣וֹן

וּלְתִפְאֶ֔רֶת

לִפְלֵיטַ֖ת

יִשְׂרָאֵֽל׃

Is. 4:3

וְהָיָ֣ה׀

הַנִּשְׁאָ֣ר

בְּצִיּ֗וֹן

וְהַנּוֹתָר֙

בִּיר֣וּשָׁלִַ֔ם

קָד֖וֹשׁ

יֵאָ֣מֶר

ל֑וֹ

כָּל־הַכָּת֥וּב

לַחַיִּ֖ים

בִּירוּשָׁלִָֽם׃

Is. 4:4

אִ֣ם׀

רָחַ֣ץ

אֲדֹנָ֗י

אֵ֚ת

צֹאַ֣ת

בְּנוֹת־צִיּ֔וֹן

וְאֶת־דְּמֵ֥י

יְרוּשָׁלִַ֖ם

יָדִ֣יחַ

מִקִּרְבָּ֑הּ

בְּר֥וּחַ

מִשְׁפָּ֖ט

וּבְר֥וּחַ

בָּעֵֽר׃

Is. 4:5

וּבָרָ֣א

יְהוָ֡ה

עַל֩

כָּל־מְכ֨וֹן

הַר־צִיּ֜וֹן

וְעַל־מִקְרָאֶ֗הָ

עָנָ֤ן׀

יוֹמָם֙

וְעָשָׁ֔ן

וְנֹ֛גַהּ

אֵ֥שׁ

לֶהָבָ֖ה

לָ֑יְלָה

כִּ֥י

עַל־כָּל־כָּב֖וֹד

חֻפָּֽה׃

Is. 4:6

וְסֻכָּ֛ה

תִּהְיֶ֥ה

לְצֵל־יוֹמָ֖ם

מֵחֹ֑רֶב

וּלְמַחְסֶה֙

וּלְמִסְתּ֔וֹר

מִזֶּ֖רֶם

וּמִמָּטָֽר׃

פ

Is. 5:1

אָשִׁ֤ירָה

נָּא֙

לִֽידִידִ֔י

שִׁירַ֥ת

דּוֹדִ֖י

לְכַרְמ֑וֹ

כֶּ֛רֶם

הָיָ֥ה

לִֽידִידִ֖י

בְּקֶ֥רֶן

בֶּן־שָֽׁמֶן׃

Is. 5:2

וַֽיְעַזְּקֵ֣הוּ

וַֽיְסַקְּלֵ֗הוּ

וַיִּטָּעֵ֙הוּ֙

שֹׂרֵ֔ק

וַיִּ֤בֶן

מִגְדָּל֙

בְּתוֹכ֔וֹ

וְגַם־יֶ֖קֶב

חָצֵ֣ב

בּ֑וֹ

וַיְקַ֛ו

לַעֲשׂ֥וֹת

עֲנָבִ֖ים

וַיַּ֥עַשׂ

בְּאֻשִֽׁים׃

Is. 5:3

וְעַתָּ֛ה

יוֹשֵׁ֥ב

יְרוּשָׁלִַ֖ם

וְאִ֣ישׁ

יְהוּדָ֑ה

שִׁפְטוּ־נָ֕א

בֵּינִ֖י

וּבֵ֥ין

כַּרְמִֽי׃

Is. 5:4

מַה־לַּעֲשׂ֥וֹת

עוֹד֙

לְכַרְמִ֔י

וְלֹ֥א

עָשִׂ֖יתִי

בּ֑וֹ

מַדּ֧וּעַ

קִוֵּ֛יתִי

לַעֲשׂ֥וֹת

עֲנָבִ֖ים

וַיַּ֥עַשׂ

בְּאֻשִֽׁים׃

Is. 5:5

וְעַתָּה֙

אוֹדִֽיעָה־נָּ֣א

אֶתְכֶ֔ם

אֵ֛ת

אֲשֶׁר־אֲנִ֥י

עֹשֶׂ֖ה

לְכַרְמִ֑י

הָסֵ֤ר

מְשׂוּכָּתוֹ֙

וְהָיָ֣ה

לְבָעֵ֔ר

פָּרֹ֥ץ

גְּדֵר֖וֹ

וְהָיָ֥ה

לְמִרְמָֽס׃

Is. 5:6

וַאֲשִׁיתֵ֣הוּ

בָתָ֗ה

לֹ֤א

יִזָּמֵר֙

וְלֹ֣א

יֵעָדֵ֔ר

וְעָלָ֥ה

שָׁמִ֖יר

וָשָׁ֑יִת

וְעַ֤ל

הֶעָבִים֙

אֲצַוֶּ֔ה

מֵהַמְטִ֥יר

עָלָ֖יו

מָטָֽר׃

Is. 5:7

כִּ֣י

כֶ֜רֶם

יְהוָ֤ה

צְבָאוֹת֙

בֵּ֣ית

יִשְׂרָאֵ֔ל

וְאִ֣ישׁ

יְהוּדָ֔ה

נְטַ֖ע

שַׁעֲשׁוּעָ֑יו

וַיְקַ֤ו

לְמִשְׁפָּט֙

וְהִנֵּ֣ה

מִשְׂפָּ֔ח

לִצְדָקָ֖ה

וְהִנֵּ֥ה

צְעָקָֽה׃

ס

Is. 5:8

ה֗וֹי

מַגִּיעֵ֥י

בַ֙יִת֙

בְּבַ֔יִת

שָׂדֶ֥ה

בְשָׂדֶ֖ה

יַקְרִ֑יבוּ

עַ֚ד

אֶ֣פֶס

מָק֔וֹם

וְהֽוּשַׁבְתֶּ֥ם

לְבַדְּכֶ֖ם

בְּקֶ֥רֶב

הָאָֽרֶץ׃

Is. 5:9

בְּאָזְנָ֖י

יְהוָ֣ה

צְבָא֑וֹת

אִם־לֹ֞א

בָּתִּ֤ים

רַבִּים֙

לְשַׁמָּ֣ה

יִֽהְי֔וּ

גְּדֹלִ֥ים

וְטוֹבִ֖ים

מֵאֵ֥ין

יוֹשֵֽׁב׃

Is. 5:10

כִּ֗י

עֲשֶׂ֙רֶת֙

צִמְדֵּי־כֶ֔רֶם

יַעֲשׂ֖וּ

בַּ֣ת

אֶחָ֑ת

וְזֶ֥רַע

חֹ֖מֶר

יַעֲשֶׂ֥ה

אֵיפָֽה׃

פ

Is. 5:11

ה֛וֹי

מַשְׁכִּימֵ֥י

בַבֹּ֖קֶר

שֵׁכָ֣ר

יִרְדֹּ֑פוּ

מְאַחֲרֵ֣י

בַנֶּ֔שֶׁף

יַ֖יִן

יַדְלִיקֵֽם׃

Is. 5:12

וְהָיָ֨ה

כִנּ֜וֹר

וָנֶ֗בֶל

תֹּ֧ף

וְחָלִ֛יל

וָיַ֖יִן

מִשְׁתֵּיהֶ֑ם

וְאֵ֨ת

פֹּ֤עַל

יְהוָה֙

לֹ֣א

יַבִּ֔יטוּ

וּמַעֲשֵׂ֥ה

יָדָ֖יו

לֹ֥א

רָאֽוּ׃

Is. 5:13

לָכֵ֛ן

גָּלָ֥ה

עַמִּ֖י

מִבְּלִי־דָ֑עַת

וּכְבוֹדוֹ֙

מְתֵ֣י

רָעָ֔ב

וַהֲמוֹנ֖וֹ

צִחֵ֥ה

צָמָֽא׃

Is. 5:14

לָכֵ֗ן

הִרְחִ֤יבָה

שְּׁאוֹל֙

נַפְשָׁ֔הּ

וּפָעֲרָ֥ה

פִ֖יהָ

לִבְלִי־חֹ֑ק

וְיָרַ֨ד

הֲדָרָ֧הּ

וַהֲמוֹנָ֛הּ

וּשְׁאוֹנָ֖הּ

וְעָלֵ֥ז

בָּֽהּ׃

Is. 5:15

וַיִּשַּׁ֥ח

אָדָ֖ם

וַיִּשְׁפַּל־אִ֑ישׁ

וְעֵינֵ֥י

גְבֹהִ֖ים

תִּשְׁפַּֽלְנָה׃

Is. 5:16

וַיִּגְבַּ֛ה

יְהוָ֥ה

צְבָא֖וֹת

בַּמִּשְׁפָּ֑ט

וְהָאֵל֙

הַקָּד֔וֹשׁ

נִקְדָּ֖שׁ

בִּצְדָקָֽה׃

Is. 5:17

וְרָע֥וּ

כְבָשִׂ֖ים

כְּדָבְרָ֑ם

וְחָרְב֥וֹת

מֵחִ֖ים

גָּרִ֥ים

יֹאכֵֽלוּ׃

Is. 5:18

ה֛וֹי

מֹשְׁכֵ֥י

הֶֽעָוֹ֖ן

בְּחַבְלֵ֣י

הַשָּׁ֑וְא

וְכַעֲב֥וֹת

הָעֲגָלָ֖ה

חַטָּאָֽה׃

Is. 5:19

הָאֹמְרִ֗ים

יְמַהֵ֧ר׀

יָחִ֛ישָׁה

מַעֲשֵׂ֖הוּ

לְמַ֣עַן

נִרְאֶ֑ה

וְתִקְרַ֣ב

וְתָב֗וֹאָה

עֲצַ֛ת

קְד֥וֹשׁ

יִשְׂרָאֵ֖ל

וְנֵדָֽעָה׃

ס

Is. 5:20

ה֣וֹי

הָאֹמְרִ֥ים

לָרַ֛ע

ט֖וֹב

וְלַטּ֣וֹב

רָ֑ע

שָׂמִ֨ים

חֹ֤שֶׁךְ

לְאוֹר֙

וְא֣וֹר

לְחֹ֔שֶׁךְ

שָׂמִ֥ים

מַ֛ר

לְמָת֖וֹק

וּמָת֥וֹק

לְמָֽר׃

ס

Is. 5:21

ה֖וֹי

חֲכָמִ֣ים

בְּעֵֽינֵיהֶ֑ם

וְנֶ֥גֶד

פְּנֵיהֶ֖ם

נְבֹנִֽים׃

Is. 5:22

ה֕וֹי

גִּבּוֹרִ֖ים

לִשְׁתּ֣וֹת

יָ֑יִן

וְאַנְשֵׁי־חַ֖יִל

לִמְסֹ֥ךְ

שֵׁכָֽר׃

Is. 5:23

מַצְדִּיקֵ֥י

רָשָׁ֖ע

עֵ֣קֶב

שֹׁ֑חַד

וְצִדְקַ֥ת

צַדִּיקִ֖ים

יָסִ֥ירוּ

מִמֶּֽנּוּ׃

ס

Is. 5:24

לָכֵן֩

כֶּאֱכֹ֨ל

קַ֜שׁ

לְשׁ֣וֹן

אֵ֗שׁ

וַחֲשַׁ֤שׁ

לֶֽהָבָה֙

יִרְפֶּ֔ה

שָׁרְשָׁם֙

כַּמָּ֣ק

יִֽהְיֶ֔ה

וּפִרְחָ֖ם

כָּאָבָ֣ק

יַעֲלֶ֑ה

כִּ֣י

מָאֲס֗וּ

אֵ֚ת

תּוֹרַת֙

יְהוָ֣ה

צְבָא֔וֹת

וְאֵ֛ת

אִמְרַ֥ת

קְדֽוֹשׁ־יִשְׂרָאֵ֖ל

נִאֵֽצוּ׃

Is. 5:25

עַל־כֵּ֡ן

חָרָה֩

אַף־יְהוָ֨ה

בְּעַמּ֜וֹ

וַיֵּ֣ט

יָד֧וֹ

עָלָ֣יו

וַיַּכֵּ֗הוּ

וַֽיִּרְגְּזוּ֙

הֶֽהָרִ֔ים

וַתְּהִ֧י

נִבְלָתָ֛ם

כַּסּוּחָ֖ה

בְּקֶ֣רֶב

חוּצ֑וֹת

בְּכָל־זֹאת֙

לֹא־שָׁ֣ב

אַפּ֔וֹ

וְע֖וֹד

יָד֥וֹ

נְטוּיָֽה׃

Is. 5:26

וְנָֽשָׂא־נֵ֤ס

לַגּוֹיִם֙

מֵרָח֔וֹק

וְשָׁ֥רַק

ל֖וֹ

מִקְצֵ֣ה

הָאָ֑רֶץ

וְהִנֵּ֥ה

מְהֵרָ֖ה

קַ֥ל

יָבֽוֹא׃

Is. 5:27

אֵין־עָיֵ֤ף

וְאֵין־כּוֹשֵׁל֙

בּ֔וֹ

לֹ֥א

יָנ֖וּם

וְלֹ֣א

יִישָׁ֑ן

וְלֹ֤א

נִפְתַּח֙

אֵז֣וֹר

חֲלָצָ֔יו

וְלֹ֥א

נִתַּ֖ק

שְׂר֥וֹךְ

נְעָלָֽיו׃

Is. 5:28

אֲשֶׁ֤ר

חִצָּיו֙

שְׁנוּנִ֔ים

וְכָל־קַשְּׁתֹתָ֖יו

דְּרֻכ֑וֹת

פַּרְס֤וֹת

סוּסָיו֙

כַּצַּ֣ר

נֶחְשָׁ֔בוּ

וְגַלְגִּלָּ֖יו

כַּסּוּפָֽה׃

Is. 5:29

שְׁאָגָ֥ה

ל֖וֹ

כַּלָּבִ֑יא

וְשָׁאַג

[יִשְׁאַ֨ג]

כַּכְּפִירִ֤ים

וְיִנְהֹם֙

וְיֹאחֵ֣ז

טֶ֔רֶף

וְיַפְלִ֖יט

וְאֵ֥ין

מַצִּֽיל׃

Is. 5:30

וְיִנְהֹ֥ם

עָלָ֛יו

בַּיּ֥וֹם

הַה֖וּא

כְּנַהֲמַת־יָ֑ם

וְנִבַּ֤ט

לָאָ֙רֶץ֙

וְהִנֵּה־חֹ֔שֶׁךְ

צַ֣ר

וָא֔וֹר

חָשַׁ֖ךְ

בַּעֲרִיפֶֽיהָ׃

פ

Is. 6:1

בִּשְׁנַת־מוֹת֙

הַמֶּ֣לֶךְ

עֻזִּיָּ֔הוּ

וָאֶרְאֶ֧ה

אֶת־אֲדֹנָ֛י

יֹשֵׁ֥ב

עַל־כִּסֵּ֖א

רָ֣ם

וְנִשָּׂ֑א

וְשׁוּלָ֖יו

מְלֵאִ֥ים

אֶת־הַהֵיכָֽל׃

Is. 6:2

שְׂרָפִ֨ים

עֹמְדִ֤ים׀

מִמַּ֙עַל֙

ל֔וֹ

שֵׁ֧שׁ

כְּנָפַ֛יִם

שֵׁ֥שׁ

כְּנָפַ֖יִם

לְאֶחָ֑ד

בִּשְׁתַּ֣יִם׀

יְכַסֶּ֣ה

פָנָ֗יו

וּבִשְׁתַּ֛יִם

יְכַסֶּ֥ה

רַגְלָ֖יו

וּבִשְׁתַּ֥יִם

יְעוֹפֵֽף׃

Is. 6:3

וְקָרָ֨א

זֶ֤ה

אֶל־זֶה֙

וְאָמַ֔ר

קָד֧וֹשׁ׀

קָד֛וֹשׁ

קָד֖וֹשׁ

יְהוָ֣ה

צְבָא֑וֹת

מְלֹ֥א

כָל־הָאָ֖רֶץ

כְּבוֹדֽוֹ׃

Is. 6:4

וַיָּנֻ֙עוּ֙

אַמּ֣וֹת

הַסִּפִּ֔ים

מִקּ֖וֹל

הַקּוֹרֵ֑א

וְהַבַּ֖יִת

יִמָּלֵ֥א

עָשָֽׁן׃

Is. 6:5

וָאֹמַ֞ר

אֽוֹי־לִ֣י

כִֽי־נִדְמֵ֗יתִי

כִּ֣י

אִ֤ישׁ

טְמֵֽא־שְׂפָתַ֙יִם֙

אָנֹ֔כִי

וּבְתוֹךְ֙

עַם־טְמֵ֣א

שְׂפָתַ֔יִם

אָנֹכִ֖י

יוֹשֵׁ֑ב

כִּ֗י

אֶת־הַמֶּ֛לֶךְ

יְהוָ֥ה

צְבָא֖וֹת

רָא֥וּ

עֵינָֽי׃

Is. 6:6

וַיָּ֣עָף

אֵלַ֗י

אֶחָד֙

מִן־הַשְּׂרָפִ֔ים

וּבְיָד֖וֹ

רִצְפָּ֑ה

בְּמֶ֨לְקַחַ֔יִם

לָקַ֖ח

מֵעַ֥ל

הַמִּזְבֵּֽחַ׃

Is. 6:7

וַיַּגַּ֣ע

עַל־פִּ֔י

וַיֹּ֕אמֶר

הִנֵּ֛ה

נָגַ֥ע

זֶ֖ה

עַל־שְׂפָתֶ֑יךָ

וְסָ֣ר

עֲוֹנֶ֔ךָ

וְחַטָּאתְךָ֖

תְּכֻפָּֽר׃

Is. 6:8

וָאֶשְׁמַ֞ע

אֶת־ק֤וֹל

אֲדֹנָי֙

אֹמֵ֔ר

אֶת־מִ֥י

אֶשְׁלַ֖ח

וּמִ֣י

יֵֽלֶךְ־לָ֑נוּ

וָאֹמַ֖ר

הִנְנִ֥י

שְׁלָחֵֽנִי׃

Is. 6:9

וַיֹּ֕אמֶר

לֵ֥ךְ

וְאָמַרְתָּ֖

לָעָ֣ם

הַזֶּ֑ה

שִׁמְע֤וּ

שָׁמ֙וֹעַ֙

וְאַל־תָּבִ֔ינוּ

וּרְא֥וּ

רָא֖וֹ

וְאַל־תֵּדָֽעוּ׃

Is. 6:10

הַשְׁמֵן֙

לֵב־הָעָ֣ם

הַזֶּ֔ה

וְאָזְנָ֥יו

הַכְבֵּ֖ד

וְעֵינָ֣יו

הָשַׁ֑ע

פֶּן־יִרְאֶ֨ה

בְעֵינָ֜יו

וּבְאָזְנָ֣יו

יִשְׁמָ֗ע

וּלְבָב֥וֹ

יָבִ֛ין

וָשָׁ֖ב

וְרָ֥פָא

לֽוֹ׃

Is. 6:11

וָאֹמַ֕ר

עַד־מָתַ֖י

אֲדֹנָ֑י

וַיֹּ֡אמֶר

עַ֣ד

אֲשֶׁר֩

אִם־שָׁא֨וּ

עָרִ֜ים

מֵאֵ֣ין

יוֹשֵׁ֗ב

וּבָתִּים֙

מֵאֵ֣ין

אָדָ֔ם

וְהָאֲדָמָ֖ה

תִּשָּׁאֶ֥ה

שְׁמָמָֽה׃

Is. 6:12

וְרִחַ֥ק

יְהוָ֖ה

אֶת־הָאָדָ֑ם

וְרַבָּ֥ה

הָעֲזוּבָ֖ה

בְּקֶ֥רֶב

הָאָֽרֶץ׃

Is. 6:13

וְע֥וֹד

בָּהּ֙

עֲשִׂ֣רִיָּ֔ה

וְשָׁ֖בָה

וְהָיְתָ֣ה

לְבָעֵ֑ר

כָּאֵלָ֣ה

וְכָאַלּ֗וֹן

אֲשֶׁ֤ר

בְּשַׁלֶּ֙כֶת֙

מַצֶּ֣בֶת

בָּ֔ם

זֶ֥רַע

קֹ֖דֶשׁ

מַצַּבְתָּֽהּ׃

פ

Is. 7:1

וַיְהִ֡י

בִּימֵ֣י

אָ֠חָז

בֶּן־יוֹתָ֨ם

בֶּן־עֻזִּיָּ֜הוּ

מֶ֣לֶךְ

יְהוּדָ֗ה

עָלָ֣ה

רְצִ֣ין

מֶֽלֶךְ־אֲ֠רָם

וּפֶ֨קַח

בֶּן־רְמַלְיָ֤הוּ

מֶֽלֶךְ־יִשְׂרָאֵל֙

יְר֣וּשָׁלִַ֔ם

לַמִּלְחָמָ֖ה

עָלֶ֑יהָ

וְלֹ֥א

יָכֹ֖ל

לְהִלָּחֵ֥ם

עָלֶֽיהָ׃

Is. 7:2

וַיֻּגַּ֗ד

לְבֵ֤ית

דָּוִד֙

לֵאמֹ֔ר

נָ֥חָֽה

אֲרָ֖ם

עַל־אֶפְרָ֑יִם

וַיָּ֤נַע

לְבָבוֹ֙

וּלְבַ֣ב

עַמּ֔וֹ

כְּנ֥וֹעַ

עֲצֵי־יַ֖עַר

מִפְּנֵי־רֽוּחַ׃

Is. 7:3

וַיֹּ֣אמֶר

יְהוָה֮

אֶֽל־יְשַׁעְיָהוּ֒

צֵא־נָא֙

לִקְרַ֣את

אָחָ֔ז

אַתָּ֕ה

וּשְׁאָ֖ר

יָשׁ֣וּב

בְּנֶ֑ךָ

אֶל־קְצֵ֗ה

תְּעָלַת֙

הַבְּרֵכָ֣ה

הָעֶלְיוֹנָ֔ה

אֶל־מְסִלַּ֖ת

שְׂדֵ֥ה

כוֹבֵֽס׃

Is. 7:4

וְאָמַרְתָּ֣

אֵ֠לָיו

הִשָּׁמֵ֨ר

וְהַשְׁקֵ֜ט

אַל־תִּירָ֗א

וּלְבָבְךָ֙

אַל־יֵרַ֔ךְ

מִשְּׁנֵ֨י

זַנְב֧וֹת

הָאוּדִ֛ים

הָעֲשֵׁנִ֖ים

הָאֵ֑לֶּה

בָּחֳרִי־אַ֛ף

רְצִ֥ין

וַאֲרָ֖ם

וּבֶן־רְמַלְיָֽהוּ׃

Is. 7:5

יַ֗עַן

כִּֽי־יָעַ֥ץ

עָלֶ֛יךָ

אֲרָ֖ם

רָעָ֑ה

אֶפְרַ֥יִם

וּבֶן־רְמַלְיָ֖הוּ

לֵאמֹֽר׃

Is. 7:6

נַעֲלֶ֤ה

בִֽיהוּדָה֙

וּנְקִיצֶ֔נָּה

וְנַבְקִעֶ֖נָּה

אֵלֵ֑ינוּ

וְנַמְלִ֥יךְ

מֶ֙לֶךְ֙

בְּתוֹכָ֔הּ

אֵ֖ת

בֶּן־טָֽבְאַֽל׃

ס

Is. 7:7

כֹּ֥ה

אָמַ֖ר

אֲדֹנָ֣י

יְהוִ֑ה

לֹ֥א

תָק֖וּם

וְלֹ֥א

תִֽהְיֶֽה׃

Is. 7:8

כִּ֣י

רֹ֤אשׁ

אֲרָם֙

דַּמֶּ֔שֶׂק

וְרֹ֥אשׁ

דַּמֶּ֖שֶׂק

רְצִ֑ין

וּבְע֗וֹד

שִׁשִּׁ֤ים

וְחָמֵשׁ֙

שָׁנָ֔ה

יֵחַ֥ת

אֶפְרַ֖יִם

מֵעָֽם׃

Is. 7:9

וְרֹ֤אשׁ

אֶפְרַ֙יִם֙

שֹׁמְר֔וֹן

וְרֹ֥אשׁ

שֹׁמְר֖וֹן

בֶּן־רְמַלְיָ֑הוּ

אִ֚ם

לֹ֣א

תַאֲמִ֔ינוּ

כִּ֖י

לֹ֥א

תֵאָמֵֽנוּ׃

ס

Is. 7:10

וַיּ֣וֹסֶף

יְהוָ֔ה

דַּבֵּ֥ר

אֶל־אָחָ֖ז

לֵאמֹֽר׃

Is. 7:11

שְׁאַל־לְךָ֣

א֔וֹת

מֵעִ֖ם

יְהוָ֣ה

אֱלֹהֶ֑יךָ

הַעְמֵ֣ק

שְׁאָ֔לָה

א֖וֹ

הַגְבֵּ֥הַּ

לְמָֽעְלָה׃

Is. 7:12

וַיֹּ֖אמֶר

אָחָ֑ז

לֹא־אֶשְׁאַ֥ל

וְלֹֽא־אֲנַסֶּ֖ה

אֶת־יְהוָֽה׃

Is. 7:13

וַיֹּ֕אמֶר

שִׁמְעוּ־נָ֖א

בֵּ֣ית

דָּוִ֑ד

הַמְעַ֤ט

מִכֶּם֙

הַלְא֣וֹת

אֲנָשִׁ֔ים

כִּ֥י

תַלְא֖וּ

גַּ֥ם

אֶת־אֱלֹהָֽי׃

Is. 7:14

לָ֠כֵן

יִתֵּ֨ן

אֲדֹנָ֥י

ה֛וּא

לָכֶ֖ם

א֑וֹת

הִנֵּ֣ה

הָעַלְמָ֗ה

הָרָה֙

וְיֹלֶ֣דֶת

בֵּ֔ן

וְקָרָ֥את

שְׁמ֖וֹ

עִמָּ֥נוּ

אֵֽל׃

Is. 7:15

חֶמְאָ֥ה

וּדְבַ֖שׁ

יֹאכֵ֑ל

לְדַעְתּ֛וֹ

מָא֥וֹס

בָּרָ֖ע

וּבָח֥וֹר

בַּטּֽוֹב׃

Is. 7:16

כִּ֠י

בְּטֶ֨רֶם

יֵדַ֥ע

הַנַּ֛עַר

מָאֹ֥ס

בָּרָ֖ע

וּבָחֹ֣ר

בַּטּ֑וֹב

תֵּעָזֵ֤ב

הָאֲדָמָה֙

אֲשֶׁ֣ר

אַתָּ֣ה

קָ֔ץ

מִפְּנֵ֖י

שְׁנֵ֥י

מְלָכֶֽיהָ׃

Is. 7:17

יָבִ֨יא

יְהוָ֜ה

עָלֶ֗יךָ

וְעַֽל־עַמְּךָ֮

וְעַל־בֵּ֣ית

אָבִיךָ֒

יָמִים֙

אֲשֶׁ֣ר

לֹא־בָ֔אוּ

לְמִיּ֥וֹם

סוּר־אֶפְרַ֖יִם

מֵעַ֣ל

יְהוּדָ֑ה

אֵ֖ת

מֶ֥לֶךְ

אַשּֽׁוּר׃

פ

Is. 7:18

וְהָיָ֣ה׀

בַּיּ֣וֹם

הַה֗וּא

יִשְׁרֹ֤ק

יְהוָה֙

לַזְּב֔וּב

אֲשֶׁ֥ר

בִּקְצֵ֖ה

יְאֹרֵ֣י

מִצְרָ֑יִם

וְלַ֨דְּבוֹרָ֔ה

אֲשֶׁ֖ר

בְּאֶ֥רֶץ

אַשּֽׁוּר׃

Is. 7:19

וּבָ֨אוּ

וְנָח֤וּ

כֻלָּם֙

בְּנַחֲלֵ֣י

הַבַּתּ֔וֹת

וּבִנְקִיקֵ֖י

הַסְּלָעִ֑ים

וּבְכֹל֙

הַנַּ֣עֲצוּצִ֔ים

וּבְכֹ֖ל

הַנַּהֲלֹלִֽים׃

Is. 7:20

בַּיּ֣וֹם

הַה֡וּא

יְגַלַּ֣ח

אֲדֹנָי֩

בְּתַ֨עַר

הַשְּׂכִירָ֜ה

בְּעֶבְרֵ֤י

נָהָר֙

בְּמֶ֣לֶךְ

אַשּׁ֔וּר

אֶת־הָרֹ֖אשׁ

וְשַׂ֣עַר

הָרַגְלָ֑יִם

וְגַ֥ם

אֶת־הַזָּקָ֖ן

תִּסְפֶּֽה׃

ס

Is. 7:21

וְהָיָ֖ה

בַּיּ֣וֹם

הַה֑וּא

יְחַיֶּה־אִ֛ישׁ

עֶגְלַ֥ת

בָּקָ֖ר

וּשְׁתֵּי־צֹֽאן׃

Is. 7:22

וְהָיָ֗ה

מֵרֹ֛ב

עֲשׂ֥וֹת

חָלָ֖ב

יֹאכַ֣ל

חֶמְאָ֑ה

כִּֽי־חֶמְאָ֤ה

וּדְבַשׁ֙

יֹאכֵ֔ל

כָּל־הַנּוֹתָ֖ר

בְּקֶ֥רֶב

הָאָֽרֶץ׃

Is. 7:23

וְהָיָה֙

בַּיּ֣וֹם

הַה֔וּא

יִֽהְיֶ֣ה

כָל־מָק֗וֹם

אֲשֶׁ֧ר

יִֽהְיֶה־שָּׁ֛ם

אֶ֥לֶף

גֶּ֖פֶן

בְּאֶ֣לֶף

כָּ֑סֶף

לַשָּׁמִ֥יר

וְלַשַּׁ֖יִת

יִֽהְיֶֽה׃

Is. 7:24

בַּחִצִּ֥ים

וּבַקֶּ֖שֶׁת

יָ֣בוֹא

שָׁ֑מָּה

כִּי־שָׁמִ֥יר

וָשַׁ֖יִת

תִּֽהְיֶ֥ה

כָל־הָאָֽרֶץ׃

Is. 7:25

וְכֹ֣ל

הֶהָרִ֗ים

אֲשֶׁ֤ר

בַּמַּעְדֵּר֙

יֵעָ֣דֵר֔וּן

לֹֽא־תָב֣וֹא

שָׁ֔מָּה

יִרְאַ֖ת

שָׁמִ֣יר

וָשָׁ֑יִת

וְהָיָה֙

לְמִשְׁלַ֣ח

שׁ֔וֹר

וּלְמִרְמַ֖ס

שֶֽׂה׃

פ

Is. 8:1

וַיֹּ֤אמֶר

יְהוָה֙

אֵלַ֔י

קַח־לְךָ֖

גִּלָּי֣וֹן

גָּד֑וֹל

וּכְתֹ֤ב

עָלָיו֙

בְּחֶ֣רֶט

אֱנ֔וֹשׁ

לְמַהֵ֥ר

שָׁלָ֖ל

חָ֥שׁ

בַּֽז׃

Is. 8:2

וְאָעִ֣ידָה

לִּ֔י

עֵדִ֖ים

נֶאֱמָנִ֑ים

אֵ֚ת

אוּרִיָּ֣ה

הַכֹּהֵ֔ן

וְאֶת־זְכַרְיָ֖הוּ

בֶּ֥ן

יְבֶרֶכְיָֽהוּ׃

Is. 8:3

וָאֶקְרַב֙

אֶל־הַנְּבִיאָ֔ה

וַתַּ֖הַר

וַתֵּ֣לֶד

בֵּ֑ן

וַיֹּ֤אמֶר

יְהוָה֙

אֵלַ֔י

קְרָ֣א

שְׁמ֔וֹ

מַהֵ֥ר

שָׁלָ֖ל

חָ֥שׁ

בַּֽז׃

Is. 8:4

כִּ֗י

בְּטֶ֙רֶם֙

יֵדַ֣ע

הַנַּ֔עַר

קְרֹ֖א

אָבִ֣י

וְאִמִּ֑י

יִשָּׂ֣א׀

אֶת־חֵ֣יל

דַּמֶּ֗שֶׂק

וְאֵת֙

שְׁלַ֣ל

שֹׁמְר֔וֹן

לִפְנֵ֖י

מֶ֥לֶךְ

אַשּֽׁוּר׃

ס

Is. 8:5

וַיֹּ֣סֶף

יְהוָ֔ה

דַּבֵּ֥ר

אֵלַ֛י

ע֖וֹד

לֵאמֹֽר׃

Is. 8:6

יַ֗עַן

כִּ֤י

מָאַס֙

הָעָ֣ם

הַזֶּ֔ה

אֵ֚ת

מֵ֣י

הַשִּׁלֹ֔חַ

הַהֹלְכִ֖ים

לְאַ֑ט

וּמְשׂ֥וֹשׂ

אֶת־רְצִ֖ין

וּבֶן־רְמַלְיָֽהוּ׃

Is. 8:7

וְלָכֵ֡ן

הִנֵּ֣ה

אֲדֹנָי֩

מַעֲלֶ֨ה

עֲלֵיהֶ֜ם

אֶת־מֵ֣י

הַנָּהָ֗ר

הָעֲצוּמִים֙

וְהָ֣רַבִּ֔ים

אֶת־מֶ֥לֶךְ

אַשּׁ֖וּר

וְאֶת־כָּל־כְּבוֹד֑וֹ

וְעָלָה֙

עַל־כָּל־אֲפִיקָ֔יו

וְהָלַ֖ךְ

עַל־כָּל־גְּדוֹתָֽיו׃

Is. 8:8

וְחָלַ֤ף

בִּֽיהוּדָה֙

שָׁטַ֣ף

וְעָבַ֔ר

עַד־צַוָּ֖אר

יַגִּ֑יעַ

וְהָיָה֙

מֻטּ֣וֹת

כְּנָפָ֔יו

מְלֹ֥א

רֹֽחַב־אַרְצְךָ֖

עִמָּ֥נוּ

אֵֽל׃

ס

Is. 8:9

רֹ֤עוּ

עַמִּים֙

וָחֹ֔תּוּ

וְהַֽאֲזִ֔ינוּ

כֹּ֖ל

מֶרְחַקֵּי־אָ֑רֶץ

הִתְאַזְּר֣וּ

וָחֹ֔תּוּ

הִֽתְאַזְּר֖וּ

וָחֹֽתּוּ׃

Is. 8:10

עֻ֥צוּ

עֵצָ֖ה

וְתֻפָ֑ר

דַּבְּר֤וּ

דָבָר֙

וְלֹ֣א

יָק֔וּם

כִּ֥י

עִמָּ֖נוּ

אֵֽל׃

ס

Is. 8:11

כִּי֩

כֹ֨ה

אָמַ֧ר

יְהוָ֛ה

אֵלַ֖י

כְּחֶזְקַ֣ת

הַיָּ֑ד

וְיִסְּרֵ֕נִי

מִלֶּ֛כֶת

בְּדֶ֥רֶךְ

הָֽעָם־הַזֶּ֖ה

לֵאמֹֽר׃

Is. 8:12

לֹא־תֹאמְר֣וּן

קֶ֔שֶׁר

לְכֹ֧ל

אֲשֶׁר־יֹאמַ֛ר

הָעָ֥ם

הַזֶּ֖ה

קָ֑שֶׁר

וְאֶת־מוֹרָא֥וֹ

לֹֽא־תִֽירְא֖וּ

וְלֹ֥א

תַעֲרִֽיצוּ׃

Is. 8:13

אֶת־יְהוָ֥ה

צְבָא֖וֹת

אֹת֣וֹ

תַקְדִּ֑ישׁוּ

וְה֥וּא

מוֹרַאֲכֶ֖ם

וְה֥וּא

מַֽעֲרִֽצְכֶֽם׃

Is. 8:14

וְהָיָ֖ה

לְמִקְדָּ֑שׁ

וּלְאֶ֣בֶן

נֶ֠גֶף

וּלְצ֨וּר

מִכְשׁ֜וֹל

לִשְׁנֵ֨י

בָתֵּ֤י

יִשְׂרָאֵל֙

לְפַ֣ח

וּלְמוֹקֵ֔שׁ

לְיוֹשֵׁ֖ב

יְרוּשָׁלִָֽם׃

Is. 8:15

וְכָ֥שְׁלוּ

בָ֖ם

רַבִּ֑ים

וְנָפְל֣וּ

וְנִשְׁבָּ֔רוּ

וְנוֹקְשׁ֖וּ

וְנִלְכָּֽדוּ׃

ס

Is. 8:16

צ֖וֹר

תְּעוּדָ֑ה

חֲת֥וֹם

תּוֹרָ֖ה

בְּלִמֻּדָֽי׃

Is. 8:17

וְחִכִּ֙יתִי֙

לַיהוָ֔ה

הַמַּסְתִּ֥יר

פָּנָ֖יו

מִבֵּ֣ית

יַעֲקֹ֑ב

וְקִוֵּ֖יתִֽי־לֽוֹ׃

Is. 8:18

הִנֵּ֣ה

אָנֹכִ֗י

וְהַיְלָדִים֙

אֲשֶׁ֣ר

נָֽתַן־לִ֣י

יְהוָ֔ה

לְאֹת֥וֹת

וּלְמוֹפְתִ֖ים

בְּיִשְׂרָאֵ֑ל

מֵעִם֙

יְהוָ֣ה

צְבָא֔וֹת

הַשֹּׁכֵ֖ן

בְּהַ֥ר

צִיּֽוֹן׃

ס

Is. 8:19

וְכִֽי־יֹאמְר֣וּ

אֲלֵיכֶ֗ם

דִּרְשׁ֤וּ

אֶל־הָאֹבוֹת֙

וְאֶל־הַיִּדְּעֹנִ֔ים

הַֽמְצַפְצְפִ֖ים

וְהַמַּהְגִּ֑ים

הֲלוֹא־עַם֙

אֶל־אֱלֹהָ֣יו

יִדְרֹ֔שׁ

בְּעַ֥ד

הַחַיִּ֖ים

אֶל־הַמֵּתִֽים׃

Is. 8:20

לְתוֹרָ֖ה

וְלִתְעוּדָ֑ה

אִם־לֹ֤א

יֹֽאמְרוּ֙

כַּדָּבָ֣ר

הַזֶּ֔ה

אֲשֶׁ֥ר

אֵֽין־ל֖וֹ

שָֽׁחַר׃

Is. 8:21

וְעָ֥בַר

בָּ֖הּ

נִקְשֶׁ֣ה

וְרָעֵ֑ב

וְהָיָ֨ה

כִֽי־יִרְעַ֜ב

וְהִתְקַצַּ֗ף

וְקִלֵּ֧ל

בְּמַלְכּ֛וֹ

וּבֵאלֹהָ֖יו

וּפָנָ֥ה

לְמָֽעְלָה׃

Is. 8:22

וְאֶל־אֶ֖רֶץ

יַבִּ֑יט

וְהִנֵּ֨ה

צָרָ֤ה

וַחֲשֵׁכָה֙

מְע֣וּף

צוּקָ֔ה

וַאֲפֵלָ֖ה

מְנֻדָּֽח׃

Is. 8:23

כִּ֣י

לֹ֣א

מוּעָף֮

לַאֲשֶׁ֣ר

מוּצָ֣ק

לָהּ֒

כָּעֵ֣ת

הָרִאשׁ֗וֹן

הֵקַ֞ל

אַ֤רְצָה

זְבֻלוּן֙

וְאַ֣רְצָה

נַפְתָּלִ֔י

וְהָאַחֲר֖וֹן

הִכְבִּ֑יד

דֶּ֤רֶךְ

הַיָּם֙

עֵ֣בֶר

הַיַּרְדֵּ֔ן

גְּלִ֖יל

הַגּוֹיִֽם׃

Is. 9:1

הָעָם֙

הַהֹלְכִ֣ים

בַּחֹ֔שֶׁךְ

רָא֖וּ

א֣וֹר

גָּד֑וֹל

יֹשְׁבֵי֙

בְּאֶ֣רֶץ

צַלְמָ֔וֶת

א֖וֹר

נָגַ֥הּ

עֲלֵיהֶֽם׃

Is. 9:2

הִרְבִּ֣יתָ

הַגּ֔וֹי

לֹא

[ל֖וֹ]

הִגְדַּ֣לְתָּ

הַשִּׂמְחָ֑ה

שָׂמְח֤וּ

לְפָנֶ֙יךָ֙

כְּשִׂמְחַ֣ת

בַּקָּצִ֔יר

כַּאֲשֶׁ֥ר

יָגִ֖ילוּ

בְּחַלְּקָ֥ם

שָׁלָֽל׃

Is. 9:3

כִּ֣י׀

אֶת־עֹ֣ל

סֻבֳּל֗וֹ

וְאֵת֙

מַטֵּ֣ה

שִׁכְמ֔וֹ

שֵׁ֖בֶט

הַנֹּגֵ֣שׂ

בּ֑וֹ

הַחִתֹּ֖תָ

כְּי֥וֹם

מִדְיָֽן׃

Is. 9:4

כִּ֤י

כָל־סְאוֹן֙

סֹאֵ֣ן

בְּרַ֔עַשׁ

וְשִׂמְלָ֖ה

מְגוֹלָלָ֣ה

בְדָמִ֑ים

וְהָיְתָ֥ה

לִשְׂרֵפָ֖ה

מַאֲכֹ֥לֶת

אֵֽשׁ׃

Is. 9:5

כִּי־יֶ֣לֶד

יֻלַּד־לָ֗נוּ

בֵּ֚ן

נִתַּן־לָ֔נוּ

וַתְּהִ֥י

הַמִּשְׂרָ֖ה

עַל־שִׁכְמ֑וֹ

וַיִּקְרָ֨א

שְׁמ֜וֹ

פֶּ֠לֶא

יוֹעֵץ֙

אֵ֣ל

גִּבּ֔וֹר

אֲבִיעַ֖ד

שַׂר־שָׁלֽוֹם׃

Is. 9:6

לְמַרְבֵּה

[לְ][מַרְבֵּ֨ה]

הַמִּשְׂרָ֜ה

וּלְשָׁל֣וֹם

אֵֽין־קֵ֗ץ

עַל־כִּסֵּ֤א

דָוִד֙

וְעַל־מַמְלַכְתּ֔וֹ

לְהָכִ֤ין

אֹתָהּ֙

וּֽלְסַעֲדָ֔הּ

בְּמִשְׁפָּ֖ט

וּבִצְדָקָ֑ה

מֵעַתָּה֙

וְעַד־עוֹלָ֔ם

קִנְאַ֛ת

יְהוָ֥ה

צְבָא֖וֹת

תַּעֲשֶׂה־זֹּֽאת׃

ס

Is. 9:7

דָּבָ֛ר

שָׁלַ֥ח

אֲדֹנָ֖י

בְּיַעֲקֹ֑ב

וְנָפַ֖ל

בְּיִשְׂרָאֵֽל׃

Is. 9:8

וְיָדְעוּ֙

הָעָ֣ם

כֻּלּ֔וֹ

אֶפְרַ֖יִם

וְיוֹשֵׁ֣ב

שֹׁמְר֑וֹן

בְּגַאֲוָ֛ה

וּבְגֹ֥דֶל

לֵבָ֖ב

לֵאמֹֽר׃

Is. 9:9

לְבֵנִ֥ים

נָפָ֖לוּ

וְגָזִ֣ית

נִבְנֶ֑ה

שִׁקְמִ֣ים

גֻּדָּ֔עוּ

וַאֲרָזִ֖ים

נַחֲלִֽיף׃

Is. 9:10

וַיְשַׂגֵּ֧ב

יְהוָ֛ה

אֶת־צָרֵ֥י

רְצִ֖ין

עָלָ֑יו

וְאֶת־אֹיְבָ֖יו

יְסַכְסֵֽךְ׃

Is. 9:11

אֲרָ֣ם

מִקֶּ֗דֶם

וּפְלִשְׁתִּים֙

מֵֽאָח֔וֹר

וַיֹּאכְל֥וּ

אֶת־יִשְׂרָאֵ֖ל

בְּכָל־פֶּ֑ה

בְּכָל־זֹאת֙

לֹא־שָׁ֣ב

אַפּ֔וֹ

וְע֖וֹד

יָד֥וֹ

נְטוּיָֽה׃

Is. 9:12

וְהָעָ֥ם

לֹא־שָׁ֖ב

עַד־הַמַּכֵּ֑הוּ

וְאֶת־יְהוָ֥ה

צְבָא֖וֹת

לֹ֥א

דָרָֽשׁוּ׃

ס

Is. 9:13

וַיַּכְרֵ֨ת

יְהוָ֜ה

מִיִּשְׂרָאֵ֗ל

רֹ֧אשׁ

וְזָנָ֛ב

כִּפָּ֥ה

וְאַגְמ֖וֹן

י֥וֹם

אֶחָֽד׃

Is. 9:14

זָקֵ֥ן

וּנְשׂוּא־פָנִ֖ים

ה֣וּא

הָרֹ֑אשׁ

וְנָבִ֥יא

מֽוֹרֶה־שֶּׁ֖קֶר

ה֥וּא

הַזָּנָֽב׃

Is. 9:15

וַיִּֽהְי֛וּ

מְאַשְּׁרֵ֥י

הָֽעָם־הַזֶּ֖ה

מַתְעִ֑ים

וּמְאֻשָּׁרָ֖יו

מְבֻלָּעִֽים׃

Is. 9:16

עַל־כֵּ֨ן

עַל־בַּחוּרָ֜יו

לֹֽא־יִשְׂמַ֣ח׀

אֲדֹנָ֗י

וְאֶת־יְתֹמָ֤יו

וְאֶת־אַלְמְנֹתָיו֙

לֹ֣א

יְרַחֵ֔ם

כִּ֤י

כֻלּוֹ֙

חָנֵ֣ף

וּמֵרַ֔ע

וְכָל־פֶּ֖ה

דֹּבֵ֣ר

נְבָלָ֑ה

בְּכָל־זֹאת֙

לֹא־שָׁ֣ב

אַפּ֔וֹ

וְע֖וֹד

יָד֥וֹ

נְטוּיָֽה׃

Is. 9:17

כִּֽי־בָעֲרָ֤ה

כָאֵשׁ֙

רִשְׁעָ֔ה

שָׁמִ֥יר

וָשַׁ֖יִת

תֹּאכֵ֑ל

וַתִּצַּת֙

בְּסִֽבְכֵ֣י

הַיַּ֔עַר

וַיִּֽתְאַבְּכ֖וּ

גֵּא֥וּת

עָשָֽׁן׃

Is. 9:18

בְּעֶבְרַ֛ת

יְהוָ֥ה

צְבָא֖וֹת

נֶעְתַּ֣ם

אָ֑רֶץ

וַיְהִ֤י

הָעָם֙

כְּמַאֲכֹ֣לֶת

אֵ֔שׁ

אִ֥ישׁ

אֶל־אָחִ֖יו

לֹ֥א

יַחְמֹֽלוּ׃

Is. 9:19

וַיִּגְזֹ֤ר

עַל־יָמִין֙

וְרָעֵ֔ב

וַיֹּ֥אכַל

עַל־שְׂמֹ֖אול

וְלֹ֣א

שָׂבֵ֑עוּ

אִ֥ישׁ

בְּשַׂר־זְרֹע֖וֹ

יֹאכֵֽלוּ׃

Is. 9:20

מְנַשֶּׁ֣ה

אֶת־אֶפְרַ֗יִם

וְאֶפְרַ֙יִם֙

אֶת־מְנַשֶּׁ֔ה

יַחְדָּ֥ו

הֵ֖מָּה

עַל־יְהוּדָ֑ה

בְּכָל־זֹאת֙

לֹא־שָׁ֣ב

אַפּ֔וֹ

וְע֖וֹד

יָד֥וֹ

נְטוּיָֽה׃

ס

Is. 10:1

ה֥וֹי

הַחֹֽקְקִ֖ים

חִקְקֵי־אָ֑וֶן

וּֽמְכַתְּבִ֥ים

עָמָ֖ל

כִּתֵּֽבוּ׃

Is. 10:2

לְהַטּ֤וֹת

מִדִּין֙

דַּלִּ֔ים

וְלִגְזֹ֕ל

מִשְׁפַּ֖ט

עֲנִיֵּ֣י

עַמִּ֑י

לִהְי֤וֹת

אַלְמָנוֹת֙

שְׁלָלָ֔ם

וְאֶת־יְתוֹמִ֖ים

יָבֹֽזּוּ׃

Is. 10:3

וּמַֽה־תַּעֲשׂוּ֙

לְי֣וֹם

פְּקֻדָּ֔ה

וּלְשׁוֹאָ֖ה

מִמֶּרְחָ֣ק

תָּב֑וֹא

עַל־מִי֙

תָּנ֣וּסוּ

לְעֶזְרָ֔ה

וְאָ֥נָה

תַעַזְב֖וּ

כְּבוֹדְכֶֽם׃

Is. 10:4

בִּלְתִּ֤י

כָרַע֙

תַּ֣חַת

אַסִּ֔יר

וְתַ֥חַת

הֲרוּגִ֖ים

יִפֹּ֑לוּ

בְּכָל־זֹאת֙

לֹא־שָׁ֣ב

אַפּ֔וֹ

וְע֖וֹד

יָד֥וֹ

נְטוּיָֽה׃

ס

Is. 10:5

ה֥וֹי

אַשּׁ֖וּר

שֵׁ֣בֶט

אַפִּ֑י

וּמַטֶּה־ה֥וּא

בְיָדָ֖ם

זַעְמִֽי׃

Is. 10:6

בְּג֤וֹי

חָנֵף֙

אֲשַׁלְּחֶ֔נּוּ

וְעַל־עַ֥ם

עֶבְרָתִ֖י

אֲצַוֶּ֑נּוּ

לִשְׁלֹ֤ל

שָׁלָל֙

וְלָבֹ֣ז

בַּ֔ז

וּלְשִׂימוֹ

[וּ][לְ][שׂוּמ֥וֹ]

מִרְמָ֖ס

כְּחֹ֥מֶר

חוּצֽוֹת׃

Is. 10:7

וְהוּא֙

לֹא־כֵ֣ן

יְדַמֶּ֔ה

וּלְבָב֖וֹ

לֹא־כֵ֣ן

יַחְשֹׁ֑ב

כִּ֚י

לְהַשְׁמִ֣יד

בִּלְבָב֔וֹ

וּלְהַכְרִ֥ית

גּוֹיִ֖ם

לֹ֥א

מְעָֽט׃

Is. 10:8

כִּ֖י

יֹאמַ֑ר

הֲלֹ֥א

שָׂרַ֛י

יַחְדָּ֖ו

מְלָכִֽים׃

Is. 10:9

הֲלֹ֥א

כְּכַרְכְּמִ֖ישׁ

כַּלְנ֑וֹ

אִם־לֹ֤א

כְאַרְפַּד֙

חֲמָ֔ת

אִם־לֹ֥א

כְדַמֶּ֖שֶׂק

שֹׁמְרֽוֹן׃

Is. 10:10

כַּאֲשֶׁר֙

מָצְאָ֣ה

יָדִ֔י

לְמַמְלְכֹ֖ת

הָאֱלִ֑יל

וּפְסִ֣ילֵיהֶ֔ם

מִירֽוּשָׁלִַ֖ם

וּמִשֹּׁמְרֽוֹן׃

Is. 10:11

הֲלֹ֗א

כַּאֲשֶׁ֥ר

עָשִׂ֛יתִי

לְשֹׁמְר֖וֹן

וְלֶאֱלִילֶ֑יהָ

כֵּ֛ן

אֶעֱשֶׂ֥ה

לִירוּשָׁלִַ֖ם

וְלַעֲצַבֶּֽיהָ׃

ס

Is. 10:12

וְהָיָ֗ה

כִּֽי־יְבַצַּ֤ע

אֲדֹנָי֙

אֶת־כָּל־מַֽעֲשֵׂ֔הוּ

בְּהַ֥ר

צִיּ֖וֹן

וּבִירוּשָׁלִָ֑ם

אֶפְקֹ֗ד

עַל־פְּרִי־גֹ֨דֶל֙

לְבַ֣ב

מֶֽלֶךְ־אַשּׁ֔וּר

וְעַל־תִּפְאֶ֖רֶת

ר֥וּם

עֵינָֽיו׃

Is. 10:13

כִּ֣י

אָמַ֗ר

בְּכֹ֤חַ

יָדִי֙

עָשִׂ֔יתִי

וּבְחָכְמָתִ֖י

כִּ֣י

נְבֻנ֑וֹתִי

וְאָסִ֣יר׀

גְּבוּלֹ֣ת

עַמִּ֗ים

וַעֲתִידֹתֵיהֶם

[וַ][עֲתוּדֽוֹתֵיהֶם֙]

שׁוֹשֵׂ֔תִי

וְאוֹרִ֥יד

כַּאבִּ֖יר

יוֹשְׁבִֽים׃

Is. 10:14

וַתִּמְצָ֨א

כַקֵּ֤ן׀

יָדִי֙

לְחֵ֣יל

הָֽעַמִּ֔ים

וְכֶאֱסֹף֙

בֵּיצִ֣ים

עֲזֻב֔וֹת

כָּל־הָאָ֖רֶץ

אֲנִ֣י

אָסָ֑פְתִּי

וְלֹ֤א

הָיָה֙

נֹדֵ֣ד

כָּנָ֔ף

וּפֹצֶ֥ה

פֶ֖ה

וּמְצַפְצֵֽף׃

Is. 10:15

הֲיִתְפָּאֵר֙

הַגַּרְזֶ֔ן

עַ֖ל

הַחֹצֵ֣ב

בּ֑וֹ

אִם־יִתְגַּדֵּ֤ל

הַמַּשּׂוֹר֙

עַל־מְנִיפ֔וֹ

כְּהָנִ֥יף

שֵׁ֙בֶט֙

וְאֶת־מְרִימָ֔יו

כְּהָרִ֥ים

מַטֶּ֖ה

לֹא־עֵֽץ׃

Is. 10:16

לָ֠כֵן

יְשַׁלַּ֨ח

הָאָד֜וֹן

יְהוָ֧ה

צְבָא֛וֹת

בְּמִשְׁמַנָּ֖יו

רָז֑וֹן

וְתַ֧חַת

כְּבֹד֛וֹ

יֵקַ֥ד

יְקֹ֖ד

כִּיק֥וֹד

אֵֽשׁ׃

Is. 10:17

וְהָיָ֤ה

אֽוֹר־יִשְׂרָאֵל֙

לְאֵ֔שׁ

וּקְדוֹשׁ֖וֹ

לְלֶהָבָ֑ה

וּבָעֲרָ֗ה

וְאָֽכְלָ֛ה

שִׁית֥וֹ

וּשְׁמִיר֖וֹ

בְּי֥וֹם

אֶחָֽד׃

Is. 10:18

וּכְב֤וֹד

יַעְרוֹ֙

וְכַרְמִלּ֔וֹ

מִנֶּ֥פֶשׁ

וְעַד־בָּשָׂ֖ר

יְכַלֶּ֑ה

וְהָיָ֖ה

כִּמְסֹ֥ס

נֹסֵֽס׃

Is. 10:19

וּשְׁאָ֥ר

עֵ֛ץ

יַעְר֖וֹ

מִסְפָּ֣ר

יִֽהְי֑וּ

וְנַ֖עַר

יִכְתְּבֵֽם׃

פ

Is. 10:20

וְהָיָ֣ה׀

בַּיּ֣וֹם

הַה֗וּא

לֹֽא־יוֹסִ֨יף

ע֜וֹד

שְׁאָ֤ר

יִשְׂרָאֵל֙

וּפְלֵיטַ֣ת

בֵּֽית־יַעֲקֹ֔ב

לְהִשָּׁעֵ֖ן

עַל־מַכֵּ֑הוּ

וְנִשְׁעַ֗ן

עַל־יְהוָ֛ה

קְד֥וֹשׁ

יִשְׂרָאֵ֖ל

בֶּאֱמֶֽת׃

Is. 10:21

שְׁאָ֥ר

יָשׁ֖וּב

שְׁאָ֣ר

יַעֲקֹ֑ב

אֶל־אֵ֖ל

גִּבּֽוֹר׃

Is. 10:22

כִּ֣י

אִם־יִהְיֶ֞ה

עַמְּךָ֤

יִשְׂרָאֵל֙

כְּח֣וֹל

הַיָּ֔ם

שְׁאָ֖ר

יָשׁ֣וּב

בּ֑וֹ

כִּלָּי֥וֹן

חָר֖וּץ

שׁוֹטֵ֥ף

צְדָקָֽה׃

Is. 10:23

כִּ֥י

כָלָ֖ה

וְנֶחֱרָצָ֑ה

אֲדֹנָ֤י

יְהוִה֙

צְבָא֔וֹת

עֹשֶׂ֖ה

בְּקֶ֥רֶב

כָּל־הָאָֽרֶץ׃

ס

Is. 10:24

לָכֵ֗ן

כֹּֽה־אָמַ֞ר

אֲדֹנָ֤י

יְהוִה֙

צְבָא֔וֹת

אַל־תִּירָ֥א

עַמִּ֛י

יֹשֵׁ֥ב

צִיּ֖וֹן

מֵֽאַשּׁ֑וּר

בַּשֵּׁ֣בֶט

יַכֶּ֔כָּה

וּמַטֵּ֥הוּ

יִשָּֽׂא־עָלֶ֖יךָ

בְּדֶ֥רֶךְ

מִצְרָֽיִם׃

Is. 10:25

כִּי־ע֖וֹד

מְעַ֣ט

מִזְעָ֑ר

וְכָ֣לָה

זַ֔עַם

וְאַפִּ֖י

עַל־תַּבְלִיתָֽם׃

Is. 10:26

וְעוֹרֵ֨ר

עָלָ֜יו

יְהוָ֤ה

צְבָאוֹת֙

שׁ֔וֹט

כְּמַכַּ֥ת

מִדְיָ֖ן

בְּצ֣וּר

עוֹרֵ֑ב

וּמַטֵּ֙הוּ֙

עַל־הַיָּ֔ם

וּנְשָׂא֖וֹ

בְּדֶ֥רֶךְ

מִצְרָֽיִם׃

Is. 10:27

וְהָיָ֣ה׀

בַּיּ֣וֹם

הַה֗וּא

יָס֤וּר

סֻבֳּלוֹ֙

מֵעַ֣ל

שִׁכְמֶ֔ךָ

וְעֻלּ֖וֹ

מֵעַ֣ל

צַוָּארֶ֑ךָ

וְחֻבַּ֥ל

עֹ֖ל

מִפְּנֵי־שָֽׁמֶן׃

Is. 10:28

בָּ֥א

עַל־עַיַּ֖ת

עָבַ֣ר

בְּמִגְר֑וֹן

לְמִכְמָ֖שׂ

יַפְקִ֥יד

כֵּלָֽיו׃

Is. 10:29

עָֽבְרוּ֙

מַעְבָּרָ֔ה

גֶּ֖בַע

מָל֣וֹן

לָ֑נוּ

חָֽרְדָה֙

הָֽרָמָ֔ה

גִּבְעַ֥ת

שָׁא֖וּל

נָֽסָה׃

Is. 10:30

צַהֲלִ֥י

קוֹלֵ֖ךְ

בַּת־גַּלִּ֑ים

הַקְשִׁ֥יבִי

לַ֖יְשָׁה

עֲנִיָּ֥ה

עֲנָתֽוֹת׃

Is. 10:31

נָדְדָ֖ה

מַדְמֵנָ֑ה

יֹשְׁבֵ֥י

הַגֵּבִ֖ים

הֵעִֽיזוּ׃

Is. 10:32

ע֥וֹד

הַיּ֖וֹם

בְּנֹ֣ב

לַֽעֲמֹ֑ד

יְנֹפֵ֤ף

יָדוֹ֙

הַ֣ר

בֵּית־[בַּת]־צִיּ֔וֹן

גִּבְעַ֖ת

יְרוּשָׁלִָֽם׃

ס