-

Dt. 1:1

אֵ֣לֶּה

הַדְּבָרִ֗ים

אֲשֶׁ֨ר

דִּבֶּ֤ר

מֹשֶׁה֙

אֶל־כָּל־יִשְׂרָאֵ֔ל

בְּעֵ֖בֶר

הַיַּרְדֵּ֑ן

בַּמִּדְבָּ֡ר

בָּֽעֲרָבָה֩

מ֨וֹל

ס֜וּף

בֵּֽין־פָּארָ֧ן

וּבֵֽין־תֹּ֛פֶל

וְלָבָ֥ן

וַחֲצֵרֹ֖ת

וְדִ֥י

זָהָֽב׃

Dt. 1:2

אַחַ֨ד

עָשָׂ֥ר

יוֹם֙

מֵֽחֹרֵ֔ב

דֶּ֖רֶךְ

הַר־שֵׂעִ֑יר

עַ֖ד

קָדֵ֥שׁ

בַּרְנֵֽעַ׃

Dt. 1:3

וַיְהִי֙

בְּאַרְבָּעִ֣ים

שָׁנָ֔ה

בְּעַשְׁתֵּֽי־עָשָׂ֥ר

חֹ֖דֶשׁ

בְּאֶחָ֣ד

לַחֹ֑דֶשׁ

דִּבֶּ֤ר

מֹשֶׁה֙

אֶל־בְּנֵ֣י

יִשְׂרָאֵ֔ל

כְּ֠כֹל

אֲשֶׁ֨ר

צִוָּ֧ה

יְהוָ֛ה

אֹת֖וֹ

אֲלֵהֶֽם׃

Dt. 1:4

אַחֲרֵ֣י

הַכֹּת֗וֹ

אֵ֚ת

סִיחֹן֙

מֶ֣לֶךְ

הָֽאֱמֹרִ֔י

אֲשֶׁ֥ר

יוֹשֵׁ֖ב

בְּחֶשְׁבּ֑וֹן

וְאֵ֗ת

ע֚וֹג

מֶ֣לֶךְ

הַבָּשָׁ֔ן

אֲשֶׁר־יוֹשֵׁ֥ב

בְּעַשְׁתָּרֹ֖ת

בְּאֶדְרֶֽעִי׃

Dt. 1:5

בְּעֵ֥בֶר

הַיַּרְדֵּ֖ן

בְּאֶ֣רֶץ

מוֹאָ֑ב

הוֹאִ֣יל

מֹשֶׁ֔ה

בֵּאֵ֛ר

אֶת־הַתּוֹרָ֥ה

הַזֹּ֖את

לֵאמֹֽר׃

Dt. 1:6

יְהוָ֧ה

אֱלֹהֵ֛ינוּ

דִּבֶּ֥ר

אֵלֵ֖ינוּ

בְּחֹרֵ֣ב

לֵאמֹ֑ר

רַב־לָכֶ֥ם

שֶׁ֖בֶת

בָּהָ֥ר

הַזֶּֽה׃

Dt. 1:7

פְּנ֣וּ׀

וּסְע֣וּ

לָכֶ֗ם

וּבֹ֨אוּ

הַ֥ר

הָֽאֱמֹרִי֮

וְאֶל־כָּל־שְׁכֵנָיו֒

בָּעֲרָבָ֥ה

בָהָ֛ר

וּבַשְּׁפֵלָ֥ה

וּבַנֶּ֖גֶב

וּבְח֣וֹף

הַיָּ֑ם

אֶ֤רֶץ

הַֽכְּנַעֲנִי֙

וְהַלְּבָנ֔וֹן

עַד־הַנָּהָ֥ר

הַגָּדֹ֖ל

נְהַר־פְּרָֽת׃

Dt. 1:8

רְאֵ֛ה

נָתַ֥תִּי

לִפְנֵיכֶ֖ם

אֶת־הָאָ֑רֶץ

בֹּ֚אוּ

וּרְשׁ֣וּ

אֶת־הָאָ֔רֶץ

אֲשֶׁ֣ר

נִשְׁבַּ֣ע

יְ֠הוָה

לַאֲבֹ֨תֵיכֶ֜ם

לְאַבְרָהָ֨ם

לְיִצְחָ֤ק

וּֽלְיַעֲקֹב֙

לָתֵ֣ת

לָהֶ֔ם

וּלְזַרְעָ֖ם

אַחֲרֵיהֶֽם׃

Dt. 1:9

וָאֹמַ֣ר

אֲלֵכֶ֔ם

בָּעֵ֥ת

הַהִ֖וא

לֵאמֹ֑ר

לֹא־אוּכַ֥ל

לְבַדִּ֖י

שְׂאֵ֥ת

אֶתְכֶֽם׃

Dt. 1:10

יְהוָ֥ה

אֱלֹהֵיכֶ֖ם

הִרְבָּ֣ה

אֶתְכֶ֑ם

וְהִנְּכֶ֣ם

הַיּ֔וֹם

כְּכוֹכְבֵ֥י

הַשָּׁמַ֖יִם

לָרֹֽב׃

Dt. 1:11

יְהוָ֞ה

אֱלֹהֵ֣י

אֲבֽוֹתֵכֶ֗ם

יֹסֵ֧ף

עֲלֵיכֶ֛ם

כָּכֶ֖ם

אֶ֣לֶף

פְּעָמִ֑ים

וִיבָרֵ֣ךְ

אֶתְכֶ֔ם

כַּאֲשֶׁ֖ר

דִּבֶּ֥ר

לָכֶֽם׃

Dt. 1:12

אֵיכָ֥ה

אֶשָּׂ֖א

לְבַדִּ֑י

טָרְחֲכֶ֥ם

וּמַֽשַּׂאֲכֶ֖ם

וְרִֽיבְכֶֽם׃

Dt. 1:13

הָב֣וּ

לָ֠כֶם

אֲנָשִׁ֨ים

חֲכָמִ֧ים

וּנְבֹנִ֛ים

וִידֻעִ֖ים

לְשִׁבְטֵיכֶ֑ם

וַאֲשִׂימֵ֖ם

בְּרָאשֵׁיכֶֽם׃

Dt. 1:14

וַֽתַּעֲנ֖וּ

אֹתִ֑י

וַתֹּ֣אמְר֔וּ

טֽוֹב־הַדָּבָ֥ר

אֲשֶׁר־דִּבַּ֖רְתָּ

לַעֲשֽׂוֹת׃

Dt. 1:15

וָאֶקַּ֞ח

אֶת־רָאשֵׁ֣י

שִׁבְטֵיכֶ֗ם

אֲנָשִׁ֤ים

חֲכָמִים֙

וִֽידֻעִ֔ים

וָאֶתֵּ֥ן

אֹתָ֛ם

רָאשִׁ֖ים

עֲלֵיכֶ֑ם

שָׂרֵ֨י

אֲלָפִ֜ים

וְשָׂרֵ֣י

מֵא֗וֹת

וְשָׂרֵ֤י

חֲמִשִּׁים֙

וְשָׂרֵ֣י

עֲשָׂרֹ֔ת

וְשֹׁטְרִ֖ים

לְשִׁבְטֵיכֶֽם׃

Dt. 1:16

וָאֲצַוֶּה֙

אֶת־שֹׁ֣פְטֵיכֶ֔ם

בָּעֵ֥ת

הַהִ֖וא

לֵאמֹ֑ר

שָׁמֹ֤עַ

בֵּין־אֲחֵיכֶם֙

וּשְׁפַטְתֶּ֣ם

צֶ֔דֶק

בֵּֽין־אִ֥ישׁ

וּבֵין־אָחִ֖יו

וּבֵ֥ין

גֵּרֽוֹ׃

Dt. 1:17

לֹֽא־תַכִּ֨ירוּ

פָנִ֜ים

בַּמִּשְׁפָּ֗ט

כַּקָּטֹ֤ן

כַּגָּדֹל֙

תִּשְׁמָע֔וּן

לֹ֤א

תָג֙וּרוּ֙

מִפְּנֵי־אִ֔ישׁ

כִּ֥י

הַמִּשְׁפָּ֖ט

לֵאלֹהִ֣ים

ה֑וּא

וְהַדָּבָר֙

אֲשֶׁ֣ר

יִקְשֶׁ֣ה

מִכֶּ֔ם

תַּקְרִב֥וּן

אֵלַ֖י

וּשְׁמַעְתִּֽיו׃

Dt. 1:18

וָאֲצַוֶּ֥ה

אֶתְכֶ֖ם

בָּעֵ֣ת

הַהִ֑וא

אֵ֥ת

כָּל־הַדְּבָרִ֖ים

אֲשֶׁ֥ר

תַּעֲשֽׂוּן׃

Dt. 1:19

וַנִּסַּ֣ע

מֵחֹרֵ֗ב

וַנֵּ֡לֶךְ

אֵ֣ת

כָּל־הַמִּדְבָּ֣ר

הַגָּדוֹל֩

וְהַנּוֹרָ֨א

הַה֜וּא

אֲשֶׁ֣ר

רְאִיתֶ֗ם

דֶּ֚רֶךְ

הַ֣ר

הָֽאֱמֹרִ֔י

כַּאֲשֶׁ֥ר

צִוָּ֛ה

יְהוָ֥ה

אֱלֹהֵ֖ינוּ

אֹתָ֑נוּ

וַנָּבֹ֕א

עַ֖ד

קָדֵ֥שׁ

בַּרְנֵֽעַ׃

Dt. 1:20

וָאֹמַ֖ר

אֲלֵכֶ֑ם

בָּאתֶם֙

עַד־הַ֣ר

הָאֱמֹרִ֔י

אֲשֶׁר־יְהוָ֥ה

אֱלֹהֵ֖ינוּ

נֹתֵ֥ן

לָֽנוּ׃

Dt. 1:21

רְ֠אֵה

נָתַ֨ן

יְהוָ֧ה

אֱלֹהֶ֛יךָ

לְפָנֶ֖יךָ

אֶת־הָאָ֑רֶץ

עֲלֵ֣ה

רֵ֗שׁ

כַּאֲשֶׁר֩

דִּבֶּ֨ר

יְהוָ֜ה

אֱלֹהֵ֤י

אֲבֹתֶ֙יךָ֙

לָ֔ךְ

אַל־תִּירָ֖א

וְאַל־תֵּחָֽת׃

Dt. 1:22

וַתִּקְרְב֣וּן

אֵלַי֮

כֻּלְּכֶם֒

וַתֹּאמְר֗וּ

נִשְׁלְחָ֤ה

אֲנָשִׁים֙

לְפָנֵ֔ינוּ

וְיַחְפְּרוּ־לָ֖נוּ

אֶת־הָאָ֑רֶץ

וְיָשִׁ֤בוּ

אֹתָ֙נוּ֙

דָּבָ֔ר

אֶת־הַדֶּ֙רֶךְ֙

אֲשֶׁ֣ר

נַעֲלֶה־בָּ֔הּ

וְאֵת֙

הֶֽעָרִ֔ים

אֲשֶׁ֥ר

נָבֹ֖א

אֲלֵיהֶֽן׃

Dt. 1:23

וַיִּיטַ֥ב

בְּעֵינַ֖י

הַדָּבָ֑ר

וָאֶקַּ֤ח

מִכֶּם֙

שְׁנֵ֣ים

עָשָׂ֣ר

אֲנָשִׁ֔ים

אִ֥ישׁ

אֶחָ֖ד

לַשָּֽׁבֶט׃

Dt. 1:24

וַיִּפְנוּ֙

וַיַּעֲל֣וּ

הָהָ֔רָה

וַיָּבֹ֖אוּ

עַד־נַ֣חַל

אֶשְׁכֹּ֑ל

וַֽיְרַגְּל֖וּ

אֹתָֽהּ׃

Dt. 1:25

וַיִּקְח֤וּ

בְיָדָם֙

מִפְּרִ֣י

הָאָ֔רֶץ

וַיּוֹרִ֖דוּ

אֵלֵ֑ינוּ

וַיָּשִׁ֨בוּ

אֹתָ֤נוּ

דָבָר֙

וַיֹּ֣אמְר֔וּ

טוֹבָ֣ה

הָאָ֔רֶץ

אֲשֶׁר־יְהוָ֥ה

אֱלֹהֵ֖ינוּ

נֹתֵ֥ן

לָֽנוּ׃

Dt. 1:26

וְלֹ֥א

אֲבִיתֶ֖ם

לַעֲלֹ֑ת

וַתַּמְר֕וּ

אֶת־פִּ֥י

יְהוָ֖ה

אֱלֹהֵיכֶֽם׃

Dt. 1:27

וַתֵּרָגְנ֤וּ

בְאָהֳלֵיכֶם֙

וַתֹּ֣אמְר֔וּ

בְּשִׂנְאַ֤ת

יְהוָה֙

אֹתָ֔נוּ

הוֹצִיאָ֖נוּ

מֵאֶ֣רֶץ

מִצְרָ֑יִם

לָתֵ֥ת

אֹתָ֛נוּ

בְּיַ֥ד

הָאֱמֹרִ֖י

לְהַשְׁמִידֵֽנוּ׃

Dt. 1:28

אָנָ֣ה׀

אֲנַ֣חְנוּ

עֹלִ֗ים

אַחֵינוּ֩

הֵמַ֨סּוּ

אֶת־לְבָבֵ֜נוּ

לֵאמֹ֗ר

עַ֣ם

גָּד֤וֹל

וָרָם֙

מִמֶּ֔נּוּ

עָרִ֛ים

גְּדֹלֹ֥ת

וּבְצוּרֹ֖ת

בַּשָּׁמָ֑יִם

וְגַם־בְּנֵ֥י

עֲנָקִ֖ים

רָאִ֥ינוּ

שָֽׁם׃

Dt. 1:29

וָאֹמַ֖ר

אֲלֵכֶ֑ם

לֹא־תַֽעַרְצ֥וּן

וְֽלֹא־תִֽירְא֖וּן

מֵהֶֽם׃

Dt. 1:30

יְהוָ֤ה

אֱלֹֽהֵיכֶם֙

הַהֹלֵ֣ךְ

לִפְנֵיכֶ֔ם

ה֖וּא

יִלָּחֵ֣ם

לָכֶ֑ם

כְּ֠כֹל

אֲשֶׁ֨ר

עָשָׂ֧ה

אִתְּכֶ֛ם

בְּמִצְרַ֖יִם

לְעֵינֵיכֶֽם׃

Dt. 1:31

וּבַמִּדְבָּר֙

אֲשֶׁ֣ר

רָאִ֔יתָ

אֲשֶׁ֤ר

נְשָׂאֲךָ֙

יְהוָ֣ה

אֱלֹהֶ֔יךָ

כַּאֲשֶׁ֥ר

יִשָּׂא־אִ֖ישׁ

אֶת־בְּנ֑וֹ

בְּכָל־הַדֶּ֙רֶךְ֙

אֲשֶׁ֣ר

הֲלַכְתֶּ֔ם

עַד־בֹּאֲכֶ֖ם

עַד־הַמָּק֥וֹם

הַזֶּֽה׃

Dt. 1:32

וּבַדָּבָ֖ר

הַזֶּ֑ה

אֵֽינְכֶם֙

מַאֲמִינִ֔ם

בַּיהוָ֖ה

אֱלֹהֵיכֶֽם׃

Dt. 1:33

הַהֹלֵ֨ךְ

לִפְנֵיכֶ֜ם

בַּדֶּ֗רֶךְ

לָת֥וּר

לָכֶ֛ם

מָק֖וֹם

לַֽחֲנֹֽתְכֶ֑ם

בָּאֵ֣שׁ׀

לַ֗יְלָה

לַרְאֹֽתְכֶם֙

בַּדֶּ֙רֶךְ֙

אֲשֶׁ֣ר

תֵּֽלְכוּ־בָ֔הּ

וּבֶעָנָ֖ן

יוֹמָֽם׃

Dt. 1:34

וַיִּשְׁמַ֥ע

יְהוָ֖ה

אֶת־ק֣וֹל

דִּבְרֵיכֶ֑ם

וַיִּקְצֹ֖ף

וַיִּשָּׁבַ֥ע

לֵאמֹֽר׃

Dt. 1:35

אִם־יִרְאֶ֥ה

אִישׁ֙

בָּאֲנָשִׁ֣ים

הָאֵ֔לֶּה

הַדּ֥וֹר

הָרָ֖ע

הַזֶּ֑ה

אֵ֚ת

הָאָ֣רֶץ

הַטּוֹבָ֔ה

אֲשֶׁ֣ר

נִשְׁבַּ֔עְתִּי

לָתֵ֖ת

לַאֲבֹתֵיכֶֽם׃

Dt. 1:36

זֽוּלָתִ֞י

כָּלֵ֤ב

בֶּן־יְפֻנֶּה֙

ה֣וּא

יִרְאֶ֔נָּה

וְלֽוֹ־אֶתֵּ֧ן

אֶת־הָאָ֛רֶץ

אֲשֶׁ֥ר

דָּֽרַךְ־בָּ֖הּ

וּלְבָנָ֑יו

יַ֕עַן

אֲשֶׁ֥ר

מִלֵּ֖א

אַחֲרֵ֥י

יְהוָֽה׃

Dt. 1:37

גַּם־בִּי֙

הִתְאַנַּ֣ף

יְהוָ֔ה

בִּגְלַלְכֶ֖ם

לֵאמֹ֑ר

גַּם־אַתָּ֖ה

לֹא־תָבֹ֥א

שָֽׁם׃

Dt. 1:38

יְהוֹשֻׁ֤עַ

בִּן־נוּן֙

הָעֹמֵ֣ד

לְפָנֶ֔יךָ

ה֖וּא

יָ֣בֹא

שָׁ֑מָּה

אֹת֣וֹ

חַזֵּ֔ק

כִּי־ה֖וּא

יַנְחִלֶ֥נָּה

אֶת־יִשְׂרָאֵֽל׃

Dt. 1:39

וְטַפְּכֶם֩

אֲשֶׁ֨ר

אֲמַרְתֶּ֜ם

לָבַ֣ז

יִהְיֶ֗ה

וּ֠בְנֵיכֶם

אֲשֶׁ֨ר

לֹא־יָדְע֤וּ

הַיּוֹם֙

ט֣וֹב

וָרָ֔ע

הֵ֖מָּה

יָבֹ֣אוּ

שָׁ֑מָּה

וְלָהֶ֣ם

אֶתְּנֶ֔נָּה

וְהֵ֖ם

יִירָשֽׁוּהָ׃

Dt. 1:40

וְאַתֶּ֖ם

פְּנ֣וּ

לָכֶ֑ם

וּסְע֥וּ

הַמִּדְבָּ֖רָה

דֶּ֥רֶךְ

יַם־סֽוּף׃

Dt. 1:41

וַֽתַּעֲנ֣וּ׀

וַתֹּאמְר֣וּ

אֵלַ֗י

חָטָאנוּ֮

לַֽיהוָה֒

אֲנַ֤חְנוּ

נַעֲלֶה֙

וְנִלְחַ֔מְנוּ

כְּכֹ֥ל

אֲשֶׁר־צִוָּ֖נוּ

יְהוָ֣ה

אֱלֹהֵ֑ינוּ

וַֽתַּחְגְּר֗וּ

אִ֚ישׁ

אֶת־כְּלֵ֣י

מִלְחַמְתּ֔וֹ

וַתָּהִ֖ינוּ

לַעֲלֹ֥ת

הָהָֽרָה׃

Dt. 1:42

וַיֹּ֨אמֶר

יְהוָ֜ה

אֵלַ֗י

אֱמֹ֤ר

לָהֶם֙

לֹ֤א

תַֽעֲלוּ֙

וְלֹא־תִלָּ֣חֲמ֔וּ

כִּ֥י

אֵינֶ֖נִּי

בְּקִרְבְּכֶ֑ם

וְלֹא֙

תִּנָּֽגְפ֔וּ

לִפְנֵ֖י

אֹיְבֵיכֶֽם׃

Dt. 1:43

וָאֲדַבֵּ֥ר

אֲלֵיכֶ֖ם

וְלֹ֣א

שְׁמַעְתֶּ֑ם

וַתַּמְרוּ֙

אֶת־פִּ֣י

יְהוָ֔ה

וַתָּזִ֖דוּ

וַתַּעֲל֥וּ

הָהָֽרָה׃

Dt. 1:44

וַיֵּצֵ֨א

הָאֱמֹרִ֜י

הַיֹּשֵׁ֨ב

בָּהָ֤ר

הַהוּא֙

לִקְרַאתְכֶ֔ם

וַיִּרְדְּפ֣וּ

אֶתְכֶ֔ם

כַּאֲשֶׁ֥ר

תַּעֲשֶׂ֖ינָה

הַדְּבֹרִ֑ים

וַֽיַּכְּת֥וּ

אֶתְכֶ֛ם

בְּשֵׂעִ֖יר

עַד־חָרְמָֽה׃

Dt. 1:45

וַתָּשֻׁ֥בוּ

וַתִּבְכּ֖וּ

לִפְנֵ֣י

יְהוָ֑ה

וְלֹֽא־שָׁמַ֤ע

יְהוָה֙

בְּקֹ֣לְכֶ֔ם

וְלֹ֥א

הֶאֱזִ֖ין

אֲלֵיכֶֽם׃

Dt. 1:46

וַתֵּשְׁב֥וּ

בְקָדֵ֖שׁ

יָמִ֣ים

רַבִּ֑ים

כַּיָּמִ֖ים

אֲשֶׁ֥ר

יְשַׁבְתֶּֽם׃

Dt. 2:1

וַנֵּ֜פֶן

וַנִּסַּ֤ע

הַמִּדְבָּ֙רָה֙

דֶּ֣רֶךְ

יַם־ס֔וּף

כַּאֲשֶׁ֛ר

דִּבֶּ֥ר

יְהוָ֖ה

אֵלָ֑י

וַנָּ֥סָב

אֶת־הַר־שֵׂעִ֖יר

יָמִ֥ים

רַבִּֽים׃

ס

Dt. 2:2

וַיֹּ֥אמֶר

יְהוָ֖ה

אֵלַ֥י

לֵאמֹֽר׃

Dt. 2:3

רַב־לָכֶ֕ם

סֹ֖ב

אֶת־הָהָ֣ר

הַזֶּ֑ה

פְּנ֥וּ

לָכֶ֖ם

צָפֹֽנָה׃

Dt. 2:4

וְאֶת־הָעָם֮

צַ֣ו

לֵאמֹר֒

אַתֶּ֣ם

עֹֽבְרִ֗ים

בִּגְבוּל֙

אֲחֵיכֶ֣ם

בְּנֵי־עֵשָׂ֔ו

הַיֹּשְׁבִ֖ים

בְּשֵׂעִ֑יר

וְיִֽירְא֣וּ

מִכֶּ֔ם

וְנִשְׁמַרְתֶּ֖ם

מְאֹֽד׃

Dt. 2:5

אַל־תִּתְגָּר֣וּ

בָ֔ם

כִּ֠י

לֹֽא־אֶתֵּ֤ן

לָכֶם֙

מֵֽאַרְצָ֔ם

עַ֖ד

מִדְרַ֣ךְ

כַּף־רָ֑גֶל

כִּֽי־יְרֻשָּׁ֣ה

לְעֵשָׂ֔ו

נָתַ֖תִּי

אֶת־הַ֥ר

שֵׂעִֽיר׃

Dt. 2:6

אֹ֣כֶל

תִּשְׁבְּר֧וּ

מֵֽאִתָּ֛ם

בַּכֶּ֖סֶף

וַאֲכַלְתֶּ֑ם

וְגַם־מַ֜יִם

תִּכְר֧וּ

מֵאִתָּ֛ם

בַּכֶּ֖סֶף

וּשְׁתִיתֶֽם׃

Dt. 2:7

כִּי֩

יְהוָ֨ה

אֱלֹהֶ֜יךָ

בֵּֽרַכְךָ֗

בְּכֹל֙

מַעֲשֵׂ֣ה

יָדֶ֔ךָ

יָדַ֣ע

לֶכְתְּךָ֔

אֶת־הַמִּדְבָּ֥ר

הַגָּדֹ֖ל

הַזֶּ֑ה

זֶ֣ה׀

אַרְבָּעִ֣ים

שָׁנָ֗ה

יְהוָ֤ה

אֱלֹהֶ֙יךָ֙

עִמָּ֔ךְ

לֹ֥א

חָסַ֖רְתָּ

דָּבָֽר׃

Dt. 2:8

וַֽנַּעֲבֹ֞ר

מֵאֵ֧ת

אַחֵ֣ינוּ

בְנֵי־עֵשָׂ֗ו

הַיֹּֽשְׁבִים֙

בְּשֵׂעִ֔יר

מִדֶּ֙רֶךְ֙

הָֽעֲרָבָ֔ה

מֵאֵילַ֖ת

וּמֵעֶצְיֹ֣ן

גָּ֑בֶר

ס

וַנֵּ֙פֶן֙

וַֽנַּעֲבֹ֔ר

דֶּ֖רֶךְ

מִדְבַּ֥ר

מוֹאָֽב׃

Dt. 2:9

וַיֹּ֨אמֶר

יְהוָ֜ה

אֵלַ֗י

אֶל־תָּ֙צַר֙

אֶת־מוֹאָ֔ב

וְאַל־תִּתְגָּ֥ר

בָּ֖ם

מִלְחָמָ֑ה

כִּ֠י

לֹֽא־אֶתֵּ֨ן

לְךָ֤

מֵֽאַרְצוֹ֙

יְרֻשָּׁ֔ה

כִּ֣י

לִבְנֵי־ל֔וֹט

נָתַ֥תִּי

אֶת־עָ֖ר

יְרֻשָּׁה׃

Dt. 2:10

הָאֵמִ֥ים

לְפָנִ֖ים

יָ֣שְׁבוּ

בָ֑הּ

עַ֣ם

גָּד֥וֹל

וְרַ֛ב

וָרָ֖ם

כָּעֲנָקִֽים׃

Dt. 2:11

רְפָאִ֛ים

יֵחָשְׁב֥וּ

אַף־הֵ֖ם

כָּעֲנָקִ֑ים

וְהַמֹּ֣אָבִ֔ים

יִקְרְא֥וּ

לָהֶ֖ם

אֵמִֽים׃

Dt. 2:12

וּבְשֵׂעִ֞יר

יָשְׁב֣וּ

הַחֹרִים֮

לְפָנִים֒

וּבְנֵ֧י

עֵשָׂ֣ו

יִֽירָשׁ֗וּם

וַיַּשְׁמִידוּם֙

מִפְּנֵיהֶ֔ם

וַיֵּשְׁב֖וּ

תַּחְתָּ֑ם

כַּאֲשֶׁ֧ר

עָשָׂ֣ה

יִשְׂרָאֵ֗ל

לְאֶ֙רֶץ֙

יְרֻשָּׁת֔וֹ

אֲשֶׁר־נָתַ֥ן

יְהוָ֖ה

לָהֶֽם׃

Dt. 2:13

עַתָּ֗ה

קֻ֛מוּ

וְעִבְר֥וּ

לָכֶ֖ם

אֶת־נַ֣חַל

זָ֑רֶד

וַֽנַּעֲבֹ֖ר

אֶת־נַ֥חַל

זָֽרֶד׃

Dt. 2:14

וְהַיָּמִ֞ים

אֲשֶׁר־הָלַ֣כְנוּ׀

מִקָּדֵ֣שׁ

בַּרְנֵ֗עַ

עַ֤ד

אֲשֶׁר־עָבַ֙רְנוּ֙

אֶת־נַ֣חַל

זֶ֔רֶד

שְׁלֹשִׁ֥ים

וּשְׁמֹנֶ֖ה

שָׁנָ֑ה

עַד־תֹּ֨ם

כָּל־הַדּ֜וֹר

אַנְשֵׁ֤י

הַמִּלְחָמָה֙

מִקֶּ֣רֶב

הַֽמַּחֲנֶ֔ה

כַּאֲשֶׁ֛ר

נִשְׁבַּ֥ע

יְהוָ֖ה

לָהֶֽם׃

Dt. 2:15

וְגַ֤ם

יַד־יְהוָה֙

הָ֣יְתָה

בָּ֔ם

לְהֻמָּ֖ם

מִקֶּ֣רֶב

הַֽמַּחֲנֶ֑ה

עַ֖ד

תֻּמָּֽם׃

Dt. 2:16

וַיְהִ֨י

כַאֲשֶׁר־תַּ֜מּוּ

כָּל־אַנְשֵׁ֧י

הַמִּלְחָמָ֛ה

לָמ֖וּת

מִקֶּ֥רֶב

הָעָֽם׃

ס

Dt. 2:17

וַיְדַבֵּ֥ר

יְהוָ֖ה

אֵלַ֥י

לֵאמֹֽר׃

Dt. 2:18

אַתָּ֨ה

עֹבֵ֥ר

הַיּ֛וֹם

אֶת־גְּב֥וּל

מוֹאָ֖ב

אֶת־עָֽר׃

Dt. 2:19

וְקָרַבְתָּ֗

מ֚וּל

בְּנֵ֣י

עַמּ֔וֹן

אַל־תְּצֻרֵ֖ם

וְאַל־תִּתְגָּ֣ר

בָּ֑ם

כִּ֣י

לֹֽא־אֶ֠תֵּן

מֵאֶ֨רֶץ

בְּנֵי־עַמּ֤וֹן

לְךָ֙

יְרֻשָּׁ֔ה

כִּ֥י

לִבְנֵי־ל֖וֹט

נְתַתִּ֥יהָ

יְרֻשָּֽׁה׃

Dt. 2:20

אֶֽרֶץ־רְפָאִ֥ים

תֵּחָשֵׁ֖ב

אַף־הִ֑וא

רְפָאִ֤ים

יָֽשְׁבוּ־בָהּ֙

לְפָנִ֔ים

וְהָֽעַמֹּנִ֔ים

יִקְרְא֥וּ

לָהֶ֖ם

זַמְזֻמִּֽים׃

Dt. 2:21

עַ֣ם

גָּד֥וֹל

וְרַ֛ב

וָרָ֖ם

כָּעֲנָקִ֑ים

וַיַּשְׁמִידֵ֤ם

יְהוָה֙

מִפְּנֵיהֶ֔ם

וַיִּירָשֻׁ֖ם

וַיֵּשְׁב֥וּ

תַחְתָּֽם׃

Dt. 2:22

כַּאֲשֶׁ֤ר

עָשָׂה֙

לִבְנֵ֣י

עֵשָׂ֔ו

הַיֹּשְׁבִ֖ים

בְּשֵׂעִ֑יר

אֲשֶׁ֨ר

הִשְׁמִ֤יד

אֶת־הַחֹרִי֙

מִפְּנֵיהֶ֔ם

וַיִּֽירָשֻׁם֙

וַיֵּשְׁב֣וּ

תַחְתָּ֔ם

עַ֖ד

הַיּ֥וֹם

הַזֶּֽה׃

Dt. 2:23

וְהָֽעַוִּ֛ים

הַיֹּשְׁבִ֥ים

בַּחֲצֵרִ֖ים

עַד־עַזָּ֑ה

כַּפְתֹּרִים֙

הַיֹּצְאִ֣ים

מִכַּפְתּ֔וֹר

הִשְׁמִידֻ֖ם

וַיֵּשְׁב֥וּ

תַחְתָּֽם׃

Dt. 2:24

ק֣וּמוּ

סְּע֗וּ

וְעִבְרוּ֮

אֶת־נַ֣חַל

אַרְנֹן֒

רְאֵ֣ה

נָתַ֣תִּי

בְ֠יָדְךָ

אֶת־סִיחֹ֨ן

מֶֽלֶךְ־חֶשְׁבּ֧וֹן

הָֽאֱמֹרִ֛י

וְאֶת־אַרְצ֖וֹ

הָחֵ֣ל

רָ֑שׁ

וְהִתְגָּ֥ר

בּ֖וֹ

מִלְחָמָֽה׃

Dt. 2:25

הַיּ֣וֹם

הַזֶּ֗ה

אָחֵל֙

תֵּ֤ת

פַּחְדְּךָ֙

וְיִרְאָ֣תְךָ֔

עַל־פְּנֵי֙

הָֽעַמִּ֔ים

תַּ֖חַת

כָּל־הַשָּׁמָ֑יִם

אֲשֶׁ֤ר

יִשְׁמְעוּן֙

שִׁמְעֲךָ֔

וְרָגְז֥וּ

וְחָל֖וּ

מִפָּנֶֽיךָ׃

Dt. 2:26

וָאֶשְׁלַ֤ח

מַלְאָכִים֙

מִמִּדְבַּ֣ר

קְדֵמ֔וֹת

אֶל־סִיח֖וֹן

מֶ֣לֶךְ

חֶשְׁבּ֑וֹן

דִּבְרֵ֥י

שָׁל֖וֹם

לֵאמֹֽר׃

Dt. 2:27

אֶעְבְּרָ֣ה

בְאַרְצֶ֔ךָ

בַּדֶּ֥רֶךְ

בַּדֶּ֖רֶךְ

אֵלֵ֑ךְ

לֹ֥א

אָס֖וּר

יָמִ֥ין

וּשְׂמֹֽאול׃

Dt. 2:28

אֹ֣כֶל

בַּכֶּ֤סֶף

תַּשְׁבִּרֵ֙נִי֙

וְאָכַ֔לְתִּי

וּמַ֛יִם

בַּכֶּ֥סֶף

תִּתֶּן־לִ֖י

וְשָׁתִ֑יתִי

רַ֖ק

אֶעְבְּרָ֥ה

בְרַגְלָֽי׃

Dt. 2:29

כַּאֲשֶׁ֨ר

עָֽשׂוּ־לִ֜י

בְּנֵ֣י

עֵשָׂ֗ו

הַיֹּֽשְׁבִים֙

בְּשֵׂעִ֔יר

וְהַמּ֣וֹאָבִ֔ים

הַיֹּשְׁבִ֖ים

בְּעָ֑ר

עַ֤ד

אֲשֶֽׁר־אֶֽעֱבֹר֙

אֶת־הַיַּרְדֵּ֔ן

אֶל־הָאָ֕רֶץ

אֲשֶׁר־יְהוָ֥ה

אֱלֹהֵ֖ינוּ

נֹתֵ֥ן

לָֽנוּ׃

Dt. 2:30

וְלֹ֣א

אָבָ֗ה

סִיחֹן֙

מֶ֣לֶךְ

חֶשְׁבּ֔וֹן

הַעֲבִרֵ֖נוּ

בּ֑וֹ

כִּֽי־הִקְשָׁה֩

יְהוָ֨ה

אֱלֹהֶ֜יךָ

אֶת־רוּח֗וֹ

וְאִמֵּץ֙

אֶת־לְבָב֔וֹ

לְמַ֛עַן

תִּתּ֥וֹ

בְיָדְךָ֖

כַּיּ֥וֹם

הַזֶּֽה׃

ס

Dt. 2:31

וַיֹּ֤אמֶר

יְהוָה֙

אֵלַ֔י

רְאֵ֗ה

הַֽחִלֹּ֙תִי֙

תֵּ֣ת

לְפָנֶ֔יךָ

אֶת־סִיחֹ֖ן

וְאֶת־אַרְצ֑וֹ

הָחֵ֣ל

רָ֔שׁ

לָרֶ֖שֶׁת

אֶת־אַרְצֽוֹ׃

Dt. 2:32

וַיֵּצֵא֩

סִיחֹ֨ן

לִקְרָאתֵ֜נוּ

ה֧וּא

וְכָל־עַמּ֛וֹ

לַמִּלְחָמָ֖ה

יָֽהְצָה׃

Dt. 2:33

וַֽיִּתְּנֵ֛הוּ

יְהוָ֥ה

אֱלֹהֵ֖ינוּ

לְפָנֵ֑ינוּ

וַנַּ֥ךְ

אֹת֛וֹ

וְאֶת־בְּנוֹ

[בָּנָ֖יו]

וְאֶת־כָּל־עַמּֽוֹ׃

Dt. 2:34

וַנִּלְכֹּ֤ד

אֶת־כָּל־עָרָיו֙

בָּעֵ֣ת

הַהִ֔וא

וַֽנַּחֲרֵם֙

אֶת־כָּל־עִ֣יר

מְתִ֔ם

וְהַנָּשִׁ֖ים

וְהַטָּ֑ף

לֹ֥א

הִשְׁאַ֖רְנוּ

שָׂרִֽיד׃

Dt. 2:35

רַ֥ק

הַבְּהֵמָ֖ה

בָּזַ֣זְנוּ

לָ֑נוּ

וּשְׁלַ֥ל

הֶעָרִ֖ים

אֲשֶׁ֥ר

לָכָֽדְנוּ׃

Dt. 2:36

מֵֽעֲרֹעֵ֡ר

אֲשֶׁר֩

עַל־שְׂפַת־נַ֨חַל

אַרְנֹ֜ן

וְהָעִ֨יר

אֲשֶׁ֤ר

בַּנַּ֙חַל֙

וְעַד־הַגִּלְעָ֔ד

לֹ֤א

הָֽיְתָה֙

קִרְיָ֔ה

אֲשֶׁ֥ר

שָׂגְבָ֖ה

מִמֶּ֑נּוּ

אֶת־הַכֹּ֕ל

נָתַ֛ן

יְהוָ֥ה

אֱלֹהֵ֖ינוּ

לְפָנֵֽינוּ׃

Dt. 2:37

רַ֛ק

אֶל־אֶ֥רֶץ

בְּנֵי־עַמּ֖וֹן

לֹ֣א

קָרָ֑בְתָּ

כָּל־יַ֞ד

נַ֤חַל

יַבֹּק֙

וְעָרֵ֣י

הָהָ֔ר

וְכֹ֥ל

אֲשֶׁר־צִוָּ֖ה

יְהוָ֥ה

אֱלֹהֵֽינוּ׃

Dt. 3:1

וַנֵּ֣פֶן

וַנַּ֔עַל

דֶּ֖רֶךְ

הַבָּשָׁ֑ן

וַיֵּצֵ֣א

עוֹג֩

מֶֽלֶךְ־הַבָּשָׁ֨ן

לִקְרָאתֵ֜נוּ

ה֧וּא

וְכָל־עַמּ֛וֹ

לַמִּלְחָמָ֖ה

אֶדְרֶֽעִי׃

Dt. 3:2

וַיֹּ֨אמֶר

יְהוָ֤ה

אֵלַי֙

אַל־תִּירָ֣א

אֹת֔וֹ

כִּ֣י

בְיָדְךָ֞

נָתַ֧תִּי

אֹת֛וֹ

וְאֶת־כָּל־עַמּ֖וֹ

וְאֶת־אַרְצ֑וֹ

וְעָשִׂ֣יתָ

לּ֔וֹ

כַּאֲשֶׁ֣ר

עָשִׂ֗יתָ

לְסִיחֹן֙

מֶ֣לֶךְ

הָֽאֱמֹרִ֔י

אֲשֶׁ֥ר

יוֹשֵׁ֖ב

בְּחֶשְׁבּֽוֹן׃

Dt. 3:3

וַיִּתֵּן֩

יְהוָ֨ה

אֱלֹהֵ֜ינוּ

בְּיָדֵ֗נוּ

גַּ֛ם

אֶת־ע֥וֹג

מֶֽלֶךְ־הַבָּשָׁ֖ן

וְאֶת־כָּל־עַמּ֑וֹ

וַנַּכֵּ֕הוּ

עַד־בִּלְתִּ֥י

הִשְׁאִֽיר־ל֖וֹ

שָׂרִֽיד׃

Dt. 3:4

וַנִּלְכֹּ֤ד

אֶת־כָּל־עָרָיו֙

בָּעֵ֣ת

הַהִ֔וא

לֹ֤א

הָֽיְתָה֙

קִרְיָ֔ה

אֲשֶׁ֥ר

לֹא־לָקַ֖חְנוּ

מֵֽאִתָּ֑ם

שִׁשִּׁ֥ים

עִיר֙

כָּל־חֶ֣בֶל

אַרְגֹּ֔ב

מַמְלֶ֥כֶת

ע֖וֹג

בַּבָּשָֽׁן׃

Dt. 3:5

כָּל־אֵ֜לֶּה

עָרִ֧ים

בְּצֻר֛וֹת

חוֹמָ֥ה

גְבֹהָ֖ה

דְּלָתַ֣יִם

וּבְרִ֑יחַ

לְבַ֛ד

מֵעָרֵ֥י

הַפְּרָזִ֖י

הַרְבֵּ֥ה

מְאֹֽד׃

Dt. 3:6

וַנַּחֲרֵ֣ם

אוֹתָ֔ם

כַּאֲשֶׁ֣ר

עָשִׂ֔ינוּ

לְסִיחֹ֖ן

מֶ֣לֶךְ

חֶשְׁבּ֑וֹן

הַחֲרֵם֙

כָּל־עִ֣יר

מְתִ֔ם

הַנָּשִׁ֖ים

וְהַטָּֽף׃

Dt. 3:7

וְכָל־הַבְּהֵמָ֛ה

וּשְׁלַ֥ל

הֶעָרִ֖ים

בַּזּ֥וֹנוּ

לָֽנוּ׃

Dt. 3:8

וַנִּקַּ֞ח

בָּעֵ֤ת

הַהִוא֙

אֶת־הָאָ֔רֶץ

מִיַּ֗ד

שְׁנֵי֙

מַלְכֵ֣י

הָאֱמֹרִ֔י

אֲשֶׁ֖ר

בְּעֵ֣בֶר

הַיַּרְדֵּ֑ן

מִנַּ֥חַל

אַרְנֹ֖ן

עַד־הַ֥ר

חֶרְמֽוֹן׃

Dt. 3:9

צִידֹנִ֛ים

יִקְרְא֥וּ

לְחֶרְמ֖וֹן

שִׂרְיֹ֑ן

וְהָ֣אֱמֹרִ֔י

יִקְרְאוּ־ל֖וֹ

שְׂנִֽיר׃

Dt. 3:10

כֹּ֣ל׀

עָרֵ֣י

הַמִּישֹׁ֗ר

וְכָל־הַגִּלְעָד֙

וְכָל־הַבָּשָׁ֔ן

עַד־סַלְכָ֖ה

וְאֶדְרֶ֑עִי

עָרֵ֛י

מַמְלֶ֥כֶת

ע֖וֹג

בַּבָּשָֽׁן׃

Dt. 3:11

כִּ֣י

רַק־ע֞וֹג

מֶ֣לֶךְ

הַבָּשָׁ֗ן

נִשְׁאַר֮

מִיֶּ֣תֶר

הָרְפָאִים֒

הִנֵּ֤ה

עַרְשׂוֹ֙

עֶ֣רֶשׂ

בַּרְזֶ֔ל

הֲלֹ֣ה

הִ֔וא

בְּרַבַּ֖ת

בְּנֵ֣י

עַמּ֑וֹן

תֵּ֧שַׁע

אַמּ֣וֹת

אָרְכָּ֗הּ

וְאַרְבַּ֥ע

אַמּ֛וֹת

רָחְבָּ֖הּ

בְּאַמַּת־אִֽישׁ׃

Dt. 3:12

וְאֶת־הָאָ֧רֶץ

הַזֹּ֛את

יָרַ֖שְׁנוּ

בָּעֵ֣ת

הַהִ֑וא

מֵעֲרֹעֵ֞ר

אֲשֶׁר־עַל־נַ֣חַל

אַרְנֹ֗ן

וַחֲצִ֤י

הַֽר־הַגִּלְעָד֙

וְעָרָ֔יו

נָתַ֕תִּי

לָרֻֽאוּבֵנִ֖י

וְלַגָּדִֽי׃

Dt. 3:13

וְיֶ֨תֶר

הַגִּלְעָ֤ד

וְכָל־הַבָּשָׁן֙

מַמְלֶ֣כֶת

ע֔וֹג

נָתַ֕תִּי

לַחֲצִ֖י

שֵׁ֣בֶט

הַֽמְנַשֶּׁ֑ה

כֹּ֣ל

חֶ֤בֶל

הָֽאַרְגֹּב֙

לְכָל־הַבָּשָׁ֔ן

הַה֥וּא

יִקָּרֵ֖א

אֶ֥רֶץ

רְפָאִֽים׃

Dt. 3:14

יָאִ֣יר

בֶּן־מְנַשֶּׁ֗ה

לָקַח֙

אֶת־כָּל־חֶ֣בֶל

אַרְגֹּ֔ב

עַד־גְּב֥וּל

הַגְּשׁוּרִ֖י

וְהַמַּֽעֲכָתִ֑י

וַיִּקְרָא֩

אֹתָ֨ם

עַל־שְׁמ֤וֹ

אֶת־הַבָּשָׁן֙

חַוֹּ֣ת

יָאִ֔יר

עַ֖ד

הַיּ֥וֹם

הַזֶּֽה׃

Dt. 3:15

וּלְמָכִ֖יר

נָתַ֥תִּי

אֶת־הַגִּלְעָֽד׃

Dt. 3:16

וְלָרֻאוּבֵנִ֨י

וְלַגָּדִ֜י

נָתַ֤תִּי

מִן־הַגִּלְעָד֙

וְעַד־נַ֣חַל

אַרְנֹ֔ן

תּ֥וֹךְ

הַנַּ֖חַל

וּגְבֻ֑ל

וְעַד֙

יַבֹּ֣ק

הַנַּ֔חַל

גְּב֖וּל

בְּנֵ֥י

עַמּֽוֹן׃

Dt. 3:17

וְהָֽעֲרָבָ֖ה

וְהַיַּרְדֵּ֣ן

וּגְבֻ֑ל

מִכִּנֶּ֗רֶת

וְעַ֨ד

יָ֤ם

הָֽעֲרָבָה֙

יָ֣ם

הַמֶּ֔לַח

תַּ֛חַת

אַשְׁדֹּ֥ת

הַפִּסְגָּ֖ה

מִזְרָֽחָה׃

Dt. 3:18

וָאֲצַ֣ו

אֶתְכֶ֔ם

בָּעֵ֥ת

הַהִ֖וא

לֵאמֹ֑ר

יְהוָ֣ה

אֱלֹהֵיכֶ֗ם

נָתַ֨ן

לָכֶ֜ם

אֶת־הָאָ֤רֶץ

הַזֹּאת֙

לְרִשְׁתָּ֔הּ

חֲלוּצִ֣ים

תַּֽעַבְר֗וּ

לִפְנֵ֛י

אֲחֵיכֶ֥ם

בְּנֵֽי־יִשְׂרָאֵ֖ל

כָּל־בְּנֵי־חָֽיִל׃

Dt. 3:19

רַ֠ק

נְשֵׁיכֶ֣ם

וְטַפְּכֶם֮

וּמִקְנֵכֶם֒

יָדַ֕עְתִּי

כִּֽי־מִקְנֶ֥ה

רַ֖ב

לָכֶ֑ם

יֵֽשְׁבוּ֙

בְּעָ֣רֵיכֶ֔ם

אֲשֶׁ֥ר

נָתַ֖תִּי

לָכֶֽם׃

Dt. 3:20

עַ֠ד

אֲשֶׁר־יָנִ֨יחַ

יְהוָ֥ה׀

לַֽאֲחֵיכֶם֮

כָּכֶם֒

וְיָרְשׁ֣וּ

גַם־הֵ֔ם

אֶת־הָאָ֕רֶץ

אֲשֶׁ֨ר

יְהוָ֧ה

אֱלֹהֵיכֶ֛ם

נֹתֵ֥ן

לָהֶ֖ם

בְּעֵ֣בֶר

הַיַּרְדֵּ֑ן

וְשַׁבְתֶּ֗ם

אִ֚ישׁ

לִֽירֻשָּׁת֔וֹ

אֲשֶׁ֥ר

נָתַ֖תִּי

לָכֶֽם׃

Dt. 3:21

וְאֶת־יְהוֹשׁ֣וּעַ

צִוֵּ֔יתִי

בָּעֵ֥ת

הַהִ֖וא

לֵאמֹ֑ר

עֵינֶ֣יךָ

הָרֹאֹ֗ת

אֵת֩

כָּל־אֲשֶׁ֨ר

עָשָׂ֜ה

יְהוָ֤ה

אֱלֹהֵיכֶם֙

לִשְׁנֵי֙

הַמְּלָכִ֣ים

הָאֵ֔לֶּה

כֵּֽן־יַעֲשֶׂ֤ה

יְהוָה֙

לְכָל־הַמַּמְלָכ֔וֹת

אֲשֶׁ֥ר

אַתָּ֖ה

עֹבֵ֥ר

שָֽׁמָּה׃

Dt. 3:22

לֹ֖א

תִּֽירָא֑וּם

כִּ֚י

יְהוָ֣ה

אֱלֹֽהֵיכֶ֔ם

ה֖וּא

הַנִּלְחָ֥ם

לָכֶֽם׃

ס

Dt. 3:23

וָאֶתְחַנַּ֖ן

אֶל־יְהוָ֑ה

בָּעֵ֥ת

הַהִ֖וא

לֵאמֹֽר׃

Dt. 3:24

אֲדֹנָ֣י

יְהוִ֗ה

אַתָּ֤ה

הַֽחִלּ֙וֹתָ֙

לְהַרְא֣וֹת

אֶֽת־עַבְדְּךָ֔

אֶ֨ת־גָּדְלְךָ֔

וְאֶת־יָדְךָ֖

הַחֲזָקָ֑ה

אֲשֶׁ֤ר

מִי־אֵל֙

בַּשָּׁמַ֣יִם

וּבָאָ֔רֶץ

אֲשֶׁר־יַעֲשֶׂ֥ה

כְמַעֲשֶׂ֖יךָ

וְכִגְבוּרֹתֶֽךָ׃

Dt. 3:25

אֶעְבְּרָה־נָּ֗א

וְאֶרְאֶה֙

אֶת־הָאָ֣רֶץ

הַטּוֹבָ֔ה

אֲשֶׁ֖ר

בְּעֵ֣בֶר

הַיַּרְדֵּ֑ן

הָהָ֥ר

הַטּ֛וֹב

הַזֶּ֖ה

וְהַלְּבָנֽוֹן׃

Dt. 3:26

וַיִּתְעַבֵּ֨ר

יְהוָ֥ה

בִּי֙

לְמַ֣עַנְכֶ֔ם

וְלֹ֥א

שָׁמַ֖ע

אֵלָ֑י

וַיֹּ֨אמֶר

יְהוָ֤ה

אֵלַי֙

רַב־לָ֔ךְ

אַל־תּ֗וֹסֶף

דַּבֵּ֥ר

אֵלַ֛י

ע֖וֹד

בַּדָּבָ֥ר

הַזֶּֽה׃

Dt. 3:27

עֲלֵ֣ה׀

רֹ֣אשׁ

הַפִּסְגָּ֗ה

וְשָׂ֥א

עֵינֶ֛יךָ

יָ֧מָּה

וְצָפֹ֛נָה

וְתֵימָ֥נָה

וּמִזְרָ֖חָה

וּרְאֵ֣ה

בְעֵינֶ֑יךָ

כִּי־לֹ֥א

תַעֲבֹ֖ר

אֶת־הַיַּרְדֵּ֥ן

הַזֶּֽה׃

Dt. 3:28

וְצַ֥ו

אֶת־יְהוֹשֻׁ֖עַ

וְחַזְּקֵ֣הוּ

וְאַמְּצֵ֑הוּ

כִּי־ה֣וּא

יַעֲבֹ֗ר

לִפְנֵי֙

הָעָ֣ם

הַזֶּ֔ה

וְהוּא֙

יַנְחִ֣יל

אוֹתָ֔ם

אֶת־הָאָ֖רֶץ

אֲשֶׁ֥ר

תִּרְאֶֽה׃

Dt. 3:29

וַנֵּ֣שֶׁב

בַּגָּ֔יְא

מ֖וּל

בֵּ֥ית

פְּעֽוֹר׃

פ

Dt. 4:1

וְעַתָּ֣ה

יִשְׂרָאֵ֗ל

שְׁמַ֤ע

אֶל־הַֽחֻקִּים֙

וְאֶל־הַמִּשְׁפָּטִ֔ים

אֲשֶׁ֧ר

אָֽנֹכִ֛י

מְלַמֵּ֥ד

אֶתְכֶ֖ם

לַעֲשׂ֑וֹת

לְמַ֣עַן

תִּֽחְי֗וּ

וּבָאתֶם֙

וִֽירִשְׁתֶּ֣ם

אֶת־הָאָ֔רֶץ

אֲשֶׁ֧ר

יְהוָ֛ה

אֱלֹהֵ֥י

אֲבֹתֵיכֶ֖ם

נֹתֵ֥ן

לָכֶֽם׃

Dt. 4:2

לֹ֣א

תֹסִ֗פוּ

עַל־הַדָּבָר֙

אֲשֶׁ֤ר

אָנֹכִי֙

מְצַוֶּ֣ה

אֶתְכֶ֔ם

וְלֹ֥א

תִגְרְע֖וּ

מִמֶּ֑נּוּ

לִשְׁמֹ֗ר

אֶת־מִצְוֹת֙

יְהוָ֣ה

אֱלֹֽהֵיכֶ֔ם

אֲשֶׁ֥ר

אָנֹכִ֖י

מְצַוֶּ֥ה

אֶתְכֶֽם׃

Dt. 4:3

עֵֽינֵיכֶם֙

הָֽרֹאֹ֔ת

אֵ֛ת

אֲשֶׁר־עָשָׂ֥ה

יְהוָ֖ה

בְּבַ֣עַל

פְּע֑וֹר

כִּ֣י

כָל־הָאִ֗ישׁ

אֲשֶׁ֤ר

הָלַךְ֙

אַחֲרֵ֣י

בַֽעַל־פְּע֔וֹר

הִשְׁמִיד֛וֹ

יְהוָ֥ה

אֱלֹהֶ֖יךָ

מִקִּרְבֶּֽךָ׃

Dt. 4:4

וְאַתֶּם֙

הַדְּבֵקִ֔ים

בַּיהוָ֖ה

אֱלֹהֵיכֶ֑ם

חַיִּ֥ים

כֻּלְּכֶ֖ם

הַיּֽוֹם׃

Dt. 4:5

רְאֵ֣ה׀

לִמַּ֣דְתִּי

אֶתְכֶ֗ם

חֻקִּים֙

וּמִשְׁפָּטִ֔ים

כַּאֲשֶׁ֥ר

צִוַּ֖נִי

יְהוָ֣ה

אֱלֹהָ֑י

לַעֲשׂ֣וֹת

כֵּ֔ן

בְּקֶ֣רֶב

הָאָ֔רֶץ

אֲשֶׁ֥ר

אַתֶּ֛ם

בָּאִ֥ים

שָׁ֖מָּה

לְרִשְׁתָּֽהּ׃

Dt. 4:6

וּשְׁמַרְתֶּם֮

וַעֲשִׂיתֶם֒

כִּ֣י

הִ֤וא

חָכְמַתְכֶם֙

וּבִ֣ינַתְכֶ֔ם

לְעֵינֵ֖י

הָעַמִּ֑ים

אֲשֶׁ֣ר

יִשְׁמְע֗וּן

אֵ֚ת

כָּל־הַחֻקִּ֣ים

הָאֵ֔לֶּה

וְאָמְר֗וּ

רַ֚ק

עַם־חָכָ֣ם

וְנָב֔וֹן

הַגּ֥וֹי

הַגָּד֖וֹל

הַזֶּֽה׃

Dt. 4:7

כִּ֚י

מִי־ג֣וֹי

גָּד֔וֹל

אֲשֶׁר־ל֥וֹ

אֱלֹהִ֖ים

קְרֹבִ֣ים

אֵלָ֑יו

כַּיהוָ֣ה

אֱלֹהֵ֔ינוּ

בְּכָל־קָרְאֵ֖נוּ

אֵלָֽיו׃

Dt. 4:8

וּמִי֙

גּ֣וֹי

גָּד֔וֹל

אֲשֶׁר־ל֛וֹ

חֻקִּ֥ים

וּמִשְׁפָּטִ֖ים

צַדִּיקִ֑ם

כְּכֹל֙

הַתּוֹרָ֣ה

הַזֹּ֔את

אֲשֶׁ֧ר

אָנֹכִ֛י

נֹתֵ֥ן

לִפְנֵיכֶ֖ם

הַיּֽוֹם׃

Dt. 4:9

רַ֡ק

הִשָּׁ֣מֶר

לְךָ֩

וּשְׁמֹ֨ר

נַפְשְׁךָ֜

מְאֹ֗ד

פֶּן־תִּשְׁכַּ֨ח

אֶת־הַדְּבָרִ֜ים

אֲשֶׁר־רָא֣וּ

עֵינֶ֗יךָ

וּפֶן־יָס֙וּרוּ֙

מִלְּבָ֣בְךָ֔

כֹּ֖ל

יְמֵ֣י

חַיֶּ֑יךָ

וְהוֹדַעְתָּ֥ם

לְבָנֶ֖יךָ

וְלִבְנֵ֥י

בָנֶֽיךָ׃

Dt. 4:10

י֗וֹם

אֲשֶׁ֨ר

עָמַ֜דְתָּ

לִפְנֵ֨י

יְהוָ֣ה

אֱלֹהֶיךָ֮

בְּחֹרֵב֒

בֶּאֱמֹ֨ר

יְהוָ֜ה

אֵלַ֗י

הַקְהֶל־לִי֙

אֶת־הָעָ֔ם

וְאַשְׁמִעֵ֖ם

אֶת־דְּבָרָ֑י

אֲשֶׁ֨ר

יִלְמְד֜וּן

לְיִרְאָ֣ה

אֹתִ֗י

כָּל־הַיָּמִים֙

אֲשֶׁ֨ר

הֵ֤ם

חַיִּים֙

עַל־הָ֣אֲדָמָ֔ה

וְאֶת־בְּנֵיהֶ֖ם

יְלַמֵּדֽוּן׃

Dt. 4:11

וַתִּקְרְב֥וּן

וַתַּֽעַמְד֖וּן

תַּ֣חַת

הָהָ֑ר

וְהָהָ֞ר

בֹּעֵ֤ר

בָּאֵשׁ֙

עַד־לֵ֣ב

הַשָּׁמַ֔יִם

חֹ֖שֶׁךְ

עָנָ֥ן

וַעֲרָפֶֽל׃

Dt. 4:12

וַיְדַבֵּ֧ר

יְהוָ֛ה

אֲלֵיכֶ֖ם

מִתּ֣וֹךְ

הָאֵ֑שׁ

ק֤וֹל

דְּבָרִים֙

אַתֶּ֣ם

שֹׁמְעִ֔ים

וּתְמוּנָ֛ה

אֵינְכֶ֥ם

רֹאִ֖ים

זוּלָתִ֥י

קֽוֹל׃

Dt. 4:13

וַיַּגֵּ֨ד

לָכֶ֜ם

אֶת־בְּרִית֗וֹ

אֲשֶׁ֨ר

צִוָּ֤ה

אֶתְכֶם֙

לַעֲשׂ֔וֹת

עֲשֶׂ֖רֶת

הַדְּבָרִ֑ים

וַֽיִּכְתְּבֵ֔ם

עַל־שְׁנֵ֖י

לֻח֥וֹת

אֲבָנִֽים׃

Dt. 4:14

וְאֹתִ֞י

צִוָּ֤ה

יְהוָה֙

בָּעֵ֣ת

הַהִ֔וא

לְלַמֵּ֣ד

אֶתְכֶ֔ם

חֻקִּ֖ים

וּמִשְׁפָּטִ֑ים

לַעֲשֹׂתְכֶ֣ם

אֹתָ֔ם

בָּאָ֕רֶץ

אֲשֶׁ֥ר

אַתֶּ֛ם

עֹבְרִ֥ים

שָׁ֖מָּה

לְרִשְׁתָּֽהּ׃

Dt. 4:15

וְנִשְׁמַרְתֶּ֥ם

מְאֹ֖ד

לְנַפְשֹׁתֵיכֶ֑ם

כִּ֣י

לֹ֤א

רְאִיתֶם֙

כָּל־תְּמוּנָ֔ה

בְּי֗וֹם

דִּבֶּ֨ר

יְהוָ֧ה

אֲלֵיכֶ֛ם

בְּחֹרֵ֖ב

מִתּ֥וֹךְ

הָאֵֽשׁ׃

Dt. 4:16

פֶּ֨ן־תַּשְׁחִת֔וּן

וַעֲשִׂיתֶ֥ם

לָכֶ֛ם

פֶּ֖סֶל

תְּמוּנַ֣ת

כָּל־סָ֑מֶל

תַּבְנִ֥ית

זָכָ֖ר

א֥וֹ

נְקֵבָֽה׃

Dt. 4:17

תַּבְנִ֕ית

כָּל־בְּהֵמָ֖ה

אֲשֶׁ֣ר

בָּאָ֑רֶץ

תַּבְנִית֙

כָּל־צִפּ֣וֹר

כָּנָ֔ף

אֲשֶׁ֥ר

תָּע֖וּף

בַּשָּׁמָֽיִם׃

Dt. 4:18

תַּבְנִ֕ית

כָּל־רֹמֵ֖שׂ

בָּאֲדָמָ֑ה

תַּבְנִ֛ית

כָּל־דָּגָ֥ה

אֲשֶׁר־בַּמַּ֖יִם

מִתַּ֥חַת

לָאָֽרֶץ׃

Dt. 4:19

וּפֶן־תִּשָּׂ֨א

עֵינֶ֜יךָ

הַשָּׁמַ֗יְמָה

וְֽ֠רָאִיתָ

אֶת־הַשֶּׁ֨מֶשׁ

וְאֶת־הַיָּרֵ֜חַ

וְאֶת־הַכּֽוֹכָבִ֗ים

כֹּ֚ל

צְבָ֣א

הַשָּׁמַ֔יִם

וְנִדַּחְתָּ֛

וְהִשְׁתַּחֲוִ֥יתָ

לָהֶ֖ם

וַעֲבַדְתָּ֑ם

אֲשֶׁ֨ר

חָלַ֜ק

יְהוָ֤ה

אֱלֹהֶ֙יךָ֙

אֹתָ֔ם

לְכֹל֙

הָֽעַמִּ֔ים

תַּ֖חַת

כָּל־הַשָּׁמָֽיִם׃

Dt. 4:20

וְאֶתְכֶם֙

לָקַ֣ח

יְהוָ֔ה

וַיּוֹצִ֥א

אֶתְכֶ֛ם

מִכּ֥וּר

הַבַּרְזֶ֖ל

מִמִּצְרָ֑יִם

לִהְי֥וֹת

ל֛וֹ

לְעַ֥ם

נַחֲלָ֖ה

כַּיּ֥וֹם

הַזֶּֽה׃

Dt. 4:21

וַֽיהוָ֥ה

הִתְאַנֶּף־בִּ֖י

עַל־דִּבְרֵיכֶ֑ם

וַיִּשָּׁבַ֗ע

לְבִלְתִּ֤י

עָבְרִי֙

אֶת־הַיַּרְדֵּ֔ן

וּלְבִלְתִּי־בֹא֙

אֶל־הָאָ֣רֶץ

הַטּוֹבָ֔ה

אֲשֶׁר֙

יְהוָ֣ה

אֱלֹהֶ֔יךָ

נֹתֵ֥ן

לְךָ֖

נַחֲלָֽה׃

Dt. 4:22

כִּ֣י

אָנֹכִ֥י

מֵת֙

בָּאָ֣רֶץ

הַזֹּ֔את

אֵינֶ֥נִּי

עֹבֵ֖ר

אֶת־הַיַּרְדֵּ֑ן

וְאַתֶּם֙

עֹֽבְרִ֔ים

וִֽירִשְׁתֶּ֕ם

אֶת־הָאָ֥רֶץ

הַטּוֹבָ֖ה

הַזֹּֽאת׃

Dt. 4:23

הִשָּׁמְר֣וּ

לָכֶ֗ם

פֶּֽן־תִּשְׁכְּחוּ֙

אֶת־בְּרִ֤ית

יְהוָה֙

אֱלֹ֣הֵיכֶ֔ם

אֲשֶׁ֥ר

כָּרַ֖ת

עִמָּכֶ֑ם

וַעֲשִׂיתֶ֨ם

לָכֶ֥ם

פֶּ֙סֶל֙

תְּמ֣וּנַת

כֹּ֔ל

אֲשֶׁ֥ר

צִוְּךָ֖

יְהוָ֥ה

אֱלֹהֶֽיךָ׃

Dt. 4:24

כִּ֚י

יְהוָ֣ה

אֱלֹהֶ֔יךָ

אֵ֥שׁ

אֹכְלָ֖ה

ה֑וּא

אֵ֖ל

קַנָּֽא׃

פ

Dt. 4:25

כִּֽי־תוֹלִ֤יד

בָּנִים֙

וּבְנֵ֣י

בָנִ֔ים

וְנוֹשַׁנְתֶּ֖ם

בָּאָ֑רֶץ

וְהִשְׁחַתֶּ֗ם

וַעֲשִׂ֤יתֶם

פֶּ֙סֶל֙

תְּמ֣וּנַת

כֹּ֔ל

וַעֲשִׂיתֶ֥ם

הָרַ֛ע

בְּעֵינֵ֥י

יְהוָֽה־אֱלֹהֶ֖יךָ

לְהַכְעִיסֽוֹ׃

Dt. 4:26

הַעִידֹתִי֩

בָכֶ֨ם

הַיּ֜וֹם

אֶת־הַשָּׁמַ֣יִם

וְאֶת־הָאָ֗רֶץ

כִּֽי־אָבֹ֣ד

תֹּאבֵדוּן֮

מַהֵר֒

מֵעַ֣ל

הָאָ֔רֶץ

אֲשֶׁ֨ר

אַתֶּ֜ם

עֹבְרִ֧ים

אֶת־הַיַּרְדֵּ֛ן

שָׁ֖מָּה

לְרִשְׁתָּ֑הּ

לֹֽא־תַאֲרִיכֻ֤ן

יָמִים֙

עָלֶ֔יהָ

כִּ֥י

הִשָּׁמֵ֖ד

תִּשָּׁמֵדֽוּן׃

Dt. 4:27

וְהֵפִ֧יץ

יְהוָ֛ה

אֶתְכֶ֖ם

בָּעַמִּ֑ים

וְנִשְׁאַרְתֶּם֙

מְתֵ֣י

מִסְפָּ֔ר

בַּגּוֹיִ֕ם

אֲשֶׁ֨ר

יְנַהֵ֧ג

יְהוָ֛ה

אֶתְכֶ֖ם

שָֽׁמָּה׃

Dt. 4:28

וַעֲבַדְתֶּם־שָׁ֣ם

אֱלֹהִ֔ים

מַעֲשֵׂ֖ה

יְדֵ֣י

אָדָ֑ם

עֵ֣ץ

וָאֶ֔בֶן

אֲשֶׁ֤ר

לֹֽא־יִרְאוּן֙

וְלֹ֣א

יִשְׁמְע֔וּן

וְלֹ֥א

יֹֽאכְל֖וּן

וְלֹ֥א

יְרִיחֻֽן׃

Dt. 4:29

וּבִקַּשְׁתֶּ֥ם

מִשָּׁ֛ם

אֶת־יְהוָ֥ה

אֱלֹהֶ֖יךָ

וּמָצָ֑אתָ

כִּ֣י

תִדְרְשֶׁ֔נּוּ

בְּכָל־לְבָבְךָ֖

וּבְכָל־נַפְשֶֽׁךָ׃

Dt. 4:30

בַּצַּ֣ר

לְךָ֔

וּמְצָא֕וּךָ

כֹּ֖ל

הַדְּבָרִ֣ים

הָאֵ֑לֶּה

בְּאַחֲרִית֙

הַיָּמִ֔ים

וְשַׁבְתָּ֙

עַד־יְהוָ֣ה

אֱלֹהֶ֔יךָ

וְשָׁמַעְתָּ֖

בְּקֹלֽוֹ׃

Dt. 4:31

כִּ֣י

אֵ֤ל

רַחוּם֙

יְהוָ֣ה

אֱלֹהֶ֔יךָ

לֹ֥א

יַרְפְּךָ֖

וְלֹ֣א

יַשְׁחִיתֶ֑ךָ

וְלֹ֤א

יִשְׁכַּח֙

אֶת־בְּרִ֣ית

אֲבֹתֶ֔יךָ

אֲשֶׁ֥ר

נִשְׁבַּ֖ע

לָהֶֽם׃

Dt. 4:32

כִּ֣י

שְׁאַל־נָא֩

לְיָמִ֨ים

רִֽאשֹׁנִ֜ים

אֲשֶׁר־הָי֣וּ

לְפָנֶ֗יךָ

לְמִן־הַיּוֹם֙

אֲשֶׁר֩

בָּרָ֨א

אֱלֹהִ֤ים׀

אָדָם֙

עַל־הָאָ֔רֶץ

וּלְמִקְצֵ֥ה

הַשָּׁמַ֖יִם

וְעַד־קְצֵ֣ה

הַשָּׁמָ֑יִם

הֲנִֽהְיָ֗ה

כַּדָּבָ֤ר

הַגָּדוֹל֙

הַזֶּ֔ה

א֖וֹ

הֲנִשְׁמַ֥ע

כָּמֹֽהוּ׃

Dt. 4:33

הֲשָׁ֣מַֽע

עָם֩

ק֨וֹל

אֱלֹהִ֜ים

מְדַבֵּ֧ר

מִתּוֹךְ־הָאֵ֛שׁ

כַּאֲשֶׁר־שָׁמַ֥עְתָּ

אַתָּ֖ה

וַיֶּֽחִי׃

Dt. 4:34

א֣וֹ׀

הֲנִסָּ֣ה

אֱלֹהִ֗ים

לָ֠בוֹא

לָקַ֨חַת

ל֣וֹ

גוֹי֮

מִקֶּ֣רֶב

גּוֹי֒

בְּמַסֹּת֩

בְּאֹתֹ֨ת

וּבְמוֹפְתִ֜ים

וּבְמִלְחָמָ֗ה

וּבְיָ֤ד

חֲזָקָה֙

וּבִזְר֣וֹעַ

נְטוּיָ֔ה

וּבְמוֹרָאִ֖ים

גְּדֹלִ֑ים

כְּ֠כֹל

אֲשֶׁר־עָשָׂ֨ה

לָכֶ֜ם

יְהוָ֧ה

אֱלֹהֵיכֶ֛ם

בְּמִצְרַ֖יִם

לְעֵינֶֽיךָ׃

Dt. 4:35

אַתָּה֙

הָרְאֵ֣תָ

לָדַ֔עַת

כִּ֥י

יְהוָ֖ה

ה֣וּא

הָאֱלֹהִ֑ים

אֵ֥ין

ע֖וֹד

מִלְבַדּֽוֹ׃

Dt. 4:36

מִן־הַשָּׁמַ֛יִם

הִשְׁמִֽיעֲךָ֥

אֶת־קֹל֖וֹ

לְיַסְּרֶ֑ךָּ

וְעַל־הָאָ֗רֶץ

הֶרְאֲךָ֙

אֶת־אִשּׁ֣וֹ

הַגְּדוֹלָ֔ה

וּדְבָרָ֥יו

שָׁמַ֖עְתָּ

מִתּ֥וֹךְ

הָאֵֽשׁ׃

Dt. 4:37

וְתַ֗חַת

כִּ֤י

אָהַב֙

אֶת־אֲבֹתֶ֔יךָ

וַיִּבְחַ֥ר

בְּזַרְע֖וֹ

אַחֲרָ֑יו

וַיּוֹצִֽאֲךָ֧

בְּפָנָ֛יו

בְּכֹח֥וֹ

הַגָּדֹ֖ל

מִמִּצְרָֽיִם׃

Dt. 4:38

לְהוֹרִ֗ישׁ

גּוֹיִ֛ם

גְּדֹלִ֧ים

וַעֲצֻמִ֛ים

מִמְּךָ֖

מִפָּנֶ֑יךָ

לַהֲבִֽיאֲךָ֗

לָֽתֶת־לְךָ֧

אֶת־אַרְצָ֛ם

נַחֲלָ֖ה

כַּיּ֥וֹם

הַזֶּֽה׃

Dt. 4:39

וְיָדַעְתָּ֣

הַיּ֗וֹם

וַהֲשֵׁבֹתָ֮

אֶל־לְבָבֶךָ֒

כִּ֤י

יְהוָה֙

ה֣וּא

הָֽאֱלֹהִ֔ים

בַּשָּׁמַ֣יִם

מִמַּ֔עַל

וְעַל־הָאָ֖רֶץ

מִתָּ֑חַת

אֵ֖ין

עֽוֹד׃

Dt. 4:40

וְשָׁמַרְתָּ֞

אֶת־חֻקָּ֣יו

וְאֶת־מִצְוֹתָ֗יו

אֲשֶׁ֨ר

אָנֹכִ֤י

מְצַוְּךָ֙

הַיּ֔וֹם

אֲשֶׁר֙

יִיטַ֣ב

לְךָ֔

וּלְבָנֶ֖יךָ

אַחֲרֶ֑יךָ

וּלְמַ֨עַן

תַּאֲרִ֤יךְ

יָמִים֙

עַל־הָ֣אֲדָמָ֔ה

אֲשֶׁ֨ר

יְהוָ֧ה

אֱלֹהֶ֛יךָ

נֹתֵ֥ן

לְךָ֖

כָּל־הַיָּמִֽים׃

פ

Dt. 4:41

אָ֣ז

יַבְדִּ֤יל

מֹשֶׁה֙

שָׁלֹ֣שׁ

עָרִ֔ים

בְּעֵ֖בֶר

הַיַּרְדֵּ֑ן

מִזְרְחָ֖ה

שָֽׁמֶשׁ׃

Dt. 4:42

לָנֻ֨ס

שָׁ֜מָּה

רוֹצֵ֗חַ

אֲשֶׁ֨ר

יִרְצַ֤ח

אֶת־רֵעֵ֙הוּ֙

בִּבְלִי־דַ֔עַת

וְה֛וּא

לֹא־שֹׂנֵ֥א

ל֖וֹ

מִתְּמ֣וֹל

שִׁלְשׁ֑וֹם

וְנָ֗ס

אֶל־אַחַ֛ת

מִן־הֶעָרִ֥ים

הָאֵ֖ל

וָחָֽי׃

Dt. 4:43

אֶת־בֶּ֧צֶר

בַּמִּדְבָּ֛ר

בְּאֶ֥רֶץ

הַמִּישֹׁ֖ר

לָרֻֽאוּבֵנִ֑י

וְאֶת־רָאמֹ֤ת

בַּגִּלְעָד֙

לַגָּדִ֔י

וְאֶת־גּוֹלָ֥ן

בַּבָּשָׁ֖ן

לַֽמְנַשִּֽׁי׃

Dt. 4:44

וְזֹ֖את

הַתּוֹרָ֑ה

אֲשֶׁר־שָׂ֣ם

מֹשֶׁ֔ה

לִפְנֵ֖י

בְּנֵ֥י

יִשְׂרָאֵֽל׃

Dt. 4:45

אֵ֚לֶּה

הָֽעֵדֹ֔ת

וְהַֽחֻקִּ֖ים

וְהַמִּשְׁפָּטִ֑ים